最近夏天戶外熱到出汗，入到室內成日俾冷氣吹住又乾到爆。之前聽朋友講過GROWN ALCHEMIST嘅皇牌護手霜好受歡迎，今次一試，果然名不虛傳！呢款護手霜質地絲滑清爽，一推開就迅速吸收，完全唔油膩，搽完即刻可以繼續打字，唔怕整到個鍵盤油淋淋。佢嘅植萃修護配方好強大，有山茶花、葡萄籽同蘆薈，深層滋潤之餘仲有抗氧修復功效，用咗幾日，指尖啲倒刺同乾紋明顯平滑咗，雙手摸落去柔嫩返晒。最驚喜係佢嘅柑橘療癒香氛，融合香草、橙皮同柑橘精油，味道天然清香，唔似人造香味，每次搽都有種放鬆舒緩嘅感覺，喺忙碌工作中幫自己叉叉電。而家我將佢長擺喺辦公枱頭，隨手滋潤，已經成為我日常必備嘅護膚小物。如果你都係成日捱冷氣、對手乾燥粗糙嘅同路人，真心推薦你試下！
夏天成日出入冷氣地方，對手真係好易乾。我本身份工要成日對住電腦打字，手指關節同指甲邊緣經常覺得好緊、好粗糙，有時仲會輕微脫皮。之前喺網上見到好多人推介呢支GROWN ALCHEMIST修復護手霜，話係皇牌產品，於是就買咗支試下。用咗大約兩個星期，我覺得質地方面幾滿意。佢唔算好厚身，唧出嚟係輕盈嘅乳霜狀，推開好快就吸收，唔會搞到隻手油淋淋，用完可以即刻繼續打字或者做嘢，呢點對我嚟講好重要。滋潤度方面都唔錯，搽完之後對手明顯滑咗，尤其係手指邊嗰啲乾燥起嘅硬皮，慢慢軟化咗，冇之前咁粗。佢入面有山茶花同蘆薈成份，保濕之餘又有修復效果，持續用咗一排，對手望落光澤咗，冇咁暗啞。味道方面，佢有柑橘同雲呢拿嘅清香，唔會太濃，聞落幾舒服自然，唔似一啲護手霜咁有強烈嘅化學香味。整體嚟講，呢支護手霜滋潤得來又清爽，味道討好，我會繼續用，亦都會推薦俾身邊嘅朋友。
之前已經聽過GROWN ALCHEMIST嘅皇牌護手霜好受歡迎，夏天熱辣辣又成日出入冷氣房，好容易令皮膚乾燥、屏障受損，加上成日用鹼液洗手，隻手成日乾爭爭，有咗呢支修復護手霜就唔怕啦。GROWN ALCHEMIST修復護手霜嘅味道好自然清香，成份富含山茶花、葡萄籽同蘆薈深層滋養、抗氧並舒緩乾燥粗糙、同時舒緩修復，聞落仲有淡淡柑橘療癒香氛，融合咗香草、橙皮同柑橘精油，散發幽雅清香。質地絲滑清爽，一抹快速吸收唔油膩，有效軟化角質，恢復雙手柔嫩光滑，細細支方便隨身攜帶，咁就可以隨時隨地滋潤雙手啦!
有潔癖嘅我基本上每次洗手都會用梘液，成日搞到隻手好乾，但又唔鍾意搽完又黐立立嘅感覺，終於俾我搵到一支又香又唔立嘅handcream！每次洗完手搽佢都有種治癒嘅感覺🫶🏻
