craven

未到12點已經出油,雖未至溶妝,不過鼻位已有反光效果出現.放工後,成個鼻可以印到d油出黎,今次佢比較失望.

因為用佢支Adcanced Super Restoring Cream 所以買佢一齊用.希望改善條虎紋,細紋易處理,虎紋真係比較難.不過用左一個星期已開始見到個效果,用左一個月,本身左邊既虎紋深過右邊,用完之後淡左好多.仲淡過右邊. 值得一讚.

自己都用唔少抗皺產品,佢係我用甘多個品牌中真係比到去皺功效.我之前面兩旁有兩條好深既虎紋,D紋要黎好快亦好深,要佢走好難.所以一次過用MA佢支精華配合.質地同一般抗皺產品差不多.最重要係我用左佢一個星期,開始淡,因為本身左邊既虎紋係深同長過右邊,所以覺得好奇,再繼續用,大約一個月後,兩邊虎紋真係少左,同時左邊個條虎紋比起右邊更短同淡.仲有個好處就係佢好保濕.而缺點係只可以用手按摩,千萬不要用牛骨去按,因為質地問題.留意.

一向對CHANEL既產品都會有期望,冇乜失望,今次都冇例外,試用此產品,都諗過化妝定唔化妝試.因為自己LIKE用底霜當FOUNDATION 用.因為會比較自然同時簡單個程序. 先講質地.好滑,不過比我用開既底霜厚左D.好似BBCREAM既感覺,所以比較有少少難推,SIS們,我試過用手按,效果唔好.用手推同用掃掃會好D.不過推開左,塊面比較白.大家留意,遮瑕都不錯,因為我D暗瘡印同毛孔都遮到.皮膚唔係太大問題既話,都可以唔用遮瑕膏,因為佢連我個黑眼圈都遮到亦冇乜干紋,我搽完成面同頸之後.我洗手,再按下塊面,有D苙,好擔心,諗下用唔用碎粉.之後都係搽T未位.等左一陣,再摸下塊面又冇左個種苙既感覺.大約4點鐘,個鼻開始出油.妝亦唔係太溶.眼位亦冇乜問題,回家睇下又冇乜敏感,不過如果SIS 們想加FOUNDATION,最好用隻比較薄身.整體算不錯.因為我只係當佢FOUNDATION 甘用.保濕度亦不錯.

我用緊係#85 violet laser (紫色)當初用佢覺得幾好,好易畫,唔知係唔係開得多,之後再搽上好難畫,仲成日斷線,嘗試再加番上去,就變得好厚身,之後仲好易溶.所以都冇用佢.

因為試Matricium 注活細胞能量昇華水,所以都試ma 佢呢個精華.佢係乳霜狀既精華,初時仲以為係面霜,好易推開,不過唔知點解,搽完佢上面霜比較難推d. 其實我用左幾日,晚上用完,第二日都ok,冇乜油出,不過皮膚白左,亦冇敏感,對於鞏固肌膚彈性,暫時未有甘快見到,

我一向都用開佢既卸妝水,今次有幸試佢既Matricium 注活細胞能量昇華水,先講佢功效,屬於修復細胞,令肌膚細胞分裂活動回復20歲肌膚細胞分裂的活躍度.仲可以連眼,面,頸都可以用.其實簡單一句,佢屬於肌底液,先搽上toner 再搽佢,再搽Matriciane Serum 注活細胞全效精華,同面霜,不過sis 要留意,佢開封後 12小時內要用晒佢.千萬不要over time.我自己試過一支一次,係好唗,反而我覺得晚上10:00 後用一半先,之後封好,第二朝早上用ma 佢,個份量啱啱好.同時,sis 要留意佢真係好似水狀甘,小心d 唧出黎, 用左幾日,第二朝起身皮膚都ok,冇敏感,亦冇乜出油.不過早上用就比較差d.我未到食晏已經有d 油.之後4點鐘,個鼻多左d油.個妝暫時未溶,可能我仲係試用階段,仲未有甘快見個效果.比多少少時間,再睇下先.

都係脫皮問題,sale lady 送左呢支sample.奶白色既面膜,當你搽上去好滑好柔,等左10分鐘,你用水一沖,成塊面超滑,當你成塊面上仲有水既時候,你見到係水珠一粒粒係塊面度,你用手摸下塊面好滑,好似有層油包住,唔駛擔心,你用毛巾一抺,就冇油苙苙.塊面好滑同好似飲左好多水.之後上妝超貼.

因為突然塊面脫皮,所以sale lady 送左個sample 比我試,用左兩次,塊面再冇脫皮同泛紅,最重要同時解決左脫皮同保水問題,值得一讚.

因為皮膚測試,發現d 皮膚不斷脫皮,太缺水,sales lady 好好送左呢支sample比我.都係個句,你皮膚干,用佢好掂,因為質地好滑,你搽完之後,塊面好柔軟,同時你見到塊面好有光澤感,就算上左妝,一樣甘掂.

佢個質感同B字頭個卸妝水差不多.不過佢有香味.唔係太濃.而卸妝效果黎講,佢好一般.因為自己本身化妝好薄.個妝係薄到好似裸妝,我都要用5張COTTON PAD 去卸.之後又起左泛紅.因為自己比較敏感.用水洗完,仲幾干,(之前個SALE講係可以唔用水洗,不過我唔係甘讚成,洗洗好D,因為我卸完,等下佢既效果,塊面已經開始緊緊地,洗完又冇野).不過佢價錢同品質來說,我寧願買番B字頭個隻卸妝水.

因為最like佢就係佢支卸妝水,所以買左呢支保濕面膜.質地好滑好推,我試過過左時間,佢都ok,冇乜泛紅或敏感.洗完之後都幾潤,亦唔覺干.都算係物有所值既保濕面膜.