googoo

唔惦! 真係好唔惦﹐ (連個sales自己都話隻指甲油感覺好cheap...) 顏色唔係重點﹐ 重點係佢太水dell dell﹐ 完全唔cover,好既指甲搽一野就好cover到﹐而且會好平均 ﹐但呢隻係透既﹐ 應該要搽好多浸先得﹐ 而且一搽落去﹐ D顏色走晒去掃既兩遍﹐ 莎莎門口幾蚊支果D 都好過佢﹐ (基本上佢係好似比小朋友玩下0個種指甲油) 去櫃檯試一野啦﹐ 你就明我講咩... 另外因為搽第一下已經No No﹐ 所以搽多幾浸之後快唔快乾真係未知﹐ 持唔持亦係未知。

唧出黎係奶白色既cream狀﹐質感係絲咁滑﹐用左一個星期已經見效果﹐不過最好配埋隻Whitening Infusion, 係用黎強化佢既功效﹗一定要將佢發揮到最大功效先值回票價﹐無AHA BHA之類果酸換膚成份﹐所以唔洗怕會特別對光敏感同傷皮膚﹗但出門點都記得要搽防晒﹐唔係去完斑又晒返出D斑就等於搵自己笨。

不油不膩﹐有別於一般防曬霜﹐質感絲咁滑﹐可以當妝前打底用﹗唔洗搽完防曬又搽底霜咁麻煩﹐少一重功夫。妝後的話要拍上去用。

咩時候用最好呢~~ 就係暗瘡完全未現形但你開始發現有少少紅﹐按落去少少痛既時候﹐用佢0係患處係碌幾碌﹐涼涼地﹐拿拿地﹐呢呢呢﹗感覺咪就係好似用白花油搽蚊爛咁FEEL囉﹐搽既時候好拿﹐但心態會覺得好爽﹗咩仇都報晒﹗"死啦暗瘡﹗嘿﹗" 吸收得好快﹐差不多一搽清涼感覺過後即乾﹐最好耐唔耐補一補﹐包保不出幾個鐘頭﹐你會發現真係無咁腫痛﹗我發覺越初期用越早見效﹐到爆瘡先用就太遲﹐拿到你飛起﹐到時只可當發泄用﹐唔謊唔爽... 少少心得﹕個玻璃樽仔唔多安全﹐我用卸妝油原先用黎夾住個pump 0個隻夾仔叉住佢﹐等佢無咁容易碌落地。

紅石榴出名抗氧化﹐去暗沉﹐所以一見係紅石榴就知好野。佢夠潤﹐我個嘴一向乾紋多又多一塊塊皮﹐用後改善好~~多﹗個嘴唇都變得好柔軟﹐而且唇色無咁灰灰黑黑﹐有返D紅潤。

因為有用開隻Good Night Sleep 晚霜所以試下配搭埋呢隻精華用﹐功效唔多覺﹐質感好Silky﹐夠滑唔立﹐易推﹐氣味清香﹐感覺良好。之不過第二朝洗面時會滑潺潺﹐感覺佢成晚一直仲停留響皮膚表面完全無吸收過一樣﹐唔知咁樣算正常唔正常﹐唔通因為要鎖水所以咁?

質感好薄﹐無一般晚霜咁厚咁立﹐D cream淺紫色好感覺吸引﹐味道清香﹐搽完聞住黎訓真係好舒服好relax﹗用完第二朝皮膚好滑。

吸收好快﹐感覺夠潤

話就話不含酒精﹐但係好大陣火酒味﹐我本身唔係敏感皮膚﹐基本上用任何牌子都完全無問題﹐唯獨係呢隻﹐奇怪...搽左之後即刻覺得好“哪”﹐塊面好刺痛嘅感覺...以為未習慣啦﹐之後用多幾日都係咁﹐無再用。

平日用Toner我都唔係咁分到好定唔好﹐因為都無咩大分別﹐全部來來去去都係感覺好似濕左塊面就算咁。但係一用完呢隻﹐係好明顯feel到塊面軟綿綿同埋好爽﹐D味都好好聞﹐用完好舒服~ 價錢都唔太貴。