Antique

好好用！未用過咁好用的洗臉產品！ 我皮膚好乾架, 所有用過 for dry skin的產品都令我更乾, 搞到我越出越多油。 呢隻的泡泡好細, 清潔得好之餘唔會好乾。 又無香味, 我好 like 呀, 以前用開的可以全部掉晒去！

我眼周圍的皮膚很乾。 用了這個後, 還是不夠保濕。 夏天的話, 保濕程度都只是剛剛好而已, 也看不出有撫平及淡化幼紋的功用。 它的好處在於質地易推開及氣味很淡。 皮膚不像我般乾的人可能較合用。

好易起泡泡, 味又好淡好清, 洗完臉有種 squeaky clean 的感覺, 好乾淨。 我皮膚係 combination skin, 內乾外油。 冬天用呢隻會太乾, 夏天唔太經常用都 OK 的, 如果唔係都會太乾。

我只用過 sample裝, 真係幾保濕。 白色奶狀好易推。 到目前為止無敏感出現, 都算 good 了。 唯一缺點是上臉後會有少少痴立立, 會反光, 日頭用要上粉先得。

呢隻質地比水「傑」, 但都易比皮膚吸收。 有咩特別功效我未睇到, 但查上臉後感覺舒服同保水。 (睇網上 review 有人話呢隻有少少酒精, 但我用 sample 裝, 睇唔到個成份, 無從考究。)

溫和之餘, 真係可以去死皮。 死皮好似 rubber 碎咁出黎。 注意要用在乾皮膚上, 否則比較難去死皮。 用後唔會乾。

我冬天的皮膚超乾, 又易敏感。 用的護膚品一係唔夠保濕, 查完照甩皮, 一係太潤, 查到出粒粒。 有一年試左另一牌子 rosehip oil, 覺得好正, 但太貴。 之後我買左呢支野, 每次洗完臉, 塊臉仲濕濕地, 就用一滴薄查。之後我再查平時的護膚品, 咁就唔乾！好開心！但要注意, 唔可查太多, 否則出石頭蒼。 D人話佢可以退疤退印, 但我就覺得呢方面佢就無咩用了。

我份工要長期對住電腦, 對眼好易累。 一累的時候我就用呢支眼筆碌幾碌。 雖然表面上唔見有咩效果, 但感覺好冰涼舒適。 Roll on 的時候真的好舒服。

初時我買呢隻 mask 係因為個名好聽。 (有時人就係咁膚淺...) 一拆開個包裝就好喜歡佢的香味, 清清地, 唔濃唔膩。 敷左上面之後因為個味好舒服, 好 relaxing, 好易訓著覺。 用後皮膚滑, 有光澤, 但就只能維持到我下次去洗面為止。 補濕一般。

我皮膚都算乾。 如果講補濕, 納豆功效會好D, 適合冬天用。 而呢隻蘆薈呢, 就適合夏天的天氣。 敷完之後塊臉好滑, 好舒服, 又有光澤。 用完後我會繼續查 toner, moisturizer。 但呢個靚靚 ge 感覺就只能維持到我下次洗臉為止。 通常我針清完就會用佢, 因為蘆薈可以舒緩 D 紅印。 但最緊要都係佢夠平! 哈哈哈哈哈~~

呢樣係我冬天必備的物品。 佢好有水份, 好補濕, 又平。 我用黎 "full" 面半個鐘之後會用佢黎抹身, 都仲 feel 到補濕。 正! 哈哈, 而家諗起都開心~~ :-)

我用呢支野用左 2 個星期。 我日日用, 因為我 D 黑頭又多又深又實。 (黑頭問題無咁嚴重的人當然唔駛用咁密)。 我覺得用左之後 D 黑頭易清好多, 可能因為佢有 BHA (Beta hydroxyl acid) 掛。 用佢黎按 20 秒到, 就可以用黑頭針壓 D 黑頭出黎。 我只用鼻, 一支都夠用成個禮拜。 唯一唔好就係覺得佢有少少乾, 但已經好好架喇, 因為其他去黑頭產品仲乾... P.S. 我皮膚係內乾外油