donggoo

La Roche-Posay呢個品牌相信唔少人都聽過，平日係專櫃都見唔少佢嘅產品，今次就同大家分享下呢支每日高效BB乳霜嘅用後感啦！ 首先簡單介紹下每日高效BB乳霜： 佢嘅防曬系數超越PA++++兩倍，集合了低敏、抗污染、抗氧化、防色斑、防光老化、保濕、防曬UVA/LONG-UVA/UVB多樣功能於一身，可以有效預防曬黑、光老化及敏感惡化。另外佢內含獨特溫泉水配方，質感水潤貼薄唔會阻塞毛孔，防曬同時遮瑕，亦適合敏感肌膚人士使用。佢有3隻色調，包括：01色(亮白)、02色(自然)、03色(粉嫩)。 **小妹的用後感： 平日出街趕頭趕命嘅我，要用最少嘅時間將多種skincare塗上面，所以routine最好越簡單越好。呢支BB乳霜集合左防曬、保濕、抗敏、抗污染...等等多樣功能，完全係我呢d懶人的恩物！而我最最最鐘意係佢有SPF50+ PA++++嘅防曬系數，完全足夠幫我遮擋UV，係我呢個雀斑少女嘅救星。今次我試嘅01色亦好貼近我膚色，質地好易推開，blend開全面後有好水潤嘅光澤感，好有韓妝嘅感覺！佢嘅coverage都好好，我嘅嚴重黑眼圈、紅印、色斑，通通都被遮蓋了！最值得推薦嘅係佢價錢係超！值！$290就有30ml，仲要係法國品牌，性價比超高嘅product～

La Roche-Posay呢個品牌相信唔少人都聽過，我之前都有用過佢嘅BB Cream都好好用，今次就同大家分享下呢支水凝防曬隔離液嘅用後感啦！ 首先簡單介紹下水凝防曬隔離液： 佢加入左專利成分Mexoryl® SX、Mexoryl® XL及Tinosorb S，可以全面防護UVA及UVB，啱晒我呢d成面斑斑嘅人用。另外佢係屬於水包油劑型，塗上後質感清爽不黏膩，而且十分容易推開，有SPF50 PA++++，適合每天作防曬及妝前底霜使用。 **小妹的用後感： 平日出街趕頭趕命嘅我，要用最少嘅時間將多種skincare塗上面，所以routine最好越簡單越好。呢支水凝防曬隔離液集合左防曬同妝前底霜，幫我慳左一個step又慳左錢，仲有SPF50度防曬，完全足夠幫我遮擋UV，幫我防止黑斑型成。另外，佢塗上面後唔會有好油膩嘅感覺，亦唔會黏住頭髮，最適合夏天呢個最需要清爽嘅季節使用！最重要的是佢價錢係超值，$270有30ml仲要係法國品牌，真係好抵用！

Synergie Skin MasquErase面膜含有多種海洋及植物活性成份，延緩肌膚老化，減淡細紋，深層補濕，同時舒緩敏感炎症等肌膚問題。面膜更加入創新科研成份--海洋萃取多糖環，可以刺激幹細胞生長，減淡細紋並深層修復受損肌膚，同時提升肌膚本身細胞免疫力。成份亦加入了多種天然植物護膚成份，幫助刺激膠原蛋白增生，提升活性成份滲透力，達至抗氧化、減輕肌膚紅腫、強化肌膚自我防禦能力。 首先講下個包裝，本身未用過呢個品牌，所以冇太大期望，雖然係試用裝都好有誠意地用玻璃樽裝著，一樽仔嘅份量都夠我用2~3次。氣味方面聞落去好香，好似搽潤膚霜嘅香味，亦因為加左天然成份嘅關係，一點兒敏感、泛紅嘅情況都冇，適合唔同膚質人輕使用。厚厚的敷上20~30分鐘，再用紙巾抺走多餘的面膜，然後用清水洗淨。 我平均一星期用2~3次，效果都唔錯，補濕效果幾好，用完都冇出現乾紋，遲下再熱啲要成日開冷氣，敷呢隻面膜作保濕就最適合不過。另外我本身肌膚都容易泛紅，敷完佢之後紅腫情況都得以舒緩，塊面唔再一撻撻！雖然呢隻面膜有好多功效，包括減淡細紋、增加膠原蛋白增生等等，但相信要用多幾次先睇到效果。不過袁彌明嘅護膚產品一向性價比高、大獲好評，所以我都好buy呢隻面膜，之後會再回購呢～

今次小妹有幸可以試用Peter Thomas Roth嘅青瓜舒緩保濕面膜～佢嘅性質溫和，具有深層保濕及舒緩雙重功效，啱晒夏天曝曬後或者做完激光之後當降紅gel咁用。PTR呢款面膜能迅速軟化肌膚，令肌膚變得柔滑亮澤。另外都可以用係眼下位置，可以改善眼部浮腫。小妹試用後感覺好清新好fresh，以下同大家分享下我嘅用後感～ PTR嘅青瓜舒緩保濕面膜氣味好清新，塗一層厚厚的面膜上面，靜待10分鐘後用凍水沖走就OK，我個人喜歡用掃上，可以更均勻同更衛生，另外記得唔好慳住用，以我以前使用呢類GEL狀MASK嘅經驗，一定要全面都搽滿厚厚的先至WORK！ 用左個幾星期後，感覺肌膚質素有所改善，兩頰肌膚比未使用前變得更滑，之前甩皮嘅情況都有輕微改善，冇再瘋狂甩皮，而且敏感引致嘅紅印都減淡左少少，降紅效果不錯～我最鐘意將佢放入雪櫃雪凍黎用，敷上面時就更加refresh！同時可以加強鎮靜及舒緩效果，呢樣都係我最愛佢嘅地方！而且PTR嘅面膜大大樽都唔係好貴，可以用好多次都得，真係幾抵用！相信呢個夏天，佢會變成我嘅護膚常客～ :D

今次好開心有機會試用NeoStrata嘅的Gel Plus更生活膚啫喱面膜～第一次認識NeoStrata係聽過呢個品牌係美國醫學界嘅果酸權威，仲蘊含專利成份AHA甘醇酸，相信品質一定有保證！ :D 這次試用的Gel Plus更生活膚啫喱面膜試用套裝，好細心咁附送埋面膜掃同束髮巾，唔怕整污糟頭髮～呢支啫喱係適合所有膚質使用嘅，用法係潔面後將適量GelPlus用掃塗於面部，待15-20分鐘後用水洗淨、再塗上面霜，建議混合性辦皮膚人士可只用係T字位就得！緊記用完果酸後要每日塗防曬霜啊！！ **小妹嘅comment： 以前細個唔識野唔敢亂試果酸產品，但知道NeoStrata係信心&口碑保証，就好放心去試！呢款果酸啫喱蘊含專利15% AHA甘醇酸，分子細、滲透深，可以快速吸收進肌膚底層，令外層角質自然脫落，同時深入「活性表皮層」，促進肌膚持續更新，令死皮通通say byebye！仲有助回復皮膚健康更生週期，令皮膚更白滑幼嫩～試用兩次後，真係感受到果酸嘅威力，額頭、鼻翼嘅角質死皮都清走左，皮膚變得更加光滑透亮！之後塗嘅保養品變得容易吸收，T字位亦分泌少左油！ AHA果酸同一般磨紗Peeling真係好唔同，比較之下一般磨紗只係表面清潔，而果酸就幫我更深層煥膚，真係要真正試過才會感受到兩者分別～以後有GelPlus幫我煥發深層Inside-Out光滑，就可以慳返唔少做去美容院做facial嘅錢$$～難怪GelPlus有咁多用家愛戴～ < 3

精華液係我最喜愛亦都係我最常用嘅護膚保養品，因為鐘意佢夠滋潤同有好多不同功效嘅款式選擇。今次就試用了Caudalie葡萄蔓極緻完美精華液，係我用過嘅精華入面算係高分，整體都好滿意！以下就黎簡單介紹下佢嘅功效同我嘅小小用後感： Caudalie葡萄蔓極緻完美精華液蘊含葡萄藤萃取物，可以有效抗氧化亮白、對抗黑色素以及均勻膚色，並能激發骨膠原彈性蛋白更新，增強肌膚彈性，有效緊緻面部輪廓。只須使用四星期，面上的斑點和色斑均有明顯的改善，令肌膚充滿光澤亮麗。對於成日出街又懶得塗防曬霜嘅我黎講簡直係恩物！佢集合美白去斑、增強彈性、緊緻肌膚三大功效合一，以呢個價錢同容量黎講可以做到咁多功效真係好抵買，而且玻璃樽嘅包裝感覺上去更加高貴，拍得住名牌子成千大元嘅精華液。 有幾個原因令到我好鐘意呢支精華，第一，係因為一開蓋已經聞到好清新嘅香味，搽上手背試用後，陣香味依然留在手上last了好久，同事聞到都話好香！第二，就係佢嘅質地非常清爽，不含油脂，塗上面後好快就吸收晒，唔會有黏稠嘅感覺。第三，就係成份夠天然，之前都有聽過Caudalie呢個品牌，知道佢嘅產品都係成份天然，感覺用後更加健康。試用左幾日，feel到肌膚好似有層水膜包住咁，過左成日都唔會特別好乾，保水滋潤效果very god！另外肌膚色澤都明顯有改善，變得更有光澤提亮，黑色素都有少少減淡，肌膚變得脹卜卜好有彈性！ :)

我好容易出雀班,因此防曬係我去到邊都必備之物!如果只可以帶一件化妝品去荒島,我都只會選防曬!!今次試用嘅Orbis無油防曬底霜,比到我新嘅驚喜! Orbis無油防曬底霜蘊含純白Lighting Powder成份以及膚質控制粉末,可以有效提升持妝度同令肌膚變得更透白,防曬之餘仲幫你美白肌膚!另一方面,佢亦蘊含Barrier Veil Protector紫外線反射劑,黑砂糖精華及迷迭香精華,加上SPF34/PA+++防曬系數,大大保護肌膚免受紫外線傷害,仲keep住肌膚水潤柔嫰彈滑!! 佢分種兩隻防曬,一隻係Light清爽乳液型,適合面油較多人士,另一隻係滋潤乳霜型,質地較潤,較適合中性或乾性肌膚使用。我本身係油性肌,所以較鐘意Light嗰款。因為市面上不少防曬底霜用完都會痴立立,痴住晒頭髮令我好困擾...呢款就完全冇呢個問題!用完之後好乾爽,我試過用紙巾放上臉做測試,紙巾都冇黏係臉上,証明佢係幾咁乾爽!而另一我最鐘意嘅地方就係夠方便,防曬+底霜二合一,慳返唔少時間呢!總括來說,Orbis呢枝防曬底霜性價很高,值得推介!! :)

philosophy的產品一直都係我的菜< 3由skincare到body wash全部都好好用!!佢嘅microdelivery peel我都有用開,今次新出嘅microdelivery overnight anti-aging peel更不得不試!!好開心she比左4日嘅試用比我,等我可以試返夠本~ :) 今次呢隻overnight anti-aging peel 同之前普通嘅microdelivery不同之處,就係多左抗老煥膚嘅功能,可以有效幫助減淡皺紋,改善粗大毛孔,令肌膚更緊緻,延緩衰老~就到中女尷尬年齡嘅我最適合使用!!仲有另外最大嘅分別,就係今次出嘅係overnight gel,可以敷過夜嘅保濕gel,令肌膚整晚keep住水份,訓醒後唔會乾爭爭! 講完功能就講下點用~用開philosophy產品嘅都知呢個品牌好鐘意分晒step寫晒係瓶身,我覺得呢個design夠user-friendly之餘都好型! Step 1: 潔面後,先將適量嘅alpha/beta hydroxy acid leave-on solution倒落化妝棉上,然後輕輕係面上抺走多餘嘅老化角質同污穢,我個人會鐘意重點抺下鼻翼,下巴,額頭呢d位置,因為平時出油比較多,亦會較多污穢績埋係呢d位~做完peeling step後唔好沖水,直接去step 2~ Step 2: 做完step 1 peeling後,直接將step 2嘅youth-extending night gel搽上面上,再加以輕輕打圈按摩,我會由下巴開始慢慢向上按,可以順便去埋水腫~待吸收後就可以訓過夜,第朝起身就會見到效果喇! 用後感: 用左幾日後,明顯見到肌膚嘅分別~肌膚變得更亮白更有光澤,可能就係peeling嘅效果!而overnight gel嘅保濕度都好高,第二朝起身feel到塊面係唔會有乾爭爭,抆抆緊嘅感覺~今次呢隻新anti-aging peel比起之前嗰隻更加正,因為之前嘅step 1係磨紗,有時會略嫌太過刺激,而今次改用hydroxy acid solution比較溫和,能輕易去除污穢角質,再加上overnight gel完全係我杯茶,值得我比99分!(嗰1分係要等佢再研發出新版本時先比:P) "Sometimes you gain more when you let go..." 好鐘意呢個品牌嘅每件product都有自己嘅一句格言~你唔let go走d污穢物,又點會gain到靚靚肌膚呢? :D

作為職場女性壓力咁大，好容易未老先衰，所以一定要keep住好好保養先唔會走樣，而我最愛嘅就係敷mask保養肌膚～呢支白鑽修復面膜係SUR PUR品牌嘅白鑽抗衰老系列中嘅重牌產品～可以有效延緩肌膚衰老，同時可以促進膠原蛋白增生，讓肌膚變得有彈性脹卜卜，佢嘅抗衰老成份仲可以幫助消除細紋、皺紋，簡直係女人嘅救星！ SUR PUR白鑽修復面膜係一支Cream mask，質地同普通面霜好相似，所以特別滋潤。佢仲可以同時用係頸部，可以順便幫助減淡頸紋，其實頸部肌膚都要好好保養，否則好容易出賣自己年齡嘅秘密呢... 使用前首先徹底清潔全面，然後將大約一毫子份量多少少嘅面膜均勻地塗上全面及頸部。塗上面後，完全感受到Cream mask好滑嘅質感同feel到好潤，靚待15~20分鐘後便可沖水洗淨。敷完SUR PUR呢支白鑽修復面膜之後真係一試愛上！用後肌膚即時變得更亮白更光清，唔洗塗抺面霜都已經夠晒滋潤又唔會痴立立，就好似有一層透明嘅保護膜係面上一樣！呢款面膜非常適合係咁乾燥嘅天氣使用，幫助補充膠原同水份，係我難得咁鐘意嘅Cream mask！ :)