Deep Choi

Instagram: Deepmakeup 準備去泰國放假迎接潑水節既時侯就岩岩好收到呢盒PETERTHOMASROTH 青瓜舒緩保濕面膜Cucumber Gel Mask ，立刻將佢放入喼，帶埋佢去旅行。泰國天氣好熱，經常曬到紅卜卜，夜晚去蒲之前立刻攞佢黎急救皮膚，舒緩一下面上因為曝囇而引發既敏感同脹熱。用之前係雪櫃冰鎮左一陣，一搽上去即刻feel到好舒服、面膜質地係啫喱狀，有淡淡既青瓜水果既清香，厚厚敷10-15分鐘，面膜遇水即溶，容易清洗，用後紅腫發熱位迅速退左8成！皮膚亦變得十分補水柔軟，就算唔立刻搽護膚品都唔會流失水份，同行朋友都大讚有效！

Instagram : deepmakeup Sofina 既化妝品就試得多，護膚品就第一次用，今次收到呢支《LIFT Professional科研緊緻修復精華》，精華質地水潤，聞落有好舒服既花草香，推開後，好快比皮膚吸收、摸落去清爽，唔會有痴笠笠感覺。佢標榜可以加速膠原蛋白自我製造，呢一點都feel到皮膚變得飽滿細緻左，至於緊緻方面就暫未感受到。

另一樣試用既係呢隻body lotion, 質地潤得黎唔笠，吸收得好快，但味道好天然、鼠尾草味未必人人接受到。