Deep Choi

Instagram: Deepmakeup 準備去泰國放假迎接潑水節既時侯就岩岩好收到呢盒PETERTHOMASROTH 青瓜舒緩保濕面膜Cucumber Gel Mask ，立刻將佢放入喼，帶埋佢去旅行。泰國天氣好熱，經常曬到紅卜卜，夜晚去蒲之前立刻攞佢黎急救皮膚，舒緩一下面上因為曝囇而引發既敏感同脹熱。用之前係雪櫃冰鎮左一陣，一搽上去即刻feel到好舒服、面膜質地係啫喱狀，有淡淡既青瓜水果既清香，厚厚敷10-15分鐘，面膜遇水即溶，容易清洗，用後紅腫發熱位迅速退左8成！皮膚亦變得十分補水柔軟，就算唔立刻搽護膚品都唔會流失水份，同行朋友都大讚有效！

Instagram : deepmakeup Sofina 既化妝品就試得多，護膚品就第一次用，今次收到呢支《LIFT Professional科研緊緻修復精華》，精華質地水潤，聞落有好舒服既花草香，推開後，好快比皮膚吸收、摸落去清爽，唔會有痴笠笠感覺。佢標榜可以加速膠原蛋白自我製造，呢一點都feel到皮膚變得飽滿細緻左，至於緊緻方面就暫未感受到。

另一樣試用既係呢隻body lotion, 質地潤得黎唔笠，吸收得好快，但味道好天然、鼠尾草味未必人人接受到。

呢款來自北歐瑞典既沐浴品牌，洗完皮膚好滑又唔會乾爭爭。佛手柑香味清新怡人，有舒緩壓力既功效，好似去做spa D味！做完gym完佢黎沖涼立刻精神哂！

最近天氣跌到得幾度，沖完涼洗完面之後皮膚乾到甩皮，細紋出哂黎，好彩收到呢支SK II新出既精華油，可以見到相佢有2層，下層係4倍濃縮左既PITERA、上層係天然精華油，已 38.2:61.8黃金比例調配。 使用時 「shake一Shake」，將兩者搖勻，建議用上3-4滴分量就ok，倒係掌心，按摩至面上。因為我平時少用開精華油既習慣，初初感覺好似好笠甘，但好快唔洗一分鐘，就比皮膚吸收哂，feel 到皮膚立刻柔軟左，細紋平伏左，摸落仲好滑溜溜！ 即使訓覺開暖氣，第二朝皮膚仲keep到水潤彈性！

Hourglass既Veil Mineral Primer，呢支Mineral Primer用量只需一粒豆既份量就可以搽全面，佢質地清爽輕盈。 今次試係model臉上，佢皮膚有粒粒而且鼻附近毛孔粗大，係T-Zone丶鼻翼附近粗大毛孔塗上後，毛孔立刻隱形，泛紅既部位亦都減淡左，摸上面有一種絲滑的感覺，皮膚變得很嫩滑！ 令之後上粉底更貼服易推 。 P.s 建議大家妝前水份cream搽多少少，因為primer會「索」走不少水份

品牌既光影highlight粉，粉質好幼細，而且唔會太閃，搽出黎係低調既光凙。但呢隻色偏暗，所以我當eyeshadow 同mix 啡橙tone胭脂用。

Instagram: deepmakeup 今次收到試用既係HOURGLASS Opaque Rouge Liquid Lipstick。 一直都大愛紅唇既我收到呢支「ICON」真係興奮到不得了。雖然好多牌子都有出紅色唇膏，但個色tone 一偏左就好容易會變'娘'！ 而呢支液態唇膏就正正係我最愛既Blue tone紅調，而且質地飽和啞致，好容易就做到一個絲絨質地高貴感既紅唇！♥️ 如果覺得紅唇好難handle, 都可以係唇外圍搽一層nude色，再用棉頭係唇內點幾點再 「搣」一下，好輕易就做到韓妹feel既「咬唇妝」啦

SK II 既神仙水一直都有聽過佢既神奇效果，用完皮膚會變得晶瑩剔透，所以今次收到，即刻開黎試下係咪咁好用！ 試用左五日後，的確皮膚出油量減少、黑頭亦少左好多，成塊臉暗沉黃氣無左，好似似白左一度甘，好有光採。 另外我仲發現左個驚喜小秘訣，只要將一細塊化妝棉濕敷係暗瘡上，等二朝起身，粒暗瘡會謝左好多，好神奇！ 至於之前有傳聞話開始用過唔可以停，一停就打回原形？　　 我認同，停用左2日後，皮膚暗沉不均勻既情況出現返，面油亦都逐漸增加。就好似飲完red bull會好精神，但第二日累到郁唔到甘！ 所以如果你有＄又勤力keep 住用，神仙水不失為一個選擇。 Instagram: deepmakeup #skii #skiihk #skincare #shedotcomhk #essence #makeup #makeupartist #makeupartisthk #beautyreview #beautyblogger #beautybloggerhk #化妝 #化妝師 #香港化妝師

最近天氣都特別乾燥，搽完護膚品之後好快又feel到乾，呢支B5 Gel號稱為皮膚注入1000倍水份，所以收到即刻開黎試！ 洗完面用完toner後，用2丶3滴B5精華塗勻臉部，精華感覺好水，一滴落手已經開始流，質地水潤易推，頭1分鐘會有種黏笠感，但好快已經吸收左，皮膚變得飽滿柔軟。 皮膚吸收左精華後，再搽B5保濕霜，將之前既水份鎖住，唔怕流失。 Bicelle B5補濕抗氧限量體驗組合，仲有一份補濕面膜，材料係啫喱面膜，就算敷耐左都唔怕好似紙面膜甘抽乾水份，水潤感可以維持到另一日。 3樣野入面，最推介支B5補濕精華，佢既補濕程度真係可以維持好耐，另外，我嘗試將粉底同精華用2：1混合使用，底妝全日都超貼服！而且仲好有光澤！ Instagram : deepmakeup

反而呢一支靈芝菇菌抗逆健膚紓緩水就好岩我用，因為本身我皮膚勁易敏感紅腫又油，最近天氣又乾，所以見到佢配方適合我呢類膚質就 即刻攞黎試。 我之前用過好幾隻牌子既toner 都有乸同有浸油吸唔到入去既感覺。但呢支完全feel到皮膚好吸收、保濕得黎又唔會令到我出油，而且聞落去有橘子同淡淡薰衣草味好舒服！ 教大家一個小TIPS: 我將佢雪係雪櫃，再浸濕幾塊化妝棉凍敷係面珠丶額頭呢D容易敏感出油既地方，毛孔feel到細左，仲即時有降紅既效果！今個冬天我要靠哂佢la~~~~~ Instagram : deepmakeup

呢支潔面水既特色係卸妝之後無需再過水清潔，今次我分別係面上同手臂測試下佢既卸妝潔淨程度。 測試一： 我平時出街都會化少少淡妝，有用開防曬、遮瑕膏既習慣。潔膚水聞落有好清新既草本味，輕輕用2張化妝綿已經清潔好面上既化妝品同污洉，皮膚感覺滋潤丶無乾崩感。但我都總係唔習慣唔過水，硬係覺得污糟。 測試二： 我分別係手臂搽左唔同既化妝品（由左至右）。粉底丶遮瑕膏丶粉餅丶眉筆丶閃eyeshadow丶黑色眼影丶眼線丶睫毛液丶唇膏。可以見到眼缐、睫毛膏丶唇膏係卸唔到，仲殘留係皮膚上。除此之外，其他都尚算易卸同乾淨。 如果你平時出街只係輕輕化淡妝或者下午出街用佢黎清潔下臉油同污洉都仲ok,但若果用佢黎卸全妝我就覺得唔夠乾淨。 Instagram : deepmakeup

一直以來對SK-II 既感覺係好想試又唔敢，自己本身屬於又油又敏感既皮膚，對品牌既感覺係產品會好滋潤同Rich,怕自己唔適合，皮膚負荷唔到，但今次試用左幾日之後，竟然有意想不到既驚喜！ 洗完臉後，首先用化妝綿，倒上facial treatment clear lotion，由T字位抹上，再U字由內至外去除角質，然後拍上 treatment essence 神仙水~~即時feel到皮膚充滿水份 跟住用上SK-IIR.N.A.彈性再生精華(R.N.APOWER Radical New Age Essence)， 全面由內向外推開，輕輕按壓，用掌心既熱力將精華慢慢滲入皮膚 最後使用SK-II R.N.A.立體緊緻精華霜 因為我皮膚比較容易出油，所以我大約倒上一粒珍珠大小既用量於掌心，配合呢個按摩手法, 用指關節從虎紋開始U字形拉至顴骨，再從耳側拉至下巴，達到緊致瘦面效果~ 精華質地水嫩，完全無厚重油膩既感覺，好快就已經比皮膚吸收左。 經過幾日親身試用後，最令我驚喜既係以為搽甘多產品會潤過頭出油，點之第二朝起身皮膚唔乾維持水份不特至，仲無平時一起身滿面油光既情況出現！！ 肉眼睇明顯已經見到得到左改善。 肌膚變得彈手、幼滑，毛孔明顯細致左，皮膚仲好有光采！