littlesheep6

這款是纖維掃，掃毛非常非常柔軟，掃上面好舒服，而且掃毛量充足，可以抓實碎粉，但又能令粉均勻分佈在面上，好用。如果一定要挑剔，它比一般碎粉掃重手......

未發現對收緊輪廓有什麼作用? 亦不覺敷完面色即時提亮增，毛孔收細或保濕度大增。目前只在皮膚不穩定時(如晒紅、出暗瘡)使用，但作為穩定皮膚的面膜，價錢太不合理。絕對不會再回購!

遮瑕度高卻不厚重，貼面不黏膩，有少少光澤，像皮膚本身的光澤，遮毛孔功效超強。用碎粉定妝後都可以保持6-8小時，中間可用紙巾輕印鼻及額頭。個人覺得價錢合理，因為有多一個REFILL。

因為LA MER 面霜日間用有少少油，本來想買LA MER 精華面霜(SOFT CREAM)，後來又聽講這款面霜同LA MER好相似，就想試一試。果然無令我失望。搽上面沒有什麼油光，但皮膚質地變得柔軟有彈性。也因為面霜不油膩易吸收，不知不覺會用多左份量，通常我用一粒半花生的量，BA建議用一粒半黃豆的量就夠。不過上面又吸收得好快，就無所謂。另外，SOFT CREAM有添加防腐劑，孕婦慎用，或者用番CREAM就會安心D

這是一款質較濃稠的爽膚水，用手直接拍上面，需要半分鐘至一分鐘吸收，冬天用較適合，保濕充足，明顯感受到有一層膜在皮膚表層，有少少啜手(感覺似POLA BA黑色樽果支精華水)，夏天可能會太厚重，我是混合性皮膚。

最初跟BA教的使用方法，在指尖乳化成為油，再按壓全面，但我不喜歡油光滿面去瞓覺，都會用紙巾印走，但這樣功效就......後來我索性不跟BA教的方法，就當一般晚霜用，點4點在面的不同位置，再分別推開，反而無油光滿面，不必用紙巾印油，第二朝起身見到塊面光澤。這個方法用左近一個月，都無爆瘡，我估應該無問題掛。

好用，顯色度高，又滋潤，不會甩皮。

皮膚狀態好的情況下用，妝感真係好靚: 透薄自然。但皮膚唔好，尤其是毛孔較明顯時用，粉會陷在毛孔中，像一粒粒白芝麻......另外，我在用了成樽大約1CM粉底後，才發現樽的壓頭設計有問題，每次按，粉底都不會從壓頭的小孔出，而是在小孔的周圍滲出來，搞到壓頭周圍好污糟!所以我都好少用，因為每次清潔個樽都好花時間。

作為一款保濕面膜，FANCL完全是水準之上。剪裁貼伏，細網氣孔亦不必擔心敷上面起氣泡，影響功效。敷完即時摸到皮膚軟滑，望落白浄通透，雖然這款不是美白面膜，但其實皮膚水份充足，氣色自然通透有光澤(其實香港女仔普遍膚色都白淨，只不過係水油失衡，膚色黯沉，唔夠光澤，望落好似好黑，只要水份夠，本來膚色就會恢復)。我習慣每天敷面膜，一個禮拜大概有4-5日敷FANCL保濕，其餘幾日視乎需要敷深層清潔、美白、緊緻抗老面膜。個人覺得FANCL呢款好用過SK II facial treatment mask，因為較貼面。但SK II美白mask就好過FANCL。

好用到一個點!唔笠易吸收，同其他牌子的爽膚水比較過吸收速度，FANCL完勝。雖然我用量比較多，每次用十幾滴， 一個月用完一支，但都會一直用。日本雖然比較便，但日本版倒出來有些少傑身，質地比較潤，夏天用會笠，只能冬天用。我始終喜歡香港版。

見不到緊緻提拉效果，有保濕功效，但FANCL另外有出保濕面膜，功效比這款顯著。

這款精華在FANCL護膚品中算是高價位，但功效和價錢不成正比。搽完無即時效果，例如光澤、水潤、緊緻......而且我對精華素的理解是份子細、易吸收， 何解這款會有一層乳白色的GEL殘留在皮膚表面，要再打圈推多一分幾鐘才能完全吸收!最初用時，我還抱着一絲耐性忍受，但用完一支，完全見不到任何功效，實在無耐性，索性將肌底液以1:1混入當中，才不會有白色GEL。目前第三支也用了近一半，仍是零功效，看不到任何緊緻效果，反而用面膜才能維持保濕、亮白，現在是敷面膜前當打底，精華素就用回以前用過好用的品牌。

最多敷15分鐘，額頭已經覺得乾，何解使用說明聲稱可以敷30分鐘! 用完之後，無任何效果，一般PAPER MASK 用完起碼膚色會透亮，這款不但膚色無變光澤，更會黯沉，連保濕都無。簡直是一款浪費時間的護膚品。

作為清潔面膜，佢都有效﹐不過價錢太貴，即使SIZE加到50G都係貴，同樣價錢可以買兩樽其他牌子，仲大大個樽，用成幾個月。最難頂係陣味，墨水臭味，加上敷上面又有刺痛感，其實成個過程一D都唔舒服，我用左一樽就無再買啦。其實橙色果樽亮白敷完都乾淨，仲有磨砂功效，上面唔痛唔臭，所以我轉左用橙色。

睡前薄敷一層，睡醒第二日皮膚好有光澤。至於提升緊緻效果，可能我本身皮膚無咩下垂，所以睇唔到成效掛。

面霜質地較豐潤，但很易吸收，我混合性皮都用到。用了大概兩個零星期，配合簡單的按摩手勢(從下巴開始，用掌心分別向左右兩邊做提拉的動作，每邊五六下)，下巴、腮位線條更緊緻，虎紋也變得無甘明顯(希望唔係我錯覺)。入秋以來，我只在晚間使用，最近天氣凍(8度、9度)，我連朝早都用，因為佢易吸收，在面部推開，輕輕以打圈方式按摩兩三下就OK啦。如果要講缺點，應該係包裝唔多吸引，畢竟三千蚊面霜，其他品牌包裝更有心思，又有按摩小道具，呢款無，挖棒也普通到沒有讓我留下任何印象就已不知所蹤。不過佢有出一隻抗老眼霜，我仲未開黎用，附送一支按眼棒仔，可以碌眼，設計幾好。

買左DiorPrestige Satin Revitalizing Crème SET裝，送左好多同系列試用裝，其中一支係呢支化妝水。最初以為抗衰老系列的爽膚水是濃稠的GEL-LOTION質地，但原來只是水質，比我想像中清爽易吸收，有玫瑰香味，所以護膚過程很享受。至於功效，我唔知化妝水點樣為之有效或無效，因為用完化妝水一定會有其他護膚程序，皮膚的潤澤係咪直接由化妝水導致，我唔肯定。所以我一向對化妝水要求: 1. 容易吸收, 2. 無刺激皮膚成份, 3. 氣味宜人。根據呢三點，佢係啱我用。

專櫃BA見我用開PRESTIGE 護膚品，就送左一支SAMPLE俾我試，建議我朝早用美白面霜當日霜，因為佢唔油，吸收得好快(其實PRESTIGE成條LINE都唔油，但FEEL到皮膚好滋潤)。惟一令我掙扎買唔買是這款作為日霜，沒有防曬功能。之前用SHISEIDO FUTURE SOLUTION日霜都有SPF 15防曬，我好多時都懶搽防曬乳液，直接搽完面霜就算，如果PRESTIGE 美白系列將來出一款有防曬功能的面霜，我應該會轉用DIOR，玫瑰香味是我的心頭好。

去年冬天購入，每次用極少份量，經過一個冬天，只用了三分之一，比一般粉底液用得耐。只要上妝時推薄D，加碎粉定妝，其實都唔多融妝，粉霜本身防水，亦不會黯沉，我到中午會補少少碎粉在T字位(因為是混合性皮膚)。夏天亦用過一兩次，都是出席飲宴想個妝持久D，遮瑕度高D先用，因為這款粉霜同面部油脂融合後，會呈現一種很細膩的光澤，皮膚好健康飽滿，唔會因缺水浮粉。今年入冬又學識用BEAUTY BLENDER上妝(我發現得太遲)，更加貼伏透薄，不過我都用得好慢，因為有用其他CUSHION粉底，所以仲有半樽。雖然粉底一般保存期是開封後一年，不過我見無出現水油分離，就照用......應該無問題掛，我估......

PRETIGE成條LINE都好用，但價格上調得太犀利，加左成千元。這款面霜挑不出什麼缺點，保濕、緊緻、抗老、抗敏，應有的功效都有，現在更提倡環保，出了REFILL。皮膚第二天會很有光澤，氣色很好。應該是一款用了就無法變心的護膚品。希望不要再加價。