littlesheep6

最多敷15分鐘，額頭已經覺得乾，何解使用說明聲稱可以敷30分鐘! 用完之後，無任何效果，一般PAPER MASK 用完起碼膚色會透亮，這款不但膚色無變光澤，更會黯沉，連保濕都無。簡直是一款浪費時間的護膚品。

作為清潔面膜，佢都有效﹐不過價錢太貴，即使SIZE加到50G都係貴，同樣價錢可以買兩樽其他牌子，仲大大個樽，用成幾個月。最難頂係陣味，墨水臭味，加上敷上面又有刺痛感，其實成個過程一D都唔舒服，我用左一樽就無再買啦。其實橙色果樽亮白敷完都乾淨，仲有磨砂功效，上面唔痛唔臭，所以我轉左用橙色。

睡前薄敷一層，睡醒第二日皮膚好有光澤。至於提升緊緻效果，可能我本身皮膚無咩下垂，所以睇唔到成效掛。

面霜質地較豐潤，但很易吸收，我混合性皮都用到。用了大概兩個零星期，配合簡單的按摩手勢(從下巴開始，用掌心分別向左右兩邊做提拉的動作，每邊五六下)，下巴、腮位線條更緊緻，虎紋也變得無甘明顯(希望唔係我錯覺)。入秋以來，我只在晚間使用，最近天氣凍(8度、9度)，我連朝早都用，因為佢易吸收，在面部推開，輕輕以打圈方式按摩兩三下就OK啦。如果要講缺點，應該係包裝唔多吸引，畢竟三千蚊面霜，其他品牌包裝更有心思，又有按摩小道具，呢款無，挖棒也普通到沒有讓我留下任何印象就已不知所蹤。不過佢有出一隻抗老眼霜，我仲未開黎用，附送一支按眼棒仔，可以碌眼，設計幾好。

買左DiorPrestige Satin Revitalizing Crème SET裝，送左好多同系列試用裝，其中一支係呢支化妝水。最初以為抗衰老系列的爽膚水是濃稠的GEL-LOTION質地，但原來只是水質，比我想像中清爽易吸收，有玫瑰香味，所以護膚過程很享受。至於功效，我唔知化妝水點樣為之有效或無效，因為用完化妝水一定會有其他護膚程序，皮膚的潤澤係咪直接由化妝水導致，我唔肯定。所以我一向對化妝水要求: 1. 容易吸收, 2. 無刺激皮膚成份, 3. 氣味宜人。根據呢三點，佢係啱我用。

專櫃BA見我用開PRESTIGE 護膚品，就送左一支SAMPLE俾我試，建議我朝早用美白面霜當日霜，因為佢唔油，吸收得好快(其實PRESTIGE成條LINE都唔油，但FEEL到皮膚好滋潤)。惟一令我掙扎買唔買是這款作為日霜，沒有防曬功能。之前用SHISEIDO FUTURE SOLUTION日霜都有SPF 15防曬，我好多時都懶搽防曬乳液，直接搽完面霜就算，如果PRESTIGE 美白系列將來出一款有防曬功能的面霜，我應該會轉用DIOR，玫瑰香味是我的心頭好。

去年冬天購入，每次用極少份量，經過一個冬天，只用了三分之一，比一般粉底液用得耐。只要上妝時推薄D，加碎粉定妝，其實都唔多融妝，粉霜本身防水，亦不會黯沉，我到中午會補少少碎粉在T字位(因為是混合性皮膚)。夏天亦用過一兩次，都是出席飲宴想個妝持久D，遮瑕度高D先用，因為這款粉霜同面部油脂融合後，會呈現一種很細膩的光澤，皮膚好健康飽滿，唔會因缺水浮粉。今年入冬又學識用BEAUTY BLENDER上妝(我發現得太遲)，更加貼伏透薄，不過我都用得好慢，因為有用其他CUSHION粉底，所以仲有半樽。雖然粉底一般保存期是開封後一年，不過我見無出現水油分離，就照用......應該無問題掛，我估......

PRETIGE成條LINE都好用，但價格上調得太犀利，加左成千元。這款面霜挑不出什麼缺點，保濕、緊緻、抗老、抗敏，應有的功效都有，現在更提倡環保，出了REFILL。皮膚第二天會很有光澤，氣色很好。應該是一款用了就無法變心的護膚品。希望不要再加價。

在專櫃試妝時，皮膚比較乾，當時上妝後，毛孔有卡粉情況，於是無買。後來在早上做了完整的護膚程序後試了SAMPLE，毛孔就不太明顯，遮蓋約八成，於是入左貨，因為粉盒和氣味太吸引啦。先後試過用粉撲、粉底掃及BEAUTY BLENDER上妝，BEAUTY BLENDER上面最靚，緊貼肌膚，推得好勻好薄，毛孔遮得最好; 其次是粉底掃，朝早上面，中午才有些少現毛孔; 而用粉盒附帶的粉撲上，毛孔遮得無甘好，大約六七成(當初我用試用裝，是用粉底掃上面，如果用粉撲，可能不會入貨.....)。總括而言，皮膚本身靚，毛孔不太明顯，可以試這款; 又或者好迷戀玫瑰氣味，不介意只在家中用BEAUTY BLENDER上妝，也可以購入; 如果本身毛孔粗大，皮膚紋理不夠平滑，又想帶出街用作補妝，我的建議是選FOREVER CUSHION REFILL，換個粉芯，可以帶出去補妝，原本PRESTIGE 粉心留在家中用掃或BEAUTY BLENDER上。還有一種終極上靚妝步驟: 先薄薄上一層粉底液/霜當打底，毛孔瑕疵遮得七七八八，再用粉撲輕輕拍一層上面，最後用透明碎粉定妝，大概隔一個鐘，臉上的光澤好靚，像自己肌膚透出的光澤，而不是油光滿面，可以持續八至十小時(我是混合性皮膚)。

提升緊緻效果顯著，我上星期(氣溫大約十幾二十度左右)敷了一塊，使用說明上寫敷十分鐘，我大約敷了二十幾分鐘，MASK紙無變乾，揭開後明顯見到下巴至腮位線條向上提升左。其實我下巴、腮位皮膚都無下垂，平時好少敷緊緻面膜，多數敷保濕、美白類PAPER MASK，更加鍾情CREAM MASK，搽上面可以繼續做其他事，好方便。不過這次敷緊緻MASK的確明顯見到效果。可能年紀再成熟一些用會更加驚喜，所以用完一盒應該會試PRESTIGE美白MASK。

十萬個不好用!!!首先是它聲稱自己是具有高遮瑕度的粉底，但其實它作為粉底，妝感太厚重，我只是用了之少量(用棉棒佔了一下，點2點在臉頰，再用微濕的海綿推開)，總之它不適合作為日常妝容，即使飲宴，相信新娘亦不喜歡這種看起來很厚粉的妝感。其次，它不好推，手指推，完全推不均勻，海綿也要狠狠地拉扯皮膚才勉強推開半邊面，只能用濕海綿上，但持妝度大減，很快出油。JOYCE BEAUTY 姐姐非常熱心地建議我加精華液一齊用，會容易推，我試了，的確如BA所說，但是，普天之下有那麼多優秀的粉底，我為什麼買了一件劣質貨還要再浪費自己的護膚精華液，當我想不出原因，就決定永遠不再碰它。第三，我勤奮地上網搜尋其他人的使用心得，發現不少外國人大讚它遮黑眼圈十分好，我再次抱着所剩無幾的小希望試在眼底......驚為天人，那些說超好用的人也太會吹噓了吧。乾紋原形畢露，完全浪費了化妝前花在眼部的護膚品;更誇張的是，黑眼圈依然掛在眼下!!!於是，我把它丟進垃圾桶，和它老死不相往來。 雖然我發了一大堆牢騷，但這個品牌的液狀唇膏很好用，我最先接觸這個品牌的東西就是液狀唇膏，不乾，抹上一分鐘後就變成唇膏的質感，帶點潤澤但不是GLOSS那種油亮亮的。顏色CASHMERE很自然，適合番工，後來又買了FACONNE，搭配較輕鬆休閒的場合。

雖然是眼部護膚品，但作為眼霜未夠滋潤。我當作眼部遮瑕用，效果不錯，比一般遮瑕潤，不會現乾紋，加上眼霜帶有些微閃粉，能提亮眼底暗啞，這大概就是產品聲稱的淡化黑眼圈作用，落妝後黑眼圈仍在。至於淡化眼袋，完全唔覺。不過我是要遮眼圈，眼袋不是我關注的項目，又或者我本身眼袋問題不大，所以感覺不明顯。好像沒有專櫃，比較難搵。我之前是在飛機上買的，試過好用，又在國泰機上買多一支作後備。但其實一支用挺長時間的，我用了近一年，雖然不是日日用，但一星期總會用2-3次，第一支還沒用完。