Jade

經常有留意開外國Youtuber, 所以好耐之前已經聽到佢地介紹Kate Somerville既產品, 好開心今次終於可以一試。 Kate Somerville可以話係荷李活星級名人御用既皮膚護理產品, 今次試呢個係佢磨砂系列入面既深層磨砂護理, 除左呢個之外磨砂系列仲有一個溫和版同暗瘡專用版。 連磨砂產品都可以照顧到各種膚質, 方便各位用家對症下藥, 果然好專業。 今次試既ExfoliKate®磨砂系列深層磨砂護理係一個集物理性同化學性既磨砂產品。 物理係靠手動按摩令到粒子磨擦皮膚, 從而去除表面角質層。 而當中亦有三個天然成份: 木瓜, 南瓜及菠蘿, 以化學角度溫和又有效去除死皮細胞。

本身係超油眼既我, 一直都係Urban Decay既Eyeshadow Primer既忠實粉絲。 我平時用既係original版本, 控妝效果非常持久, 出一日街眼影依然keep到。 今次好開心可以一次過試哂UD一套四款全個系列既Primer, 等我遂個研究下先! Original: 一貫既好用, 易推開, 推開後無色, 薄薄一層, 彷如無物, 但一上眼影就會發覺非常出色。 Eden: 係一個nude&matt既formula, 比original要厚身一點, 本身帶有肉色, 質感似遮瑕膏, 上眼影會令顏色更實色, 少了一點透明感。 Minor Sin: 係四支入面唯一帶shimmering效果既primer, 上眼影後會帶珠光, 效果好靚。 Anti-aging: 令我最感驚喜既一支primer, 質感最滑最潤, 比original更易推更貼服! 眼影顏色好出但又不失光澤同透亮感!! 大愛!!! 試勻四種primer, 發覺平時用開既orignial雖然好控妝, 但原來另外三種顯色度更強, 抓粉能力更高! 我最愛最愛anit-aging primer, 最潤澤, 效果最靚! 下次用完一定會買anti-aging 系列!!

卸妝產品不可以亂揀, 曾經試過隨便買卸妝油, 用完先知入面含有磺物油成份, 所以用完一排面部生左好多暗粒, 用左好長時間先可以令皮膚復原。 一直信賴Fancl既產品, 好鐘意佢地「Less is more」既理念, 用少啲添加劑為皮膚帶黎更好既膚質。 今次試用既呢個Fancl MCO納米卸妝液亦無令我失望, 運用左納米科技既「納米超微洗淨因子」, 又溫和又能夠強效去除妝容。用水沖洗時, 睇得到乳化效果非常出色, 粉妝污垢全部都浮起, 洗一洗就乾乾淨淨。 我亦特別用左各種超頑強防水防油眼線筆及眼線液作試驗, 發覺用Fancl MCO納米卸妝液輕輕打圈按摩後大將十秒, 已能卸掉九成眼線。 按摩一分鐘後則能完全卸除所有眼線。過程十分輕柔, 完全不用大力按壓。 由於成分上加入左舒緩性高既美容精油，所以洗完後唔會覺得面部繃緊, 反而覺得好清爽舒暢。無防腐劑、無礦物油既配方, 令我用得好安心。

久仰SYNERGIE大名, 終於有機會試佢既雜產品, 好開心。 做過少少資料搜集, MasquErase 幹細胞激生面膜可以話係個萬能面膜, 所有皮膚問題都可以解決。原因就係裡面有個海藻提煉成份Phycosaccharide, 可以激發幹細胞增新, 所以皮膚就會自動復原, 自然咩皮膚問題都可以解決到。 打開試用後立即聞到好pure既燕麥味, 摸上手十分幼滑。 我比較貪心, 鐘意厚厚地敷呢種cream mask, 然後輕鬆自在地上下網睇下書, 敷至少一個鐘先用濕綿花抹走佢。 敷完之後覺得皮膚好濕好柔軟, 皮膚睇落脹卜卜。 最明顯其實係我既紅印, 用後睇得出佢既鎮靜退紅效果十分卓越, 好適合敏感肌人士。 用後第二朝訓醒後, 面部無以前出甘多油, 應該係因為保濕做得夠徹底, 夠深入底層。 有一瓶萬用面膜, 好處就係唔需要買到全屋企都係瓶瓶罐罐, 只要一支, 就好似有個皮膚科醫生係屋企甘, 有咩問題搵佢就得。

去角質後的無間修護 講peeling, Pilosophy 真係大把選擇。 不過我個人覺得今次體驗呢個微導煥膚睡眠修護組合是一個頗為完美去角質的護膚組合。 市面上普遍的去角質產品只會顧及到去除角質層, 但去除角質的同時容易令皮膚變得脆弱, 如果欠缺針對性的修護面霜, 皮膚極容易敏感乾燥。 而Philosphpy就針對去角質與延緩衰老推出微導煥膚睡眠修護組合, step 1 去角質, step 2 晚間不停修護。 喜歡這個超簡單煥膚組合, 用起來輕而易舉, 第二天就看得出效果, 皮膚又明亮又柔軟。雖然過左年廿八, 但幫皮膚大掃除呢回事, 每星期就應該做一至兩次, 甘樣皮膚就可以keep住甘明亮喇!

SK-II的全新護膚精華油,用多種天然護膚油配合獨家皇牌成份PITERA, 所以不止能深層滋潤肌膚, 還能讓肌膚回復細滑、重煥水嫩光澤。所以簡單來說就是一支全能精華, 令皮膚回復最好狀態。 試用過後, 我認為這支精華油絕對適合乾性肌膚(如我!) 及混合性肌膚的膚質。每次用完TONER後, 我會用4-5滴精華油, 於手心搓暖後再按壓於面上, 特別是最乾的鼻翼位。如果有時間, 我還會用面部按摩儀幫助拉提面部, 因為精華油的關係, 令按摩過程特別易推, 可以防止因磨擦而引起不必要的細紋。 用了數天, 覺得精華油容易吸收, 而且沒有阻塞毛孔, 皮膚明顯更潤澤及有彈力! 對於最乾燥的鼻翼位, 以前每次用較厚身的隔離霜都會出現嚴重卡粉, 現在竟然有明顯改善! 這個是發生在我身上的SK-II MIRACLE, 亦建議其他乾燥皮膚的姊妹試試。 殘念: 唯一令我不太歡喜的就是樽口設計, 很難倒出來。

效果好靚, 但唔持久。 剛剛塗上時好水潤又亮澤, 但過了一、兩小時, 就乾到見到很多清晰的唇紋, 用得多還會乾到甩皮。

這個是乾性皮膚攬著過冬的寶貝。 但真的能夠做到深度補濕, 有一年冬天到了落雪的歐洲旅行, 用了它依然覺得保持到肌膚水潤感。是很可信的保養品。 但。夏天用會太潤。

回購了無限次的產品, 筆頭夠尖, 墨水洗量容易控制。要硬講一個缺點的話, 就是顏色可以更加墨黑。 現在我是找到它, 就不想再隨便再試用其他眼線液了。

起泡效果十分出色, 加少量水打圈按摩, 很短時間就能有相當綿密的泡沫。 用後皮膚不會崩緊, 感覺十分乾淨。雖然價錢比較貴, 但每次用少量就足夠洗面。

太乾! 用來遮黑眼圈很卡細紋, 用來遮暗瘡又很顯死皮。 買了兩個色號, 都已經放到「櫃筒底」喇。

回購很多次的產品! 簡單一掃就令睫毛充滿存在感! 認為它令睫毛又黑又纖長, 就算超級油眼都不會溶妝, 但又溫水可卸!! 唯一缺點是刷頭太大不夠靈活, 而且鬈翹效果因人而異。