kyf907

今次嘅試用係OBAGI 15% 左旋維他命C精華素！真係啱曬我依d膚色深的女士! 試用一星期後膚色明顯均勻透亮咗！大讚！

有別於一般美白產品，此精華液質地水潤，容易推開及吸收。它的保濕能力絕對不遜色於一般保濕產品。只試用了兩星期，膚色明顯變得均勻及亮白了！去黃的效果令人尤其驚喜，大大改善了我的面色！面上的雀斑有淡化的痕跡，但改變並非十分明顯。可能改善色斑需要較長的時間，非常期待用完整支精華後的效果！

我一直都係Philosophy 嘅 big fans，佢嘅維他命c/縮氨酸家用微晶煥膚組合嘅煥膚效果一直都係我心目中嘅no. 1! 最近Philosophy推出左另外一款家用煥膚組合 「微導煥膚睡眠修護組合」。作為佢嘅big fans，我當然十分期待，要馬上試一試啦！ 第一個步驟係用已經浸左免沖洗煥膚精華嘅去角質棉花輕輕抹去除面上嘅污垢及老化角質。睇到用後棉花變得灰灰黃黃就知道效果卓越，但好可惜試用裝上嘅份量唔夠全面用。 第二個步驟係將嫩膚睡眠啫喱均勻塗於面部皮膚上。佢嘅質地清爽舒服，完全唔會令人覺得癡立立或者油膩。用完第二朝，皮膚更會變得水潤、有光澤。而且佢嘅氣味清新，唔會刺激到我鼻敏感發作，值得一讚。 同維他命c/縮氨酸家用微晶煥膚組合一樣，微導煥膚睡眠修護組合都係針對皮膚老化問題嘅煥膚產品，能有效減淡皺紋、緊緻肌膚及改善粗大毛孔，減退衰老跡象。同樣地，兩者性質溫和，所以肌膚敏感嘅我都適用，而且去角質效果十分顯著，用後皮膚細滑很多！ 對比起維他命c/縮氨酸家用微晶煥膚組合，依個新產品更加吸引我。因為佢只有2個使用步驟又係免沖洗，真係簡單又方便，適合繁忙的都市人使用！而且佢嘅保濕程度比維他命c/縮氨酸家用微晶煥膚組合高。 微導煥膚睡眠修護組合已經代替左維他命c/縮氨酸家用微晶煥膚組合，成為左我新嘅煥膚寵兒！！

Yeah!! 有一次收到she.com寄來嘅試用!今次試用嘅係shu uemura bb cream。 最近皮膚狀態唔係咁好，係試底妝產品嘅好時機。 依隻bb cream 質地透薄水潤，容易推開，好少嘅份量已經可以搽全面，而且可以遮到部份粗大嘅毛孔，同時提亮膚色。搽完一層薄薄嘅BB cream後，掃上一層蜜粉，已經可以完成底妝嘅部份。佢好適合用來打造完美裸妝！ 但係有得必有失，佢嘅遮瑕度唔太高.....佢可以完全遮到面部嘅泛紅，但佢只可以淡化深色啲嘅暗瘡印或者色斑，並不能完全遮蓋。所以有需要時可以上bb cream 後重點係有瑕疵嘅地方上一層遮瑕膏，咁樣可以保持底妝嘅透薄感覺同時抺去面上瑕疵！ 最值得一讚嘅係佢嘅水潤程度十分之高！搽完一整日都無出油嘅情況，令到妝容持久度更高，出咗一日街都無浮粉嘅現象同都唔需要補妝。 佢嘅價錢十分合理。睇呢佢將會變成我日常化妝品成員之一！

老實講，今次嘅試用係我最唔期待嘅一次。 點解？！原因唔係佢唔好用，而係因為今次嘅試用品係陪伴咗我年半嘅SK-II 神仙水! 以前我會覺得佢起依個名好自大，但用咗年半我之後完完全全認同佢個名。「神仙」二個字絕對冇誇大！ 我由細到大都好黑，黑得嚟又無光澤又唔均勻，一噠一噠咁，成日都比人笑我似「賓賓」.......青春期之後仲衰，因為面上留低咗超多青春嘅痕跡「痘疤」。無論我查啲咩都冇用...... 直到我用咗神仙水之後，膚質先有啲改善。起碼唔會再生暗瘡。雖然皮膚仲係一啲都唔透亮，但色澤慢慢變得均勻咗又白咗，痘疤都已經消失得七七八八！ 除左日常使用之外，我仲會用佢嚟做皮膚急救。係大時大節，玩樂盡興之後，皮膚免不了會有啲殘。只要用神仙水完全浸濕化妝棉之後，敷上臉十分鐘，皮膚會頓時變得水潤。要上個貼服嘅妝？毫無難度！ 用左佢之後，真係無辦法再轉用其他牌子啦！真係着咗魔！

Thanks she.com!!! So glad that i can try the serum and day cream from Vichy :) The texture of both products are so nice that it can be spread on and absorbed by skin easily and smoothly. Most importantly, they did not cause any dermal allergy. After using for 5 days, my skin condition improves in all aspects, especially in reducing my wrinkles!

嘩！嘩！嘩！ 我竟然收到出名係保濕專家嘅Bicelle B5 產品體驗套裝！ 之前一直都想試下，但個價錢令我好猶豫。 試用之後，佢令我覺得物有所值，因為我深信用左佢之後可以做少好多Facial！ 佢絕對稱得上係我秋冬乾燥天氣嘅皮膚大救星。一啲都冇誇張架。 唔信可以睇下張 before & after 相，係真人示範，絕無騙場。 唔知大家睇相睇唔睇得出呢？！ 我用左體驗套裝入面嘅保濕精華同保濕霜連續三日，最後嗰日仲用敷埋磈抗氧保濕面膜。 保濕精華容易吸收，而保濕霜質地都幾水潤。塊面膜個剪裁好啱我，可以完全咁樣緊貼我嘅面部輪廓。 試用三日之後，我覺得佢真係可以明顯改善我乾燥同暗沉嘅狀況。皮膚水潤咗，紋路淡咗，塊面睇落有光澤左同白咗好多。唔怪得啲人話美白之前要保濕先。 最重要嗰點係去啲產品不單止唔會令到我皮膚敏感而且仲舒緩左我啲敏感狀況。你哋睇吓我下巴嗰紅點同面頰嘅泛紅，敷完Mask之後淡左好多。真係開心到喊！ 一句講晒，絕對值得推薦！!