candyy

此款防曬噴霧,真的無存在感,是非常清爽的防曬,甚至比水更輕透呢! 每到夏天,我不只全面塗防曬,手手腳腳一樣會塗上,特別是進行了光學脫毛療程後,就更不可懶. 不過自己出汗比較多,所以這支防曬噴霧,特別合我心意.用後輕如無物,又十分乾爽,不會有任何焗促感,就不怕出汗後會立痴痴的.

此防曬乳,不含香料,酒精,礦物油和色素,性質溫和.而且可當化妝底霜使用,二合一功效,能簡化化妝程序. 試用後覺得塗上面有冰涼感覺,很舒爽.用後不會造成膚色泛白,所以不怕影響面色.之前試過用了一些防曬乳,塗上面後很蒼白的,看上去面青青,想起都怕.

我既頭髮好乾,所以每日洗頭後都要用護髮素,間中仲會用髮膜護理頭髮.呢款HAIR MASK有淡淡蜜糖味,洗頭後用上這髮膜大約5分鐘才沖洗,頭髮立即順滑易梳,KEEP到幾日都仲覺得無打結,又平又好用呀!

The Body Shop的沐浴露換左新包裝後，便有推廣優惠，差不多是半價的promotion,我當然不會錯過啦！粉紅西柚的香味，甜得來不俗氣，男女都啱用，每次用完黎沖涼都有好sweet既感覺，可掃走夏天的悶熱感。

第一次見到這款面膜是在日本，見到價格挺實惠便買來試試，用完後覺得意外地好用。不只可幫肌膚注滿水份，敷上幾天後，本來的痘痘也退紅消腫。之後係香港都有繼續買來用，就在萬寧便有售，間中做特價加上又送優惠卷，價錢跟日本一樣便宜。

之前我都有用過這系列的濕粉和遮瑕液,效果也不錯. 而這款BB MATTE CUSHION, 就更方便帶出街補妝用.因為重量比一整支濕粉輕之外,更已有粉撲於盒內,放工前補補妝再去街就更方便. 薄薄印上一層,已有明顯均匀膚色的效果,立即掃走黃氣.特別欣賞它遮雀斑和黑眼圈的效果很好,可以不需額外塗遮瑕液.即使有時貪方便,無用BASE打底,都夠保濕不會覺得很乾或卡粉,而且連續外出多個小時,也不溶妝,感覺挺持久的.自己覺得以開架品牌來說,實在是無可挑剔呢!

ELEMIS是英國高級水療及護膚品牌,產品都用上天然成份,大受女星歡迎. 當初或多或少是受明星效應而買的,不過一試就知有質素. 以往我也用過其他牌子的山茶花油,不過ELEMIS這款最易吸收.最重要是標明懷孕可用,用時就更放心. 懷孕滿3個月,我就開始用它,每天晚上沐浴後就用它按摩肚皮,腰背和臀部等位置.因為用的範圍大,所以一支也不是可用很耐,見到有優惠時會多囤幾支. 至於效果方面,到了懷孕後期,肚子暫時仍未出現妊娠紋,而且也沒有其他媽媽說會有肚痕的問題,所以覺得貴一點也值得.

平時我多數用粉餅,好少用粉底液,因為曾經試過用完粉底液太潤出粒粒,諗起都怕怕.不過Shiseido呢款粉底液,保濕得黎又唔會好潤,而且用後不會令面油增多,感覺唔錯.最重要是化妝後7-8個小時都唔使補妝,好適合又懶又貪靚既我.

L'Occitane既潤手霜一向出好名,當中自己最鍾意係乳木果呢款.雖然呢支無花香果香,但就特別夠潤.冬天好乾燥時,就一定靠佢.而且手肘位置我都一併塗上,咁就可以KEEP住雙手白滑,又唔怕有主婦手啦!

估唔到美白面霜唔止做到美白,仲好保濕.之前生完BB,皮膚差左好多,加上懷孕期不可塗美白產品,所以黑左唔少.生完BB後就開始用呢款美白面霜,可以改善暗沈,原本暗啞既皮膚都亮白返,最重要係可以同時有出色既保濕功效,令繁忙既全職媽媽仍可以KEEP住靚.

夏天一定要做好防昵護理,否則唔止曬黑,仲可能會曬傷.而Shiseido呢支防曬,有長效防曬功效,而且保濕感重,所以去旅行一定會帶埋去.用後不會令膚色變得很白,不怕影響妝容.而且出汗後也不會流白汗,不怕出汗後有尷尬情況.

夏天坐地鐵好怕多人時會好焗,而且身邊人可能有陣陣汗味,真係好難頂.所以會用花露水當香水噴下,噴下衫同袋,咁就即刻香曬.而且去行山,燒野食,都一定會噴花露水,可以驅蚊,又唔洗成日補噴,真係又平又好用.