crystal88

我之前都有用開韓國品牌PRIMER,雖然強調保濕 ,令妝容更加貼服,但是用了幾次效果不如預期咁好用. 今次可以試用MAKE UP FOR EVER Step 1 Hydrating Primer一步補水妝前乳,睇吓是否咁好功效. 唧出來是白色CREAM 狀質地,沒有任何味道,好易推勻全塊面,搽後感到好水潤及清爽,本身我肌膚容易敏感好腫,今次搽上MAKE UP FOR EVER妝前乳後,完全冇刺痛敏感情況出現,面部肌膚即時變得好水潤滑手有光澤,乾紋冇晒. 令我大大改觀PRIMER 效能,估唔到比平日搽開精華素更加見效,真係做到一步"補水效果". 最重要搽上後,完全冇不適及笠黏黏, 完全適合敏感肌膚人使用. 化妝前用這枝妝前乳,真係唔怕有出油,浮粉尷尬情況出現,值得推介使用!

過咗三十歲,眼部衰老現象越來越明顯如眼紋,黑眼圈,眼部鬆弛等. 本身我皮膚較暗黃,尤其黑眼圈及眼紋最為嚴重. 而且我平日工作長期對住電腦,引致眼部好易疲勞,同時我有捽眼習慣搞到有眼紋出現. 今次正好有SK-II護膚精華 及R.N.A.立體緊緻修護眼霜可以試用. 潔面後,用卸妝棉倒出SK-II神仙水抺晒全塊面,可以溫和地清除老化角質,令皮膚更加容易吸收精華素及面霜, 之後再用指尖輕輕搽上R.N.A.立體緊緻修護眼霜, 好易推勻眼部範圍,而且聞到淡淡清香,感到好舒服. 持續搽了三日後,好明顯淡化黑眼圈及眼紋,提升眼部彈性,同時面部肌膚明顯亮白有光澤,好開心用了幾日已經有咁好效果,真心覺得好用!雖然價錢唔平,但係真係可以改善皮膚問題,完全值得一用!

由細到大,本人眼睫毛都好易甩,尤其是捽一捽眼,就會甩幾條出來或者折斷,搞到眼睫毛較為稀疏及短.所以每次化妝必定要搽眼睫毛液令眼部睫毛更加密及細長.正好今次收到RevitaLash® Advanced激活美睫增生精華試用裝,可以睇吓可否增長我的眼睫毛長度及密度? 這枝精華素由美國製造,經過多重測試令人有信心保證,安心使用! 我早晚各一次使用精華素,洗完面後就會沿住眼線位置搽上,首先冇任何難聞氣味,亦唔會有敏感情況出現,所以搽上少少份量已經輕易掃上兩隻眼睫毛,不會太"杰"GEM 住隻眼仔.我足足試用了5日時間,明顯地眼睫毛健康有光澤,不易折斷及甩出來,更加濃密.但係增長效果未見十分顯著,可能使用較短日子關係. 一枝精華素就能解決眼睫毛問題,令我十分驚喜.以後可以畫條eye line化淡妝,就可以出街,連眼睫毛液都可以慳返.因為眼睫毛已經變得濃密纖長又亮澤,真的值得一用!

正直夏天季節,皮膚好易曬黑及起色斑,所以一定要做足美白功夫.今次可以一試SKINFOOD 柚子水份C亮白保濕精華,是否可以美白我的肌膚呢? 之前都未用過SKINFOOD 產品,只知韓國價錢比較相宜護膚及化妝品牌. 打開3ml試用裝已經聞到淡淡柚子香味,感覺好清新, 質地呈乳白色cream狀,好易推勻全塊面,同時好快被肌膚吸收.原本塊面些少乾紋及肌膚啞黃,搽完精華後,感到好清爽不會笠黏黏,好保濕.明顯皮膚變得亮白有光澤及毛孔收細了許多.第一次用SKINFOOD 產品, 估唔到幾好效果,最重要既保濕清爽又有亮白效果,真係一試愛上!

時常係冷氣環境工作,用雙手打字搬文件,所以變得粗糙有乾紋及暗啞. 今次有澳洲的有機品牌 PERFECT POTION 的Pure Rose Hand Cream可以試用, 睇吓可否打救我粗糙肌膚!? 打開蓋,已經聞到淡淡玫瑰草香味,唧出來乳白色膏狀,好易推勻雙手,馬上被皮膚吸收.原本雙手略為粗糙,有乾紋,暗啞,搽完膏後,變得嫩滑,有光澤水潤,手指夾位乾紋冇晒! 這枝HAND CREAM 比之前用過普通品牌,分別於一搽上手已經容易吸收,唔駛花時間推勻,亦不會搽後有油笠笠感覺,GEM 住雙用,味道清香,唧少少份量已經足夠令雙手有亮澤水潤,值得一讚!

夏天季節,面部容易出油及積聚污垢阻塞毛孔,容易形成暗粒或暗蒼等皮膚問題. 所以深層清潔面部肌膚環節係不可缺少, 每星期都要做一次深層清潔. 剛好收到一枝KATE SOMERVILLE 速效柔亮更新面膜試用裝,可以一試功效如何? 同時,這個品牌深受外國明星喜愛,但是係香港較少人認識. 這面膜唧出來係深綠色膏狀,同時帶有磨沙粒子,聞起來似泥土味道,味道一般. 搽上面上好易推開,同時打圈按摩肌膚去除面部角質層,尤其多角質層位置我會按摩多幾下,敷上面部有涼涼地感覺,完全沒有任何刺痛不適,性質温和,好適合夏日炎炎天氣使用.敷大約5分鐘後,用水清洗乾淨,感到好清爽,皮膚變得嫩滑. 原本我肌膚較為暗黃,用了這枝面膜後,變得白滑有光澤,最重要用後清爽不會有拉緊感覺,而且鼻頭及下巴粉刺都明顯少咗,面部磨砂一流,唔怪得深受外國明星喜愛,值得推介使用!

夏天來臨,陽光猛烈,容易會令皮膚起色斑及紫外線更會令黑色素增加. 同時,隨著年齡增長,面頰容易起色斑,即使搽了防曬都不能完全杜絶色斑形成, 所以平日淡斑護膚工序不可缺少. 今次剛好可以試吓FILORGA美肌亮彩精華,未知何否淡化我面上斑斑呢? 本身我膚色偏黃暗啞及面頰有明顯色斑. 今次有兩包試用裝,每包可以用到兩次以上,唧了5毫子份量出來,白色流質乳霜,有淡淡清香,聞起來好舒服. 好易推勻全面,而且水潤乳霜好快被皮膚吸收及好清爽,不會有笠感覺,我重點搽多d 份量於色斑位置. 我連續用了3日,面頰色斑有少少淡化同時膚色變得亮白有光澤. 雖然淡斑功效并不好大顯注,但是膚色有明顯改善,而且搽完精華素後清爽,值得一讚!

平日卸妝都喜歡用卸妝膏或卸妝水,好少用卸妝油. 因為唔鐘意油笠笠感覺係塊面上,洗完面後又唔乾爽. 今次收到FANCL MCO 納米卸妝液試用裝兩包, 以前聽朋友講話這隻卸妝液很好用卸得乾淨,終於有機會試用一次. 我搽了bb cream 係面上,唧咗一包份量,啱啱卸到整塊面,液體不會太杰身,同時好容易推勻整塊面,打圈形式卸下面上化妝品,不會有刺激皮膚感覺,只需一分鐘已經可以洗面. 洗面後,感到塊面好清爽,完全冇笠或太乾感覺. 本身皮膚容易敏感型,如用上太多化學成份護膚品,塊面會馬上有刺痛及紅腫情況出現.今次試用了納米卸妝液,感覺良好,最緊要夠潔淨,用後皮膚清爽,又冇敏感出現, 令我完全對卸妝油改觀了,真的值得一用!

今次收到LA ROCHE-POSAY水凝防曬隔離液 及 每日高效BB霜01色(亮白)試用裝. 平日我搽BB CREAM前不會搽防曬隔離液, 覺得嫌麻煩,搽咁多液體上塊面. 但隨著年齡增長,深明冇做足防曬會起雀斑及皮膚老化和變黑. 洗完面後,搽上所有保濕面霜後,再搽水凝防曬隔離液,唧了五毫子份量,白色膏狀,冇咩味道,好易推勻全塊面,都好保濕不會有白痕出現. 搽完隔離液後,再搽BB霜上面上,淡黃色CEAM 狀,都十分易推勻全塊面.不過搽後,遮暇度一般,未能完全遮到我面上雀斑,同時較笠,感覺一般般. 本人膚色較暗黃,同時有雀斑.覺得防曬隔離液都幾好,膚色變得亮白,又冇白痕.反而BB CREAM 一般般,同時01色并不適合我的膚色,頁天來講又較笠,感覺一般般.

今次收到SYNERGIE SKIN MasquErase幹細胞激生面膜兩瓶,包裝精美,而且不是包裝,唔駛迫住用過多份量面膜,可以剩餘面膜下次再用,方便又好保存,值得一讚! 打開蓋後,已經聞好甜味道,類似朱古力味,質地呈cream 狀,好易推勻全塊面.搽上面後,有輕微刺刺地感覺,可能本人皮膚較易敏感,這個感覺好快消失,同時,面膜偏油性,它含有多種天然植物護膚成份包括麥盧卡蜂蜜、加拿大柳葉、乳木果油、金盞花油以及燕麥等面膜,所以好滋潤肌膚及好快被皮膚吸收. 敷了大約15分鐘後洗面, 肌膚沒有明顯亮白,只是覺得好保濕,同時暗蒼印明顯降紅了, 有抗炎作用,仲有乾紋都減淡了. 這個面膜都適合敏感人士使用,秋冬乾燥季節更加適合. 另外,它的抗炎作用我都覺得work,所以我都推介使用.

保濕面膜裏,平時都用開韓國品牌,貪佢又便宜又多容量.今次有機會試用PETERTHOMASROTH青瓜舒緩保濕面膜,之前我未聽過這個美國品牌, 未知可否改善我頗為敏感皮膚? 經網上搜查,這個面膜主要有三種用法包括: 1.)依據樽身說明,當作普通面膜,潔面後敷大約10分鐘再洗面. 2.)將面膜雪凍後,當作冷凍面膜,舒緩曬傷後皮膚. 3.)當作sleeping mask 使用,敷過夜. 鑑於近日天氣較為潮濕,所以今次我將面膜冷凍後敷,會令人舒服及清涼感覺. 面膜質地呈綠色啫喱狀,有清淡香味,好容易推勻面上. 潔面後,將冷凍面膜厚敷面上,尤其特別敏感地方會敷厚身D,不過這面膜好易被皮膚吸收,大約敷了10 分鐘後洗面,只剩餘少於一半份量係面上. 洗面後,感到塊面好清爽及好保濕,毛孔都收細了,最明顯本來有D 敏感地方降紅了,沒有咁紅腫, 總括而言,這個面膜好適會炎熱夏天及潮濕天氣使用,絶對令人解温,令肌膚變得清爽得來又水潤,而且好適會敏感肌膚人士使用,有抗敏效果. 值得再繼續使用,絶對是夏天面膜之選!!

之前未聽過FRACORA這個日本護膚品牌,今次可以有機會試到FRACORA胎盤素全效面霜.這枝面霜結合了六種護膚功能包括化妝水，精華液，保濕液，保濕霜，保濕面膜，及隔離霜.一睇下去,就覺得好適合好似我咁懶人使用,既方便又節省護膚時間. 更吸引之處是面霜含有胎盤素成份,之前用開的其他品牌都冇這個成份,令我好奇有冇神奇功能,改善我膚質呢? 唧了5毫子份量出來.,乳白色膠質狀,無香味,搽上塊面好易推開同時好快吸收,感覺係爽身及水潤. 連續試用幾日,明顯皮膚有光澤白滑,有彈性及補水,適合年紀踏入三十歲,可以改善我衰老膚質. 不過另一個最吸引我地方是六合一護膚功能,省卻我時間又不需要記住護膚步驟,勁方便,而且這個是日本品牌及用日本原料有信心保證.價錢又抵用,比平日大牌子平一半有多,簡直是懶人恩物.真是值得一用!