noodlelo

略貴左啲，性價比一般啦 雖然對暗瘡印個啲，係真係可以改善到 會變淡色左，但用完皮膚會變得乾左 要用其他保濕幫補一下 整體都叫可以啦

嗯......唔太推介呢款防曬俾大家 首先延伸力唔太好，唔太易推開 搽到好唔平均 同埋好笠好黏，搽完覺得好唔舒服咁 唔知係我膚質唔適定係其他原因了~

Acseine嘅卸妝乳好好用 但潔膚油就真係一般...... 清潔力唔夠之餘,仲會令皮膚KEEP住好油嘅感覺 好似洗極都唔乾淨咁 有時仲會搞到起粒粒,所以已冇再用啦......

呢支卸妝乳以性質溫和著稱 用上面嘅時候好似搽緊乳液咁 好軟好舒服 而且卸妝力高，一次已經可以清潔到大部分嘅妝容 值得推介俾大家試試~~~~~~

質地偏稀，但唔會因為咁而令保濕力欠佳 同埋可以因為質地問題，用完唔會有黏膩嘅感覺 令皮膚係無咩負擔嘅情況下 可以防止到乾燥帶黎嘅困擾

佢嘅質地好易推開，搽上面都算吸收得快 最主要功效方面真係有滋潤到皮膚，改善到乾燥情況 只係價格偏貴，唔可以長期KEEP住買黎用......

對呢個防曬評價一般 覺得好乾,同埋用完之後會有好多粒粒 一開頭以前係自己用完清潔做得唔好先會咁 但就算之後清潔做足都係會生粒粒 唔想再用佢了........

其實本身唔太鍾意用酵素粉 因為要令佢起泡覺得好麻煩又唔太識控制用量 不過因為呢款嘅清潔真係唔錯同埋用完唔會令皮膚好乾 為左靚靚，唯有勤力啲啦XD

如果大家係敏感肌,個人覺得用Acseine都幾好，首先佢唔會刺激到皮膚 唔會好易引起不適,咁當然每個人都可能有差異嘅 就我個人黎講，呢個mask鎮靜效果方面做得幾好之餘 保濕力都唔錯，可以提升到皮膚嘅水分

Cell Moisture Water嘅質地似凝露咁 質地偏厚，冇顏色嘅 一推開就會變成水咁，唔會好笠 保濕效果唔錯,可以改善到乾燥細紋 最好係佢冇香味,唔洗怕味道唔岩而唔想用XD

佢無色無香料無礦物油,唔洗擔人會令皮膚有負擔 即使係敏感肌都可以放心使用 長期用仲可以有淡班去痘印嘅功效 皮膚慢慢會變得靚靚,透明度都會提高呢~~~~

呢個面霜有多重修護，可以深入肌膚底層 從內到外改善肌膚質素 同埋佢吸收非常好 用完唔會令皮膚好油膩 加上佢非常溫和，敏感肌膚都可以用 唯一唔好就係太貴啦,唔可以成日買黎用T^T