Yumi hui

依隻MAC既studio perfect foundation粉底控油力超班，夏天果陣用就算太陽射住都唔點溶妝。就算依加過左夏天都會keep住用。

依隻studio perfect compact用落去唔係好覺得乾身，粉底方面又好夠幼同夠滑，拍上去可以拍得好均衡唔會一舊舊。遮瑕力都好好。

依隻眼影有4隻色，4隻色我都好鬼死鍾意。用左佢之後個效果好得，隻眼望落去好似大左。唔同色重可以做層次配搭，好多場面都好岩用。

Kiehl's特效保濕乳液，偏油，偏笠，夏天盡量都唔會用。保濕效果亦無想像中咁好，用落都唔係覺得好好用，可能唔岩自己。

Lancome舒緩抗壓保濕乳霜質地偏笠，容易推開。皮膚白滑左，膚色都明亮左。有時會當佢敏感膏咁用，抗敏感都幾有效。

COVERMARK水凝護肌液質地輕型，容易推開。夏天唔岩用，用完會覺得好笠，冬天用就最好。價錢黎講偏貴，但可以接受。

一睇價錢貴到有D嚇親，好在用既係試用裝。質地比較濕潤，乾性皮膚最岩用。佢同其他防曬產品唔同，全日唔補都無問題。但價錢黎講真係太貴...

新垣結衣代言所以俾5分。 美白+防曬功能既產品，但我覺得防曬效果唔係太好，只係可以當佢美白產品。用落有少少笠，不過可以接受。

Olay輕透隔離防曬乳液，聲稱日常接觸既UV光都隔得走。唔知係咪真係隔到，但用落真係唔錯，我去戶外地方都無黑到，防曬度已經可以接受。

未聽過依隻牌子，用完之後膚色白得有D怪怪地，有種唔似正常皮膚既膚色。用落唔油，非常清爽，夏天用就最適合。

Bioderma水活透亮保濕日霜。價錢有D貴，但效果唔錯。性質溫和唔刺激，用後皮膚亦水潤左，鎖水力好強。

Olay透白防曬乳液，價錢黎講好抵。用落唔會有種漿住既感覺，唔怕成日痴笠笠周身唔舒服。夏天用就最適合。