Cheryl2000

納豆面膜真係好少聽，初初真係見到都唔係好敢用，之後用完後發現其實功效真係唔差，用完之後皮膚好左好多，好有彈性，年輕左

之前睇岩左依隻唇膏好耐，一直好擔心隻色會唔會好難carry，終於膽粗粗咁買黎試下，意外地好好用，去玩定去party都好岩，超正，推薦各位sis試下

Origins 出嘅Three part harmony nourishing cream質感豐潤, 但唔會太油膩。搽完有陣微微嘅香味，用完後細紋、乾紋和皺紋冇咁容易睇得出。

個人認為呢個面膜功效唔錯，深層清潔做得幾好，啲磨砂顆粒大細啱啱好，去污垢去角質都好撤底，少左黑頭粉刺產生，清爽不油膩

之前有用過InnIsfree 嘅火山岩系列，對泥漿美容產品感覺一向唔差，呢個泥漿大大支幾抵幾耐用，潔淨功效幾全面撤低，用完塊面幾乾淨

臨瞓前必用嘅保濕面膜，性質溫和敏感皮膚都用到,保濕效果同舒緩功效都唔錯。用完之後肌膚柔滑有亮澤。眼部浮腫真係冇左。去完曬嘅地方必用

Kiehls 呢款亞瑪遜白泥毛孔深層清潔面膜整體表現唔錯，用左感覺得到佢成份溫和唔刺激皮膚，可以做到淨化肌膚收細毛孔，控油等都還可以

功能幾完善嘅爽膚水，個人幾鍾意，清潔得到肌膚，用完後暗瘡疤痕癒合淡左好多，改善肌膚敏感幾乎冇曬，男朋友刮鬍後用都可以。

幾鍾意呢款溫泉礦物健膚精華，效果唔係特別明顯，但都做到野，暗瘡少左細左，粗糙肌膚都變得柔和左，可以做到消炎同補濕效果

Skii呢款精華油好保濕，搽左之後面部皮膚好有光澤，好明亮，搽嗰時好容易比皮膚吸收到，但係質感有啲油，個人唔太鍾意呢種感覺

Skii產品總括黎講都係算偏貴，而且都要長時間先見效，呢款都係咁上下，呢個精華面霜可以收緊肌膚同毛孔，增加肌膚亮澤，平勻膚色

Dior出呢款雪凝亮白潔面泡沫並實佢啲泡泡真係好柔滑好細緻，用嗰時真係幾舒服，但實際用途真係唔多，用完塊面又唔會特別潤咁