ching930118

淡淡嘅蘆薈香味好怡人，聞落好舒服，唔會太濃郁，質地滋潤之餘易推，都算快吸收，搽完覺得皮膚充滿水份，好滋潤鎖水，最啱乾性皮膚嘅人。

筆頭設計好方便，亦好柔軟，好易控制，而且上色度高，搽完覺得好顯色，佢嘅持久度唔錯，亦好保濕，用完覺得雙眼更有神。

潔淨度唔錯，用完覺得皮膚好乾淨，比之前亮白，佢好滋潤，感覺皮膚充滿水份，脫皮情況亦大大減少，但搽完比較笠，而且好繃緊。

質地呈乳狀，好柔滑，搽完非常舒服，覺得皮膚好滋潤，但又唔笠同繃，用完1星期已經覺得膚色有提亮，比之前均勻，冇咁暗啞。

質地唔算厚，好易推開，而且都算快被皮膚吸收，佢嘅保濕度唔錯，搽完覺得皮膚好水潤，而且鎖水，成分天然，用得安心，但美白效果就唔太明顯。

質地好厚，搽完好笠，唔快吸收，但保濕度的確唔錯，本身係乾性皮膚，用咗佢之後，皮膚明顯比之前潤澤，皮膚底層亦好似充滿水份，令脫皮情況大大減少。

顏色好自然好靚，唔會畀人一種假嘅感覺，佢粉質幼細，好易推開，搽完亦好顯色，但保濕度就一般，搽完覺得皮膚比較乾，而且唔夠持久。

眉筆嘅質地比較硬，但相當易控制，雖然唔夠柔軟，但畫出嚟嘅效果好自然，而且好幼細，顏色方面亦好顯色，畫1層已經覺得非常上色。

未用過眉彩，平時用開眉筆，因為覺得比較易控制，呢款眉彩嘅筆頭比較柔軟，好舒服，唔怕整傷皮膚，佢嘅顏色自然亦持久，搽完覺得好顯色。

精華嘅質地好透薄，又易推開，搽完唔夠2分鐘已經完全吸收，覺得薄薄一層好清爽，好透氣，但保濕度唔太夠，而且淨白效果亦唔顯著。

質地非常滋潤，但比較笠，搽完覺得好厚同繃緊，勝在保濕度高，而好顯色，輕輕搽1至2層已經明顯覺得好上色，持久度就一般。

顏色比較大眾化，好易搭配，上色度高，搽一層已經好顯色，質地順滑，粉質幼細，好易推開，唔會厚重同笠，整體都唔錯，但如果可以更保濕就完美了。