ching930118

一搽上面覺得好厚，但神奇地快吸收，而且好透薄，佢嘅保濕度唔錯，用咗3星期，眼周肌膚比之前潤澤，細紋都減少咗，連黑眼圈都減淡咗，效果好滿意。

質地好杰好厚，不過非常滋潤，作為睡覺時面膜，佢的確好保濕，夜晚用完第二朝覺得皮膚充滿水份，非常潤澤，就算過咗一整日，皮膚依然好水潤。

走珠嘅設計非常方便使用，又唔怕難控制份量，質地好透薄，搽完覺得好冰涼，好舒服，佢嘅保濕度非常好，因為眼周肌膚皮膚薄，所以呢個走珠設計可以控制力量，又唔會傷害皮膚，非常好。

乳霜嘅質地好柔滑，易推，佢唔會刺激皮膚，即使係去角質，但都唔會有好粗嘅粒柔，所以用得好放心，但滋潤度就比想像中差，用完反而覺得皮膚好乾。

價錢好大眾化，質地都比較厚，比較難吸收，本身眼周肌膚好易脫皮，好乾，特別係冬天，但用咗佢覺得好滋潤，又鎖水，如果唔怕質地厚嘅都不妨一試。

質地呈糊狀，比較杰同厚，好柔滑，但就需時吸收，佢的確非常保濕，好適合乾燥天氣用，但缺點係好笠，會比較啱夜晚用。

質地好水潤透薄，保濕度比想像中理想，平時上妝前用佢，覺得好薄好舒服，唔厚身，感覺好輕盈，之後再上粉底都唔厚重，而且好鎖水。

泡沫好柔滑細密，擠出嘅份量適中，好易控制，佢嘅保濕度尚可，用完都頗鎖水，之後再搽保濕霜就更好，但亮白效果就唔顯著，用咗一個月，唔覺得膚色有提亮，但就比之前更均勻。

呈地呈乳狀，比較厚，搽完要等一段時間先完全吸收，比較笠，但保濕度唔錯，搽完覺得好鎖水，好適合乾性皮膚用，特別轉季嘅時候。

質地好柔滑，呈啫喱狀，瓶身設計唔錯，擠出嚟好易控制份量，佢雖然係去角質產品，但唔會好多粒粒，反而係啫喱狀，所以唔會刺激皮膚，用完覺得膚色有提亮。

平時一轉季，眼周肌膚就好乾，好易出乾紋，睇落好唔精神，呢隻眼膜好潤澤，佢比較薄身，但好貼眼部，所以水份都可以完全滲入肌膚，用完覺得眼周肌膚好鎖水。

一到冬天，腳部就好乾，特別係腳踭易脫皮，用咗呢隻潤足霜就覺得脫皮情況少咗，佢質地雖然比較厚，但好滋潤，搽完會感到水份滲入皮膚底層，好鎖水，所以幾好用。