ching930118

非常保濕，搽完雖然比較笠，但唔會覺得唔舒服，反而覺得好鎖水，皮膚好似注滿水份一樣，本身係乾性皮膚，用完佢覺得皮膚好飽滿，好滋潤，唔再脫皮。

佢卸得好徹底，平時化完好濃嘅眼妝，就算係防水，用佢嚟卸妝可以徹底卸掉妝容，而且性質溫和，唔刺激皮膚，感覺皮膚好舒服乾淨，唔繃緊。

質地呈啫喱狀，好易推，搽完等幾分鐘就已經吸收，佢好保濕滋潤，用咗3星期，感覺眼周肌膚冇咁乾，眼紋少咗好多，而且黑眼圈都減淡咗。

噴嘅設計好方便使用，而且容易控制份量，唔會噴得太多，佢質地非常水潤，噴完有種冰涼感，感覺好舒服，好啱夏天用，就算冬天皮膚易乾，用佢嚟急救都係唔錯。

質地唔算透薄，搽完有少少笠，遮瑕度尚可，搽多1至2層基本上已經可遮到，佢嘅保濕度一般，覺得用完好乾，皮膚唔夠潤，而且持久度唔高。

性質溫和，搽完感覺好清爽，質地好水潤，潔淨度好強，輕輕一抹就可以去除面部污垢，有時出暗瘡用佢可以好快消除，用完又唔覺得乾，非常好用。

用佢吸引消除暗瘡的確幾有效，佢質呈乳狀，好易推，搽完快吸收，初初會覺得有啲笠，但搽完好清爽，而且非常保濕，感覺好舒服。

粉質好幼滑，感覺好似絲一樣柔滑，好薄，唔會令皮膚有厚重感，非常舒服，佢嘅定妝能力唔錯，可以令妝容更持久，皮膚望落好滑。

粉質有啲厚，搽完比較笠，唔易推，感覺好厚，遮瑕度一般，唔覺得可以遮到暗瘡，而且顏色唔自然，搽多2層已經覺得好白，唔算好用。

精華質地好透薄水潤，好易推，搽完非常好吸收，鎖水度高，感覺皮膚充滿水份，而且可以維持全日水潤有光澤，用咗2星期，膚色明顯均勻咗。

質地好柔滑，好易推，遮瑕度一般，如果想遮暗瘡要搽多幾層先遮到，感覺有啲厚，顏色比較白，唔算自然，感覺好厚重。

好透薄，用落唔厚唔焗身，好易推，搽完好貼服，遮瑕度就一般，可能佢太薄，所以好難遮到瑕疵，而且顏色比較白，唔自然。