ching930118

控油效果唔錯，本身皮膚係中性，到夏天易出油，但用咗佢覺得皮膚好清爽，好控油，潔淨力都唔錯，清到黑頭，但保濕度卡麻麻，如果冬天用就比較乾。

潔淨力唔錯，平時化完濃嘅眼妝，用咗佢覺得卸得好徹底，唔會留下粉底，感覺好乾淨，而且佢質地柔滑，用完唔繃緊，但唔夠保濕。

佢嘅果酸成分可以帶走皮膚底層污垢，覺得黑頭明顯少咗，T字位冇咁暗啞，毛孔細緻咗，感覺皮膚得到重生，但覺得有種刺刺嘅感覺，可能因為果酸成分，用完都有啲乾。

質地較厚，搽完好笠，唔易吸收，保濕力都唔錯，晚上用會比較適合，因為好笠，佢嘅除皺功效一般，用咗差不多一個月，覺得細紋冇減少。

潔淨度一般，用咗2星期，唔覺得黑頭有減少，覺得冇乜分別，佢嘅保濕度都係麻麻，用完皮膚同樣地乾，脫皮都冇改善，唔太好用。

本身頭髮比較乾，好易開叉，但用完呢隻精華素，覺得開叉情況少咗，頭髮更順滑柔軟，睇落有光澤，但又唔會笠，整體唔錯。

質地好柔滑，用完覺得頭髮保濕，唔易出油，佢控油效果唔錯，就算夏天都可以保持頭髮清爽，用完一星期，頭髮有彈性，感覺好舒服。

好少搽眼線，因為覺得好難控制，但呢款個筆頭唔會好柔軟，所以相對易控制，佢好易上色，非常持久，而且質地好順滑，效果唔錯。

好保濕水潤，質地透薄易推，快吸收，同時好鎖水，感覺好舒緩，性質溫和，唔刺激皮膚，就算係敏感皮膚，用佢都冇問題，雖然比較貴，但效的確唔錯。

卸妝力好強，佢可以徹底卸走眼妝，就係搽咗防水嘅mascara，都可以輕易卸走，而且非常徹底，唔會留低眼妝，用完好清爽，唔笠，好舒服。

非常貴，質地滋潤，但好笠，唔快吸收，搽完好厚，覺得唔舒服，唔適合早上用，因為之後好難上妝，本身係乾性皮膚，但都覺得好笠，保濕度係唔錯，但覺得塊面好繃緊。

未用過胭脂膏，平時都係用搽嘅胭脂，初初都驚會難控制份量，但擠出嚟嘅份量又啱啱好，好易控制，而且持久度同顯色度都好高，效果好滿意！