ching930118

可以徹底清走面部底層污垢，黑頭都少咗，感覺皮膚白咗，減少暗啞，不過保濕度就一般，用完雖然唔繃緊，但仍然有脫皮情況，要再搽保濕霜先得。

容易控制，筆頭唔係屬於柔軟嘅，適合初用者，顯色者高，而且一搽就上色，不過持久度就麻麻，易掉色，唔防水，整體一般。

質地比較厚，唔易推，感覺好笠，搽多幾層覺得好焗，之後再上粉底覺得更厚，唔透薄，效果一般。

質地好水潤透薄，易推開，好重水感，非常好吸收，佢嘅美白功效就一般，用完唔覺得皮膚有變白。

本身用開刨嘅眼線筆，因為驚液體眼線筆難控制，但呢款絕對唔會難控制，佢嘅筆頭唔會特別柔軟，有一定強度，搽上眼好持久。

佢嘅眼影顏色好大體，好自然，咩場合都適合，顏百搭，可以自由配搭，持久度高，易上色，唔錯！

顏色好靚，可以用喺面部唔同地方加強妝感，粉質透薄，易推開，佢附有小掃子，個掃毛好柔軟，掃上面部好貼服。

好中意Chanel嘅唇膏，特別係呢款唇彩，滋潤有光澤，易上色，顏色非常醒神，而且好持久，唔會易掉色。

呢款可以係我嘅最愛之一，佢顏色好自然，唔會特別誇張，易上色，持久度極高，唔會好快掉色，而且水潤，非常極之好！

控油效果唔錯，夏天用都唔會覺得易出油，佢粉質幼滑，唔會厚身，感覺好舒服，而且佢嘅質地透薄，唔笠，係唔錯嘅粉餅！

遮瑕度非常高，連難搞嘅黑眼圈都遮到，而且輕輕搽1至2層就遮到，質地唔厚，好易推，搽完唔會覺得好厚重，值得推介！

佢嘅美肌效果真係好理想，平時皮膚膚色唔太均勻，但搽完佢覺得皮膚顏色好自然，有即時提亮效果，加上質地透薄，搽完好快吸收，唔笠，但保濕度就一般。