ching930118

泡沫好柔滑豐盈，潔淨力強，用完覺得皮膚好乾淨，比之前亮白，而且可徹底清除面部底層污垢，覺得皮膚好似重生一樣，好舒服。

質地好輕透，易推開，搽完覺得好薄，唔焗身，非常清爽舒服，覺得佢比較適合夏天用，因為控油度唔錯，而且同時可以滋潤皮膚，唔會令皮膚容易乾。

佢嘅質地真係好似布甸，好有彈性，好滋潤柔軟，搽完感覺皮膚好有彈性，而且非常保濕滋潤，好鎖水，膚色亦比之前更有光澤，更亮白。

本身眼周肌膚比較乾，易出乾紋，用咗2星期，覺得眼周肌膚明顯更滋潤，脫皮情況大大減少，而且更有彈性，更緊緻，但唔覺得有效去細紋。

質地雖然好厚，搽完要好耐先完全吸收，但本身係乾性皮膚，覺得呢款乳霜非常適合自己，因為佢好鎖水，夜晚用完到第二日皮膚依然好滋潤，又唔覺得乾，非常好用。

佢非常滋潤，搽完好保濕，用完2星期，覺得皮膚比之前更有彈性，毛孔更細緻，而且膚色都有提亮，冇之前咁暗啞，望落皮膚更潤澤。

好中意呢款精華，佢質地透薄之餘亦非常保濕，本身都驚佢唔夠鎖水，因為太透薄，但朝早用完可以維持皮膚一整日水潤，又唔會脫皮同乾，所以會再回購！

質地好柔滑，易推開，初初搽完覺得比較厚同笠，唔快吸收，但之後就覺得皮膚好滋潤，非常保濕，而且佢嘅鎖水度高，就算過咗一整日都唔覺得皮膚乾。

質地比較清爽，唔笠唔油膩，佢好易推開，亦非常快吸收，都頗保濕同滋潤，但用咗2星期，都唔覺得膚色有提亮，只係覺得皮膚比之前有彈性。

質地好透薄，搽完好快被皮膚吸收，好易推開，但感覺唔夠滋潤，搽完唔覺得皮膚好保濕鎖水，而且亮白功效亦唔顯著，效果一般。

擠出嚟嘅泡沫好柔滑，容易控制份量，佢嘅潔膚力唔錯，用完覺得皮膚好乾淨，黑頭都可以徹底去除，保濕度尚可，用完覺得皮膚唔笠同繃緊。

質地好薄，好適合用完再搽粉底，因為唔覺得厚重同笠，佢好快被皮膚吸收，非常清爽，而且搽完覺得皮膚有提亮，好潤澤。