CurryYIN

今次都係第一次用Kiehl's呢款深層保濕滋潤乳霜，雖然之後有用開Kiehls嘅保濕產品，但係見呢款好似貴啲同少啲，所以就冇買。但係果日借咗朋友少少嚟搽，我覺得深層保濕係唔同啲，真係要自己試過先知㗎！！

上一次係第一次用Kiehl's嘅特效保濕霜，因為效果真係好好，所以用完之後，急不及待又買咗樽新嘅一樣。點解一直都堅持用佢嘅保濕霜？因為佢真係做到超強效保濕，皮膚變得更水潤！！

Bobbie Brown呢枝Art Stick好似蠟筆，無論係化妝新手，定係資深化妝師，都好容易就運用到呢枝唇筆。但係個人就覺得，呢枝唇筆冇乜保濕嘅效果。

個人覺得組合入面嘅呢枝嘢，比組合入面果樽cream仲好用！！因為呢枝同係滴出嚟，幾滴已經夠哂成塊面，用手輕輕拍下，皮膚就吸收到啦，又方便，又好用！！

佢個組合有2件嘅，入面嘅呢隻cream質量超好！皮膚真係好快就吸收到，一上完啲cream已經feel到啲水鎖實落塊臉到。其實價錢真係好底，因為個組合有2件，又超好用！！

我自己本身一直都有做開運動嘅習慣，有時你gym room冷氣開得咁勁，頭半個鐘都幾難出汗，啲汗焗住焗住又好唔舒服。我覺得Neutrogena呢隻極透氣清爽運動防曬噴霧，最好就係幫助排汗，好評！！

Bioré呢個系列，深層潔淨卸妝水，一向都出名價錢實恵，同埋卸妝又快又乾淨。今次呢隻係水潤型，個人覺得卸妝嘅效果一樣咁好，而且有做到保濕嘅效果！！

我塊面係屬於油性肌膚，係勁容易出暗瘡，仲要成日化妝，倒塞啲毛孔，令到我嘅暗瘡問題都幾嚴重。但係自從用咗Bioré呢隻專門做暗瘡護理嘅深層潔淨卸妝水之後，真係快咗落妝同埋少咗生暗瘡！！

自己一直都有用開Bioré呢隻深層高效美肌卸妝水，重點係佢真係好平，價錢好大眾化。同埋佢卸妝卸得好快，抹一抹就搞掂。雖然唔係幾feel到美肌嘅效果，不過卸妝方面嘅效果冇錯。

Innisfree呢隻濟州島火山岩毛孔潔面泡沫，真係太太太方便！！！帶咗個妝成日面，又要周圍郁，個人已經勁攰。呢枝潔面泡沫有洗乾淨塊面同卸妝嘅功效，真係好方便㗎！！

我覺得Dewytree呢個鑽石亮肌水溶面膜，個造型真係好鬼得意！！成件衫仔咁，令人好想買佢番屋企。效果方面，佢都做得幾好，真係有減少到我啲淺淺地嘅皺紋！！

今次呢枝Innisfree清潔濟洲火山岩泥彩泥面膜，真係好到冇得頂！！佢一搽出嚟係黑色嘅，我當佢係黑頭貼咁用，不過佢可以大範圍覆蓋塊面，一抹果陣，啲黑頭同粉刺真係清潔好哂㗎！！