CurryYIN

Urban Decay呢款眼影底霜真係太好用！佢有唔同色號比我地揀，同埋佢個刷頭真係好好用，啲cream好易都出到嚟，唔會瓊住係個樽仔入面，好用！

個人真係好中意呢款蜜桃甜心彩妝盤！！佢啲粉除咗用嚟上眼影之外，用嚟上胭脂都好靚好上色㗎！重點係價錢唔算貴，又好用，好評！！

Kanebo呢隻水光胭脂棒真係好正！！佢帶出街好方便，點幾下之後用手推開已經有個好靚嘅效果！同埋佢啲全部都好靚，濃妝定淡妝都岩！

Anna Sui呢隻透亮肌密頰彩印章用完個效果真係好年輕！隻色淺淺地，上完底妝之後，輕輕印幾下，就可以幫塊面補番啲血色，又唔會太誇，好適合淡妝！！

SOFINA呢款美白活膚全效防曬乳液都幾好用㗎！我覺得佢一枝，真係同時做到防曬、美白、改善暗啞皮膚、調色等等嘅功效，搽出嚟係薄薄嘅一層，唔厚，好用！

我覺得呢款抗氧防曬面霜SPF30效果還好，不過不失啦。用完又唔會油立立嘅，上完呢款面霜都仲上到妝，不過我覺得佢太厚，搽完要等一陣先會冇咁厚。

Payot嘅暗瘡治療遮瑕筆真係好好用㗎！！用完之後，連暗瘡貼都唔洗用已經遮到啲痘痘，同埋佢上完之後隻色，好易同粉底隻色match到，唔會突然白咗或者暗咗！

我習慣一路浸浴果陣敷面膜，做面部清理，我keep住用咗一個星期，見到有去到角質嘅效果！不過我覺得個量有啲少，好似好快就用完咁。

呢款底霜好易上色，同埋好快就上到色，如果用平時啲調色粉，仲要攞刷頭嚟上色同推開，但係RMK嘅專業調色底霜可以就咁滴出嚟，之後連粉底推開，真係好方便！

個蜜粉都幾好用嘅，用完都定到個妝同埋塊面冇出咁多油，唔洗成日補妝。個盒又幾鬼靚，有啲八音盒嘅feel，不過太大舊，帶上街好麻煩。

佢個盒真係好靚啊！個粉餅都幾好用，無論係推粉底液定粉都推得好均衡，鼻翼果啲邊邊同罅位都上到粉，同埋個盒真係好獨特好鬼靚！

啲粉都ok，唔係太薄但係又唔會太厚，但係個刷頭真係唔係咁好用，佢係容易推出入面啲粉底液出嚟嘅，個刷頭就做唔到掃開均衡嘅效果，要用其他粉撲掃開啲粉。