KikoC

純粹有次陪朋友去買粉底，佢又狂sales之下買咗嚟試，本身諗住Chxxxx已經好好用，估唔到佢仲百變！我用3.5，佢係搽完薄對上碎粉就已經好靚！

用落輕輕推開已經可以好薄，不過我加咗少少佢個牌子嘅乳液撈埋再推開上面，薄得嚟可以均勻膚色，真正裸妝！Good！

呢支真係值得一讚！雖然支柔膚水冇咩特別，不過呢支乳液真係唔會敏感，唔會香得好假，吸引力強易滲透落皮膚，保濕功效真係抵讚！

見佢價錢唔貴，又啱啱好用曬就買嚟試下！用落去又冇咩特別，唔會笠先！又唔會話一開蓋就成陣酒精味，感覺唔錯！反而支乳液真係要買埋

上網見到佢講到咁鬼勁，話化妝都可以抗衰老咁誇張，今日就經過專櫃試試佢，隻色暫時試上面都ok，係咪真係抗衰老囉喎，長用過先知

比起藍粟米，佢嘅粒子細啲，不過都同樣好用，通常我都將佢同藍粟米間住用，夠乾淨，又冇咁乾！超讚！不過都係好可惜已經買唔返啦T.T

啲沙比較細，捽兩下就已經好似冇曬咁，會唔覺唔覺再唧多啲出嚟磨，一枝用2~3次都玩完，咁樣除返開性價比就唔高囉

其實一直都想買，不過我塊面偏油，專門店啲sales又話有暗瘡就咁攞少少棉花敷一晚就冇事，求用家分享係咪真係唔會好油笠笠？

超中意超愛，本身塊面暗粒比較多，敷完再磨下沙，成塊面滑曬xD又乾淨，陣味又香唔假，又唔刺激皮膚，不過好可惜已經冇得賣啦T.T

同一般清潔面膜差唔多，都係用完會白啲，冇咁油，好似乾淨啲咁！一樣都係用完勁乾一定要敷返個補濕面膜幫幫手先得

用得water bank精華就梗係要搭埋面霜成套一齊用啦，易推夠吸引，又唔會敏感！夜晚有陣時厚敷，第二日訓醒仲會水潤啲，上妝前搽多少少就已經好靚

Water bank系列一直都用開，易吸收又夠保濕，不過可能呢排懶咗敷mask，要用勁多精華先feel到夠潤，塊面係索得勁快