amyc888

睇新聞話呢支lip gloss研究十幾年至推出，心諗有無咁誇。原來佢真係好好用，加在任何色上面唔會整花或整化個唇妝，又唔會痴頭髮，個finishing 好似玻璃。

Shiseido新出的化妝掃當中，呢款最好用，最soft，d毛好密，個色又靚，望住都有好心情。用來掃碎粉，細滑及薄到不得了。如果只夠錢投資一支掃，我會買佢。

朋友比了一片我試，試完覺得唔需要買，買了都唔好用，因為它係敷完好白，但光澤不自然，似加了螢光劑，唔係幾好。敷完會面痕，仲話有椰子油，唔似。

我知道薏仁可以美白，而家至知薏仁仲可以磨砂。呢款去角質gel幾好用，一捽就見死皮甩出來，唔使等好耐。不過佢細支左少少，好快就用完。

Givenchy 以前係柯德莉夏萍，而家手袋及時裝都變到好wild，連呢支本來為柯德莉夏萍製作的香水，都變到踩界之作。聞過係好香但中性，男女都岩用。

以前的Aesop好仙氣，而家變到好商業，太多分店，成日加價，加到唔想再買。要靚的香薰座，Buly靚過佢又無咁商業。洗頭水，John Master Organics 又好用過佢。

當Laduree在日本賣果時，我每年買好多，但係一來香港即刻dup哂，d sales唔熟識產品，counter display又唔靚，一下子破壞哂品牌的童話feel，唔鍾意。

買了幾款invisibobble，第一次見佢出天鵝絨款，用來襯衫更加靚。豹紋有d wild，個人唔係太like，希望會有淨色款，或者更多加布包的款式來港發售。

雖然類似的束髮橡筋平好多，但係佢真係唔會扯斷頭髮，又可以當係工具 set頭用，d色又比較靚唔似d $5野，貴係值及有道理。美人魚好可愛，呢個藍色好百搭。

聽講係皇牌，好難得至搵到包sample。講真係無人地講到咁神級，仲話會按摩到個鼻變高？勁過整容，無可能卦。用完sample，個香味係好好。有閒錢會買。

VDL來香港咁多年都做唔起個名，始終講makeup佢又無innisfree性價比咁高，顏色又太白太韓，我想去counter買野，d sales又態度麻麻，無生意都唔憂做咁。

YSL香水好似無幾年前咁大驚喜，可能只賣唇膏都賺到笑，其他產品就無心機搞。呢款香水去counter試果時，sales 唔係幾好面口，我又唔係大豪客...