pigletchu

正所謂一白遮三醜，好多女仔都追求極致嘅白滑肌，我都唔例外，最近有機會用LITS植物幹細胞美白淡斑精華，佢蘊含植物幹細胞萃取，可以集中美白同保濕，有效抑制面部同眼周黑色素嘅形成，淡化同預防色斑，保持肌膚淨白明亮，水嫩剔透。雖然係精華，但唧出黎係面霜狀，所以有別於一般嘅美白產品，使用後完全唔會覺得乾，對於混合偏油肌嘅我黎講，仲覺得有啲滋潤添，所以個人覺得適合冬天用多啲，效果方面，我覺得面上嘅暗瘡印有變淡，而膚色亦都變得均勻，效果令人驚喜

戴口罩對暗瘡性皮膚來講真係有好有唔好，好嘅係可以遮住面上嘅暗瘡印，唔好嘅係成日焗住塊面，增加生暗瘡嘅機會，過去幾個月，面上暗瘡一粒接一粒，留低左好多暗瘡印，搞到個人冇晒心機。好彩最近有機會試用CLINIQUE全新第3代升級版 - 升級版勻淨科研亮白淡斑雙效精華，佢質地偏厚身，有少少難推開，一搽上面仲有少少黏笠感，但神奇嘅事好快就發生，只係短短10秒嘅時間，佢就會吸收晒，皮膚摸落好爽好滑。我用左短短5日，見到暗瘡印有少少減退跡象，冇之前咁紅咁顯眼，雖然效果唔係超級明顯，但只係用左短短幾日就開始見到成效，的確令人好鼓舞，相信用晒一枝之後，我就可以回復零痘印白滑美肌!

LANEIGE新出的Radian-C™抗藍光淡斑面霜含有8.5%維他命C衍生物、維他命E及專利亮白成分 Melasolv™，這強效美白組合能令肌膚在短短3-7天內回復清透無瑕，更能抵抗藍光和紫外線等有害光源對肌膚的侵害。 我本身沒太嚴重的色斑問題，但因是暗瘡性皮膚，面上充斥著深淺不一的痘印，膚色不均和暗啞，完全沒有光澤，用了這瓶面霜後，感覺肌膚比之前水潤柔軟，痘印變淡了，而整體膚色更均勻了，變得更剔透亮白。而且它質感輕身，推開後很快就吸收了，完全不黏笠，很適合現在這種乍暖還寒，時晴時雨的季節使用，加上淡淡的橘子香味，更能一掃潮濕的鬱悶心情呢!

QuSome Moisture Gel Cream同C serum一樣，利用獨家既QuSome®滲透技術將養分注入肌底，佢係白 色啫喱狀，好易推開，推開後瞬間覺得有層水cover住塊面，非常水潤，所以做到長效保濕既效果，亦都透過長時間鎖水保濕令肌膚變得水潤光滑，用左一段日子，皮膚含水量的確提高左，面上瑕疵亦平滑左唔少

b.glen既C serum擁有7.5%高濃度既純維他命C，透過獨家既QuSome®技術將精華滲透到肌底，由底層改善皮脂失衡，面油，毛孔粗大等問題。第一次搽呢款精華時，一放上面就feel到暖暖地，如果唔係一早睇左介紹，知道搽上面會有“溫潤”既感覺，我應該會以為自己對佢敏感，幸好用左一排都冇事，反而搽完覺得皮膚緊緻左，重現光澤，連面油都少左

QuSome Lotion係具有抗衰老成份既化妝水，佢滲透力好高，可以直達肌底處理肌膚問題，又有助調理角質層狀態。另外，佢無色無味，質地好水，好易吸收，而意想不到既係搽上面之後即刻感受到佢既滋潤度，皮膚吸飽水，漲卜卜，變得柔軟有彈性，更容易吸收後續使用既護膚品，而且保濕效果更可以保持一整日。

要改善毛孔粗大既問題，護膚既第一步: 清潔，係好重要既一環，如果清潔做得唔好，污垢積聚係毛孔入面，係好難收細返d毛孔，而且後續用幾靚既護膚品都唔會吸收得好。 最近用緊b. glen既Clay wash，佢用天然礦泥粉製作而成，可以好似磁鐵咁吸出皮膚既污垢同油脂，但同時又保持皮膚本身需要既油脂同水份。 我用左一星期左右，覺得佢清潔力唔錯，感覺非常溫和，仲有d水潤，而毛孔污垢有慢慢溶解出黎，相信繼續使用一定可以清走晒我鼻上既黑頭同粉刺!

我一直都冇使用眼部精華既習慣，一黎因為除左黑眼圈同少少油脂粒之外，我就冇其他眼部肌膚既問題，二黎我驚搽太多會導致更多油脂粒出現。但隨著年紀越來越大，我都不得不做啲預防工作去防止第一條眼紋既出現。好好彩俾我遇到Bicelle呢枝全效維他命C護眼精華，佢質地十分輕盈，好似水咁，超容易推開，所以每次用一至兩滴就夠，搽左上眼好快就吸收晒，完全唔需要擔心會生油脂粒既問題，連續用左一星期，可以見到眼周肌膚變得水潤有光澤，黑眼圈減淡左，連同事都問我呢排係咪瞓得好好添

呢款精華我會稱佢為全能精華液，因為一枝就有齊皮膚需要既維他命A、C同E，係美容市場十分少見，佢有促進骨膠原增生，減淡色斑同深層保濕等等既功效，一次滿足晒我想抗氧化、美白同保濕呢三個願望。佢質地十分輕盈，比起B5 gel更偏向水狀，所以十分容易吸收，非常適合中性至油性膚質既人使用，而我係屬於混合性偏油既膚質，平時超怕用啲較滋潤既產品，所以呢枝精華絕對係一試就愛上左，因為真係超級容易吸收，而且效果亦好顯著。我每朝搽完ACE精華後，會再搽B5 gel，以提升抗氧化效果。用左一星期後，皮膚變得水盈緊緻，白左，有光澤左，連毛孔都收細埋! 不過需要留意既係，早上用既話，建議配合防曬產品使用啊!

一直都聽過唔少Bicelle B5 Gel既好評，今次終於有機會試下，佢有獨家既Tri-Hydra醫學保濕系統，有助修復細胞同提升抗氧化效果，可以將1000倍水分迅速注入肌膚底層。 佢無色無味，質地偏向水狀，雖然好易推開，但搽上面都有少少黏黏地既感覺，證明佢成份十分足料，不過慢慢靜待一分鐘後，皮膚就已經吸收曬啲精華，都算容易吸收。使用後皮膚即時變得水潤柔軟，連續早晚使用一星期後，毛孔收細左，皮膚底層吸飽水，就連我平時乾到出油既問題都得以減輕!