Joeycamy

自從無做Gel甲之後，就開始儲指甲油，最鍾意earth tone色調，不過有時悶了，就想指甲色sharp少少，見到THREE春妝有粉橙色新甲油(#108 Sun Voyager)，即試！首先，顏色鮮明得來又唔會太誇張，靚！甲油採用高透氧配方，質地輕盈不阻礙甲面呼吸。我的指甲好脆弱，手指又容易生倒刺，呢款甲油含有5種植物油，有修護功效，平日我塗某些指甲油幾日後便開始生倒刺，而THREE呢款就唔會，值得推介。

對於每日都要化妝嘅我，每晚回家一定唔會忽略卸妝步驟，習慣先用溫和卸妝水抹走面上的化妝痕跡，然後才潔面。推介YSL 柔彩潔顏爽膚水，一支集齊卸妝、潔膚及爽膚3合1功能於一身，能夠快捷地卸妝，就連防水眼線都抹得乾淨，同時有爽膚功效，防止污垢阻塞毛孔，方便好用。

潤唇膏對我這種乾燥肌來說，真的一年365日都不能缺少。外出吃飯、飲水抹嘴後，雙唇既乾又「脫了色」，這時候必備有色潤唇膏，塗兩下立即回復自然紅潤，重點是不用照鏡也容易塗得均勻。試過不少有色潤唇膏，通常夠滋潤卻不顯色。而Kiehl's檸檬奶油潤色護唇膏就非常適合我，因為它含有高度補濕的椰子油和具抗氧化功效的檸檬奶油；而最最重要的是它共有5種色調，我最愛野莓紫紅和玫瑰桃紅，顏色看似深沉，塗上唇後卻恰到好處，不用再塗唇膏。今年聖誕Kiehl'與芬蘭插畫師Janine Rewell聯乘合作，護唇膏換上限量包裝，超美！

對於香水，我真是又愛又恨。因為自己有鼻敏感，所以不能亂噴。看到這裡，你可能會話︰「咁唔好噴啦！」可是我又戒不了。能夠順利通過我鼻子的就是「很好」的香氣，總之就是我杯茶喇！近日我的鼻子接受了Giorgio Armani LIGHT di Gioia香水，而且漂亮的香水瓶身更進入我的眼球。LIGHT di Gioia的瓶身用上柔美弧線及粉黃色設計，瓶蓋外形如同一顆剔透的寶石，好靚！至於它的花木香調亦充滿柔和金色的感覺。前調由意大利柑橘和茉莉花組成；主調是白色梔子，基調有麝香，組合起來的香氣不會太濃烈，好適合我。

底妝要化得好，其中一個重點係不能太厚粉。我習慣搽完底霜後上粉底液、遮瑕膏，最後掃一層蜜粉定妝。因為咁多層，所以粉底要貼薄之餘，蜜粉亦要夠幼細，我的心水係MAKE UP FOR EVER超高清無瑕蜜粉。透明蜜粉質地超幼細到好似空氣咁輕盈，它具有4K霧化柔焦效果，真係可以修飾細紋同毛孔等瑕疵，而且掃一層已經有陶瓷肌效果，妝效透薄，啱晒我！

本身皮膚容易缺水乾燥，所以鍾情用補濕度高的氣墊粉底，底妝會更貼服。近日愛上Dior Forever Perfect Cushion恆久貼肌氣墊粉底，最先是被超美的粉盒吸引，這款全新高級訂製時裝設計的纖薄粉盒好輕身，方便放入化妝袋，而且出街補妝時好似拎住個迷你Dior包包咁！質地方面亦不錯，氣墊粉底液含有玫瑰果萃取，滋潤度十足，而且有收細粗大毛孔的效果，遮瑕度亦算高。下午補妝時輕印幾下鼻翼及眼肚位置，又可以keep住靚妝到夜晚。

如果只俾我揀一種化妝品，那必定是唇膏，而且質地要夠matte。因為太glossy令身的唇膏，搽完經常黏著頭髮絲，然後就會將唇膏沾到面上。搽霧面唇膏就少了這個煩惱，不過有些人覺得啞色就等如乾，其實要睇埋成分，我嘅心水係Cle de peau beaute Lipstick Cashmere柔滑輕絨唇膏。首先絨面質感好順滑，搽完效果睇起來不會好乾咁；而且唇膏加入水潤複合物及摩洛哥堅果油，有修護功效。顏色方面我揀#103Legend，方便配襯冬天衫。