missqueen

法國Dermastir Luxury A － 抗衰老抗氧化1+1！ 表皮生長因安瓶精華（粉紅色果支） － 主要成分為EGF》 全面抗衰老，修復皮膚，可以刺激膠原再生，撫平皺紋； 另一支維他命C安瓶精華（淡黃色果支）－ 美白抗氧化，淡化黑色素，令皮膚變得緊緻有光澤！ 呢盒 Luxury A 有表皮生長因安瓶精華 x5 再加維他命C安瓶精華 x5。 能夠針對改善膚質，又可以打造美白肌！ beautyisQueen 除咗鐘意用精華之外，亦鐘意用安瓶精華！ 通常安瓶會有更高嘅養份濃度，而且細細支會冇咁易受到細菌感染，保持到新鮮度亦係佢嘅賣點。 維他命C安瓶精華主要功效緊係美白同淡化黑色素！ 有點citrus 橙味咁，但搽落唔會有一般美白產品拮拮哋嘅感覺，所以覺得佢會比較溫和！刺激性低，敏感肌適用。 用後膚色提亮咗之餘，覺得佢嘅保濕度亦唔錯，呢點係意外嘅驚喜。beautyisQueen 平日較抗拒用美白產品，因為會刺激到我嘅敏感肌，但呢支我覺得唔錯！

研究證明，人會嘅皮膚喺25歲以後已經開始老化！ OMG！ 但係透過補充EGF，可以令皮膚內新細胞嘅比例增加，皮膚因此可以保持年輕。 EGF 係能夠促進細胞更新，就係傷口修復嘅抗衰老成分，被眾多科學家譽為“美麗因子”！ 法國Dermastir Luxury A － 抗衰老抗氧化1+1！ 表皮生長因安瓶精華（粉紅色果支） － 主要成分為EGF》 全面抗衰老，修復皮膚，可以刺激膠原再生，撫平皺紋； 另一支維他命C安瓶精華（淡黃色果支）－ 美白抗氧化，淡化黑色素，令皮膚變得緊緻有光澤！ beautyisQueen 除咗鐘意用精華之外，亦鐘意用安瓶精華！ 通常安瓶會有更高嘅養份濃度，而且細細支會冇咁易受到細菌感染，保持到新鮮度亦係佢嘅賣點。 表皮生長因安瓶精華質感清爽，容易推開被皮膚吸收。 一支嘅分量可以早晚用兩日，盒內會有個膠蓋，可以蓋上跟住擺响雪櫃。 表皮生長因安瓶精華含有高濃度EGF，能夠刺激膠原再生，可以收細毛孔、撫平皺紋！ 用後肌膚感覺緊緻Q彈，飽滿，乾紋表情紋冇再咁明顯！

差唔多日日都化妝嘅 beautyisQueen，緊係明白卸妝嘅重要性。 卸得唔乾淨.... 就會有殘留嘅化妝品阻塞毛孔，令膚質變差！ Nine Oriens 第一皇牌主打卸妝潔面油，100% 天然，藴含有機植物油及堅果油，具豐富維他命A／B3／E。 配以植物綷取同埋角鯊稀以及天然香薰油，抗氧抗菌及保濕！ 》》葡萄籽油，有機橄欖油，有機向日葵籽油，角鯊稀，榛籽油，甜杏仁油，有機堅果油，白蘭花精油.... 等等 一般潔面油嘅質感，能夠溫和咁將面上嘅化妝品卸走，同時亦有效滋養肌膚。 要用乾手搽上，然後打圈及按摩。 加啲水，再打圈，見到化妝品乳化後就可以用水洗走。 首先試卸走平日嘅眼妝同條眉。 用化妝棉沾上少少Magical oil，敷一陣，然後輕輕抹走大部份妝容。 但正常用，我會係用水將Magical oil 乳化，然後過水。 跟住試下啲防水妝物，有防水眼線液／眼線膏／唇筆。 Magical oil 輕易將防水眼線液及唇筆卸走，防水眼線膏就要按摩耐少少先得。 如果係要卸防水眼線膏，我都係會用返 lip and eye remover 產品，然後其餘就靠 Magical oil！ 過水後，覺得肌膚得到舒緩，肌膚潔淨乾爽，毫無油膩感，肌膚唔會繃緊！ 雖然 beautyisQueen 一向唔鐘意用油質嘅卸妝產品.... 但我喜歡 Magical Oil 100%天然，又有咁多修護肌膚嘅香薰油／植物油成分，卸妝同時亦可慢慢調理好膚質.... 咁唯有適應一下喇！

法國護膚品牌 YVES ROCHER 推出嘅抗污染排毒活肌系列推崇天然無添加，產品以天然植物成分為賣點。 確保無添加礦物油，矽膠，色素，防腐劑等有害物質。 而呢系列產品都含有超濃縮Aphloïa 植物活性分子提取物，具有超凡嘅修護能力。 用後感：好鐘意呢個系列嘅草本清淡氣味，好清新同relaxing！ 眼霜質地好輕盈水潤，清爽無油膩感，容易推開同吸收。 由其係佢有埋三圓珠碌碌設計，鐵珠凍凍哋，大圈咁碌碌下，有效減輕眼部浮腫，又可以促進眼部血液循環，舒緩疲勞！ 我其實冇咩黑眼圈，只係有時會較浮腫! 用後眼部肌膚細紋乾紋 k.o.，同埋快啲消腫。 記得每次用少量就夠，less is more！ 而佢嘅排毒功效會喺background run 緊咁，肌膚保持健康嘅狀態。keep 住排毒，踢走暗沉肌，肌膚光感度up！

法國護膚品牌 YVES ROCHER 推出嘅抗污染排毒活肌系列推崇天然無添加，產品以天然植物成分為賣點。 確保無添加礦物油，矽膠，色素，防腐劑等有害物質。 而呢系列產品都含有超濃縮Aphloïa 植物活性分子提取物，具有超凡嘅修護能力。 用後感：好鐘意呢個系列嘅草本清淡氣味，好清新同relaxing！ 精華質地好水潤清爽無油膩感，極易推開同吸收。 我會喺洗完面後，當肌膚仲係有少少水份嘅時候搽上，有效鎖住水份之餘。 將產品搽勻全面後，我又會再針對咁搽同按下啲重災紋理嘅部位。例如虎紋同額頭（如果冇眼霜嘅話，我會用埋佢搽埋啲眼紋位㗎！）。 我係特別鐘意用精華素...因為覺得用少少份量已做到重點！ ha～ 用後肌膚感覺即時泵入水份同養份，摸落都彈手啲! 暫別細紋乾紋喇! 而佢嘅排毒功效會喺background run 緊咁，肌膚保持健康嘅狀態。keep 住排毒，踢走暗沉肌，肌膚光感度up！

法國護膚品牌 YVES ROCHER 推出嘅抗污染排毒活肌系列推崇天然無添加，產品以天然植物成分為賣點。 確保無添加礦物油，矽膠，色素，防腐劑等有害物質。 而呢系列產品都含有超濃縮Aphloïa 植物活性分子提取物，具有超凡嘅修護能力。 可惜我收到產品時已經過咗乾燥嘅冬天，如果唔係佢一定大派用場! 因為佢有一定嘅滋潤度～ 用後感：好鐘意呢個系列嘅草本清淡氣味，好舒服同relaxing！ 日霜質地輕盈，容易推開同滲透。 我會喺洗完面後，當肌膚仲係有少少水份嘅時候搽上，有效鎖住水份之餘，亦無油膩感。 用後肌膚柔軟水潤，細紋亦冇咁明顯! 而佢嘅排毒功效會喺background run 緊咁，肌膚保持健康嘅狀態。keep 住排毒，踢走暗沉肌，肌膚光感度up！

大家都知隨著年齡嘅增長，肌膚嘅膠原會流失 -> 肌膚望落冇咁漲卜卜，而且續漸出現嘅表情紋都好令我煩惱呀！ OMG！ Atelocollagen 嘅膠原抗衰老面膜就係針對呢個問題喇： 日本頂級醫學研究博士研發ATELO膠原蛋白，完全唔含化學成份，無酒精、無防腐劑、無香料，係１００％純膠原蛋白。 用面膜前，記住做下去角質，等肌膚可以盡情咁吸收到啲膠原！！ 一盒仔有兩片壓縮咗膠原蛋白，加入 2枝滴管份量嘅水，然後攪拌至溶透。 兩片已經可以搽面同頸！我會響慣常表情紋嘅位搽多少少！ 敷半個鐘，過水就得喇。 係㗎， 面膜好快乾，肌膚即時有收到好緊嘅感覺！ 用後： 感覺肌膚彈性好咗，滑溜啲！ 細紋冇咁明顯！ 表情紋有改善，要同紋理抗戰到底～～

升級版嘅 Water Blend 粉底，真係水感十足！ Water Blend 屬 Face ＆ Body 粉底，面或身體都搽得。 佢有好特別嘅果凍質感， 極易推開（就咁用手推開，個finish 都已經好靚）。 高效保濕，做到均勻膚色同埋遮蓋面上嘅小瑕疵。 （遮瑕度唔高，不過可以續漸 build up 到高少少） 如果面上有較難攪嘅瑕疵，拍住 concealer用嘅話，依然能夠輕易打造裸妝。 Lastly， 當然係喜歡佢喺面上嘅無重感～ 冬天嘅乾燥天氣搽上一定更舒服！

想要底妝貼貼服服，首要 Step 1 係確保肌膚有足夠嘅滋潤同水份。 Make Up For Ever Step 1 Hydrating Primer 薄薄一層已足夠令肌膚回復最佳保濕狀態，亦可以用佢做重點保濕，例如因痘痘而引起嘅甩皮位置。 用後上妝效果更滑更貼服，膚質望落亦更好。 最後，輕微柔焦效果當然亦 very good！