tongyuenma

自從上次試完SK-II淨肌護膚潔面乳、神仙水同埋R.N.A.立體緊緻精華霜之後，我都有keep 住用，因為效果真係好明顯，連我老公都話我面色好左，肌膚飽滿左，細緻左。 一聽到SK II 出左個R.N.A.立體緊緻修護眼霜，我立即就報名想試啦。因為秋天就到喇，我都想雙眼繼續煥發住春日既朝氣，希望雙眼綻放閃亮！ SK-II的劃時代秋田追蹤科研經歷15年，最新研究進一步了解到衰老對雙眼外形變化的影響，全球首次發現我地既靈魂之窗原來由廿幾歲開始，在15年後平均會細左20％。咁到底點解年紀越大，雙眼反而越小；原來就正正係眼周肌膚既緊緻度下降所致。

SK-II既神仙水一向被一眾姊妹視為聖品，因為效果顯著又容易用，所以備受推崇！今日我可以試齊SK-II護膚精華 、R.N.A.立體緊緻精華霜同埋淨肌護膚潔面乳套裝，我真係好興奮呀！

今次試用 Crabtree & Evelyn 既 gardeners ultra-moisturising hand therapy，成份有乳木果油，甘油，三葉草仲有甘菊；英國品牌、美國制造。 大家都知道好多護膚品都有用到乳木果油，因為能夠促進表皮细胞再生，仲係天然護膚保濕聖品。 包裝的膠樽好容易將乳霜唧出， 亦比較耐用，放在手袋都唔怕整爛。白色乳霜散發著陣陣香氣，是三葉草、薰衣草、迷迭香、鼠尾草葉同埋百里香組合而成。好容易推開， 好快就塗滿雙手；好似立刻就有一層保護膜包住雙手。 雙手摸起來感覺好柔軟，好柔滑，呢個係乳木果既神奇功效。個效果好持久，幾個鐘頭之後仍然感覺到雙手係柔軟既！ $185 就有100g 咁大支，最正係每逢聖誕節Crabtree & Evelyn 都有大優惠，二百幾蚊就有成套細細支， 所有香味都有齊， 細細支放向手袋出街用真係好方便，隨時塗都得，大支就放枱頭慢慢用，所以咁受一眾姊妹歡迎！百零蚊就有made in USA嘅手霜 ，特價嗰時買就仲抵，難怪Crabtree & Evelyn 有咁多粉絲！ 我。。。真係好鐘意有香味既handcream呀！

一向對有機護膚產品趨之若騖，因為係天然材料，可以用得放心。 Perfect Potion 係澳洲擁有最佳配備同埋生產設施嘅有機護膚品牌，更加獲得歐洲COSMOS天然有機認證，仲係澳洲首間通過德國BDIH天然護膚品認證的公司，實在係信心嘅保證！我近來都有用佢地嘅藍桉尤加利精油，能有殺菌效果，洗衫時加入1滴，用嚟代替消毒劑，洗完啲衫仲有淡淡嘅甜香，仲有驅蚊嘅效果添！ 今次好好彩有得試下 Perfect Potion 嘅精純玫瑰護手霜，成分主要含有玫瑰、玫瑰草及廣藿香精油。 我自己好喜歡有香味嘅 handcream ，响護手嘅同時亦比到我心神上嘅舒緩。 白色嘅乳霜散發出淡淡香氣，好容易推開，好快就吸收喇，質感輕盈清爽。夜晚洗完碗用左佢，第二日仍然感覺雙手好柔滑！ 總括Perfect Potion 精純玫瑰護手霜能為雙手保濕同滋潤，但又唔會立痴痴，同埋淡淡玫瑰香氣不會太濃。 有機產品黎講 $390 就有100g 實在抵用，我已經深深愛上呢支handcream 了！

化妝最煩惱莫過於放工時啲妝都甩左一大半，又要補番啲眼耳口鼻先好出街，！ 聽講 Urban Decay 出左個新配方既眼影底霜 Primer Potion 好勁，質感柔順幼滑的配方採用了太空年代高分子科技，填補肌膚瑕疵，讓眼影整天持久亮麗，可以將眼影keep 到成日。好心急想試下係咪真係掂呀！ 等我試下 Eden 。Eden 色澤啞緻自然，有助全面遮瑕及遮蓋紅印。肌膚就更見柔滑細嫩。 擠上手試，好似粉底咁，好易推開。擦埋眼影，等我模擬多次眨眼，睇下係咪真係唔易甩色先！ 眨眨眨眨眨。。。眨左300次喇， 暫時見到眼影同岩岩擦既一樣，並無甩色。 好喇，然後我等左5 個鐘頭，再檢查一下。。。噢，仍然都無乜甩色喎。 有左Urban Decay Primer Potion 咪唔洗帶盒眼影補妝囉！

一講起胎盤素，有種好闊太既感覺，亦令我諗起譚詠麟; 總之，胎盤素就是高貴有效既材料。 胎盤素有以下4大美膚功效： 深層修護：提升肌膚免疫力，使肌膚能夠製造出更健康的細胞。 恢復彈性：增加人體真皮纖維母細胞，刺激膠原蛋白和彈性蛋白生長，改善皺紋、鬆弛等肌膚老化問題。 水潤細滑：含自然保濕因子，可促進肌膚新陳代謝，提高肌膚水份含量，有效改善肌膚乾涸粗糙及毛孔粗大。 透白光澤：具有控制黑色素細胞的功效，幫助均勻膚色，明顯淡化黑斑、雀斑和痘印，令肌膚變得更透白、更有光澤。 估唔到胎盤素已經變得垂手可得，fracora Placenta Lift Cream 胎盤素全效面霜日本制造,係多合一既啫哩膏, 集六大產品於一身： 化妝水，精華液，保濕液，保濕霜，保濕面膜，及隔離霜，6個護膚步驟一次過搞掂。 主要成份包括如胎盤素(取自高技術管理農場所飼養的無特定病源SPF認證日本豬隻) 、膠原蛋白，透明質酸、縮氨酸、洋甘菊花朵提取物、大豆提取物等，全部都係採用頂級優質的日本原料. 啫哩狀面霜無色無味係因為不使用人工香料、人工色素、防腐劑、界面活性劑或者礦物油，任何性質既肌膚都可以安心使用。 質地有點凝膠狀，好容易推開，好水潤, 感覺好舒服, 好快就被吸收了。唔會痴立立，好爽的。感覺好輕盈，夏天都好岩用，塗上臉上立刻可見皮膚有了光澤。 總括黎講，fracora Placenta Lift Cream 胎盤素全效面霜能做到深層修護、恢復彈性、水潤細滑、透白光澤四大功效，實在係大懶包既恩物，因為可以慳番唔少功夫，夜晚洗完面一支搞掂哂！ 一支 65g HKD199，如果早晚都用，大約可以用到30日，都好抵用！

冬天成日覺得塊面乾爭爭咁，好缺水咁， 塊面就好似係咁標油, 日日敷保濕面膜先舒服啲 。 SK-II新出既護膚精華油向日本製造，蘊含橄欖油、牛油果精華、荷荷芭油、米糠油、日本精米醇及角鯊烯，同埋PITERA，可以滋養乾燥肌膚、深度補水；真係要即刻試下！ 我以前一聽到「油」就好驚， 驚會立痴痴，都唔係好夠膽試；但係SK-II既護膚精華油以61.8%與38.2%的比例與PITERA 組合而成，聽落好似都唔係好立喎？！ 用法其實都好簡單，只要好似平時咁洗淨面、爽膚，用化妝棉蘸透神仙水，輕拍全臉約1分鐘（即係平日做法啦）。 然後輕搖護膚精華油，混合樽裡面既油與水；大約攞5-7滴護膚精華油於掌心，輕搓雙手再輕按面部就搞掂；最後就用精華素同面霜。 即係只係多左1 個步驟即！ 好喜歡樽嘴有個防漏嘴，唔怕唔小心倒多左；用手推開再按摩上面時聞到輕輕既香味， 係我好喜歡既薰衣草，可以舒緩心神 ：）好有去美容院做飛蘇既感覺呀。 精華油好易推開，塗上面後即時好似有層油光， 不過即刻就被吸收哂， 亦完全無立痴痴既感覺， 感覺其實同平時一樣，好快我就可以繼續塗精華素同面霜喇。 但係之後就會感覺到保濕係持久左， 第朝起身無左繃繃緊咯！ 向呢啲一日就乾到死，一日就濕到死嘅日子，有支SK-II護膚精華油傍身，就切身感到皮膚油水平衡既重要喇！

今日試用左 Shu Uemura 既瞬間亮肌BB霜 SPF30 PA++， 佢糅合修護、滋潤、打底、遮瑕及明亮膚色於一身，只需一個步驟就可以做到好似專業化妝師打造的自然膚色。 試用了sand color 中杏色，看起來好像跟膚色不太相近?! 一推， 呵， 好容易推開， 可以推開薄薄的，發現顏色跟膚色貼近，手上細紋立即唔見左, 好似滑左 。 好喇, 試上面， 好快好容易就塗勻了，肉眼都睇到有修飾效果，皮膚白淨左，同埋亮麗左，感覺膚質細緻柔滑左，光澤都好自然，面上因為轉天氣而起既敏感紅斑都可以遮到啲。 其實我真係好怕搽粉底因為好怕搽到一撻撻; 果然 Shu Uemura 既瞬間亮肌BB霜 SPF30 PA++ 能夠做到好似專業化妝師咁呀, 皮膚睇落白左滑左，仲要有防曬功效，唔洗另外再用防曬產品。 實在係懶包恩物 :>

SK II 護膚精華神仙水含超過90% Pitera, 出哂名能改善肌膚問題，令一眾姊妹都趨之若鷔。 簡約既樽裝設計，我最鐘意佢列明製造日期同埋到期日， 清清楚楚唔洗估估下！ 神仙水容易使用，質地柔滑水潤，同時好清爽。 無香味既， 敏感肌都可以好放心使用， 輕拍上肌膚後，好快就被吸收，感覺即時補水，一啲都無立痴痴；肌膚隨即明亮左，用左明顯見到毛孔收緊左， 膚色亦白淨左同埋有光澤，然後一整天都覺得面油情況都有改善。 總括黎講， 神仙水神奇地有即時功效， 能保持水分同面油既平衡， 毛孔收細從而改善膚質。

今次試用 Bicelle B5 補濕抗氧組合, 套裝包括Bicelle Hydra B5 gel, Bicelle Hydra B5 Cream 同埋Bicelle Bio-Cellulose Hydrating Mask。 Bicelle Hydra B5 gel 全效維他命補濕精華主要成份有25% 透明質酸同維他明B5, 特別加入高效抗氧成份綠茶精華和人體生長因子活胜銵A, 功效能夠中和游離基，促進細胞生長，延緩皮膚衰老。 產品特點能將1,000倍水份迅速注入表皮層，即時為皮膚補充水份，令皮膚更飽滿健康； 更能與皮膚中的蛋白質結合，產生水合作用，將水份鎖於皮膚底層，幫助修護皮膚組織, 提升皮膚的天然保濕屏障。 精華素無香味的，可以好放心使用， 塗上面好快吸收了， 感覺皮膚立即滋潤左，睇落好似細紋減淡左。 然後使用 Bicelle Hydra B5 Cream 全效維他命補濕霜，主要成份有25% 透明質酸、維他明B5 、維他命E 。能有效補充皮膚水份，加強皮膚鎖水功能，減少水份流失；修護皮膚細胞，改善膚質，有助減退幼紋、乾紋；令皮膚柔軟、平滑和有彈性，有效舒緩敏感皮膚。 產品能全面提升補濕及鎖水功能，無懼乾燥環境，肌膚持久潤澤，強效修護，改善粗糙、敏感膚質，仲可以深層滋養，減退幼紋、乾紋；有效中和游離基，預防衰老。 乳霜出奇地清爽， 瞬間被皮膚吸收了， 一啲都無立痴痴，好舒服的，肌膚立刻感到滋潤又滑左。 最後我用了 Bicelle Bio-Cellulose Hydrating Mask B5 抗氧補濕面膜. 有時趕時間我都好鍾意敷 Paper Mask，貪方便又唔使洗，用完將剩低的精華按摩一下就搞掂。出名強效保濕品牌 Bicelle B5抗氧面膜含透明質酸、甘油、胡蘿蔔素和天然抗氧因子，能抵禦游離基對肌膚的侵害，並刺激健康細胞更生，有效預防皺紋、鬆弛等老化徵狀，延緩衰老。 從包裝拿出面膜，發覺跟普通紙面膜唔同, 原來Bicelle 面膜物料所用的「生物纖維」技術是沿自醫學界，常用於撫平疤痕、治療燙傷(類似除疤貼果啲)，纖維厚度是一般紙面膜的 0.3%，能有效鎖住 200倍水份，緊貼每寸肌膚，比一般紙面膜吸收精華的效果高出 154%！透薄柔軟的面膜質料具有自黏性，加上 3D 立體剪裁能緊貼於皮膚的細緻紋理上而不會輕易脫落，唔需要刻意拉展亦能緊貼肌膚。 敷上面發覺面膜好貼面，好似啜住我塊面咁，精華好多但係又唔會滴漏喎，即使我周圍滕整呢整路都唔怕佢移位。 好鐘意塊面膜夠哂大塊， 包包面都包得哂。 面膜有輕微香，敷上面有陣陣飄香好舒服，敷完即刻覺得好水潤同白滑左，塊面真係有吸飽水水既感覺。配合保濕精華使用效果更顯著，連啲毛孔都即收斂左。 去左成日街夜晚返到屋企塊面都仲好水潤，真係好powerful 呀！！

全新SK-II R.N.A.立體緊緻精華霜，蘊含革命性Radical New Age複方及PITERA™，鞏固自身膠原蛋白結構，１０天緊緻輪廓。肌膚變得更緊實、更飽滿，臉部線條重現年輕立體感。 產品能深度補濕，晚間無間斷滋潤；縱向提昇，１０天就可以緊緻輪廓，還會減淡虎紋！ 首先取約一顆珍珠大小的R.N.A. Power，然後以指尖將精華霜點在前額、面頰及下巴位置；從中央向外慢慢推開至全臉。 面霜有好輕好輕的香味，好易推開， 好清爽， 一啲都唔立痴痴，好快吸收，好喜歡這個質感。搽左肌膚立即感受到滋潤， 有光澤；第二朝起身塊面都能維持滋潤既感覺。 用SK II R.N.A. Power 之前， 面頰明顯因為轉天氣而變得敏感，紅卜卜咁， 用左三晚， 我覺得肌膚緊緻左飽滿左， 蘋果肌亦立體左， 皮膚無咁乾，紅斑亦減少左， 膚色都均勻左 :）太好啦！