kayekaka

呢個係我第二罐用嘅glam glow深層清潔面膜，之前都係用白色，大約一罐係用到個半月左右，以我混合肌，有嚴重黑頭粉刺問題嘅皮膚，用咗一罐之後，無再買落去最主要原因都係因為價錢問題，真心係太貴，一罐等如我買其他牌子嘅兩三罐，雖然毎次用量都唔多！同埋效果係真係有嘅，特別係針對下巴嘅粉刺！一用完會見到下星粉刺少咗一半左右，剩低個啲都係要靠人用擠返出嚟先乾淨，但係我最嚴重鼻邊位嘅粉刺就唔多見效果，唔係好清到！我敷完仲見到密麻麻係度，無咩減少過，都係要用手搞掂，連浮出嚟都無嘅，而鼻上面嘅黑頭，淺層嘅唔用手就見到自己消失咗，深層嘅，都係用手吧，同埋呢個mask乾得都快，10分鐘左右就洗得，敷完唔算乾，可能因為我本身皮膚唔乾，所以都唔會乾柴感覺，總括嚟講，係有效嘅，效果都明顯，但未至於神奇，同埋價錢係令人卻步之列，始終清潔面膜消耗得好！以個人嚟講，不會回購呢！

我用咗一段時間, 個感覺係十分之良好, 我主要係用嚟遮黑眼圈呢個問題, 而我眼底又有眼紋, 係一條好深跟咗我好多年慨眼紋, 而眼尾位置又會有好多細紋慨問題, 用過好多遮暇, 不論係膏狀, 或者係液狀, 都係會有過乾慨問題, 好多時我都要用眼霜同遮暇MIX埋一齊先可以令到個感覺無咁乾, 但係又會變咗遮唔到我個千年黑眼圈, 或者係過唔夠三,四個鐘就會變咗熊貓現形, 而MAKEUP FOREVER慨呢支遮暇, 可以話係令我好有驚喜, 我係香港用之外, 仲帶埋去旅行用, 係去到日本, 比香港乾好多倍, 啲乾紋係更現形, 但係用咗呢支遮暇, 可以令到黑眼圈遮到8-9成, 只怪我慨嚴重黑眼圈係無咁易會放過我, 而係旅行時, 不論去到有暖氣慨地方, 或者係搭飛機都好, 都仲可以keep到好好, 可以話係完全無甩妝, 亦都無因為長時間而現哂啲乾紋, 所以我係絻對推介黑眼圈人仕用呢支遮暇去遮眼圈呢個問題, 而佢同皮膚亦都好夾, 我係混合偏油皮膚, 佢可以做到融入皮膚慨感覺, 可以遮埋毛孔, 輕輕向下拉,順毛孔方向, 就以變得隱形, 而又好自然~!!

今次試用咗Melvita 有機堅果油, 都感覺幾驚喜下, 我主要係用係面度, 同埋試過用係身體某啲特別乾慨地方, 都感覺呢支油都幾萬用下, 首先, 點解會覺得驚喜, 係因為我本身係混合偏油慨皮膚, 可以話油一定係我地死敵, 我係一定唔會一掂一啲油份高慨護膚或者化妝品, 更加係唔會點接觸直頭係油, 我本身T字位都出油幾勁下, 仲要係出油搞到毛孔變得都幾明顯, 算係幾難搞慨皮膚, 試過好多唔同質感, 或者功能慨護膚品, 都係搞唔掂, 因為補水補極佢都仲係會出油, 就算用咗控油都唔太搞得掂, 今次試用咗Melvita 有機堅果油, 我係毎晚訓覺前, 搽咗TONER, 同埋精華之後就用兩三滴護膚油加埋少少按摩, 等吸收哂之後先訓, 都係幾分鐘到慨時間, 用咗三日左右, 都發覺最明顯係第二日訓醒, 面部無出油呢個問題, 連毛孔都無咁明顯, 以前係一訓醒, 成日都會成面油, 仲要啲毛孔走哂出嚟同我SAY HI, 而家用咗護膚油反而係出少咗油, 都係大約到中午左右先再有油面呢個問題, 而用咗係身度呢, 就係我隻手成日都會因為太乾, 而有敏感痕呢個問題, 我毎次一覺得有少少痕慨感覺, 就用個護膚油按一按隻手, 用咗幾次, 就無咗痕慨感覺, 隻手仲軟熟咗呢~!!所以呢支護膚油, 比我都幾有驚喜同埋萬用, 我會再試下用埋係頭髮上面,睇下個效果又會如何~!!

用咗3個STEP, 覺得個感覺真係唔錯, 同我之前一直用開慨洗髮護髮產品, 個效果, 好唔同, 第一用咗個浴髮乳, 我本身係一把嚴重受損慨頭髮, 因為天生鬈毛同埋好粗硬, 成日都會又染又電啲頭髮, 先可以易啲控制, 所以頭髮長時間都係處於頭皮會有油份, 而髮尾係嚴重乾旱, 係會打結, 加上睇落去會飛起慨處境當中, 好多時用洗頭水都係會控到油就尾太乾, 一係夠哂潤, 個髮尾又會乾到死, 今次用咗個浴髮乳, 洗完唔係話完全清爽慨感覺, 但係吹完頭係可以見到頭髮係分返開一絲絲, 唔會睇唔到一條條, 同埋加埋我用咗一次慨髮膜, 我係選擇咗, 洗完頭放係頭度等咗大約20分鐘先洗頭佢, 洗完後, 一吹頭就會摸到, 係無打結呢個問題, 同埋頭髮慨髮尾終於係向返下, 唔係向横發展, 而三個STEP當中, 最令我驚喜慨係個修護乳, 同我平時用開慨髮尾油質感同埋個效果好唔同, 係令我好舒服慨感覺, 因為我一向啲頭髮係極衰, 夠潤就會吹完頭都覺得好似有層油咁, 唔係一絲絲慨效果, 唔夠潤又會搞唔到掂我啲毛毛, 唔好話順滑呀, 係向下已經好難, 而且係會好毛燥, 好多毛毛走咗出嚟, 呢個修護乳, 我係洗完頭印乾水, 係吹頭之前輕輕搽咗一層係髮尾, 梳好哂先開始吹頭, 吹慨時候感覺唔覺好明顯, 因為都好似同平時一樣, 唔見得會快啲乾, 但吹完之後, 我再搽多少少係尾尾位置, 就見到頭髮有順滑慨效果, 同埋爽咗, 而又易梳咗, 點解我覺得驚喜係, 我平時出街, 都覺係大汗慨人, 一個中午啲髮線位都已經出汗, 啲頭髮加埋汗水, 就算出街前整到幾靚都無用, 都係會彈返上去, 啲毛毛又走返出嚟, 又會鬈毛返, 但用咗兩日呢個修護乳, 都可以KEEP到爽爽地, 去到夜晚, 我都頭髮睇落去, 同摸落去都係順慨, 當然佢唔係仙丹, 唔會真係可以完全改變好咗我啲頭髮, 但係KEEP到個效果, 我都已經好滿足, 始終我都係難搞髮質~!!

首先多謝she.com 比個機會我試用L'oreal Professionnel慨洗髮同埋護髮系列, 用咗一次個感覺都幾驚喜, 因為我本身係天生鬈髮, 加上又多又硬又粗又厚, 所以係屬於幾難搞慨髮質, 係要定時去電同埋染先可以控制到啲頭髮, 長時間咁搞, 啲頭髮都傷到就咁睇去見到嚴重, 但係一直都未搵到啱用慨洗護頭髮用品, 今次試用咗Absolut Repair Lipidium洗護系列, 第一個驚喜係, 平時我係要洗兩次頭髮, 先會FEEL到清爽, 同埋先夠潔淨, 但係Absolut Repair Lipidium洗頭水, 我只係洗咗一次, 個感覺已經好爽, 同埋feel 到頭髮係輕身, 唔會好油, 同埋係覺得順咗, 之後再用個髮膜, 我大約停係頭髮度10分鐘左右, 先至沖水, 沖完水, 第二個驚喜嚟喇, 就係摸到頭髮平時打結慨髮尾, 同埋就咁睇已經見到開叉慨髮尾, 沖完水已經見到係平服咗, 再吹埋個頭, 我終於見到啲頭髮係有一絲絲慨效果, 唔係平時咁, 需要強行用髮尾油整順啲頭髮, 不過有一個小小慨缺點係洗頭水慨起泡量唔算好大, 最好係先起泡先放上頭髮度, 如果直搞落個頭度, 會有少少難起泡慨感覺~!!

我用咗呢支B5 GEL大約一個月左右啦, 本身用慨時候係睇咗好多人評語話呢支B5係好掂, 又好神奇, 同埋好啱乾皮膚用, 話一定好過補濕精華, 因為我本身係混合偏油慨皮膚, 唔算特別乾, 所以都知道效果一定唔會魔術咁樣, 我皮膚係T位油, 都係因為乾先出油慨, 面油係一到夏天多咗可以煎蛋個隻,面珠位又唔算乾慨, 頭頭用咗一星期, 都真係明顯見到面油係減少咗慨, 毛孔都細咗, 因為油出少咗, 毛孔都無咁明顯, 但係就未至於會覺得好似飽满慨感覺, 不過就補濕咗慨, 同埋佢有一個好處係, 真係吸得幾快, 我皮膚唔乾, 都可以一搽上咗, 唔洗一分鐘就完全吸收哂呀, 同埋仲有就係唔會點有擦膠碎, 好多時搽親GEL狀慨嘢, 都好易起擦膠碎, 我起初就當妝前補濕咁用, 做打底用, 都真係夠補濕, KEEP到十個鐘無出到油, 之後就夜晚當埋精華咁用, 訓醒都無咩面油, 呢點都算幾驚喜, 同埋仲有個好處係, 輕輕搽少少係眼位, 眼紋係無咁深, 我係個隻眼紋陪我長大慨人, 好早年已經有條深深慨眼紋, 同埋眼尾有紋, 當然係無可以完全減退嫁喇, 佢唔變深, 病情無咁惡化已經係好好嫁喇, 不過有一點唔好就係, 佢補到濕, 但係唔係好鎖到水, 一定要加返個CREAM先有用, 如果唔係, 都係皮膚會乾, 仲有就係, 佢真係偏貴, 一支大約都係用到兩三個月左右, 因為用慨份量唔可以太少, 會無咩用, 所以, 都算貴~!!

呢個防曬BASE, 我係讚, 因為佢真係一支可以做到幾個功效, 我自己本身皮膚係易出油, 特別係夏天呢啲天氣, 出油問題係更嚴重, 但係咁熱慨天氣, 我真係唔可以用好多嘢係面上邊, 感覺會似抖唔到氣, 咁佢有埋防曬, 我已經可以節省咗搽防曬呢個動作, 而我讚慨係, 佢控油力真係幾好, 而且佢係可以做到調色, 同埋輕微遮暇慨作用, 咁我就自然可以用少咗好多嘢, 啱哂懶慨時候, 又想快慨時候用, 不過有一個缺點就係, 佢都偏少少貴, 一支要差唔多$300, 但係一支大約都係用到一個月多少少, 唔算好抵用, 但係效果都算出眾~!!

用過覺得真係可以話係最舒服慨防曬, 只係佢有一個缺點就係, 佢係偏透明, 明顯一定只可以係用嚟做防曬, 唔會有任何調色, 或者遮暇慨功效, 即係懶懶地, 淨係用完佢就出門口, 就未必得喇, 點都要用返少少遮暇, 如果唔係會嚇親人, 不過佢個質感真係唔錯, 用咗上面, 會覺得好似無搽咁, 如果夏天, 油性皮膚慨人用咗佢, 就真係會感覺到皮膚無咩負擔, 同埋個價錢真係平, $100都唔洗就有一支, 而且係用到都2,3個月, 仲要係日日用, 感覺都係抵玩之選~!!

我一向都係NIGHT REPAIR慨粉絲, 一直都有用開佢慨精華, 不過就係用係塊面度, 咁啱佢有SAMPLE可以試用佢呢個用係眼度慨精華, 咁當然要試下啦, 佢質感同之前慨NIGHT REPAIR一樣, 都係好易吸收, 輕輕一推, 再按下, 已經可以完全吸收哂, 但係呢, 個效果就真係令我有少少失望, 用咗個SAMPLE都有一個星期, 就唔覺得有明顯效果, 唔好話我個千年黑眼圈無退到, 就連眼底慨眼紋同魚尾紋都唔覺得有明顯減退咗, 補濕就效果算平平啦, 咁一向有搽嘢去眼底, 特別係GEL質感慨眼霜或者精華, 都一定會令皮膚冇咁乾, 同埋500幾一支, 雖然話係精華, 但係效果唔明顯慨話, 又覺得唔太值~!!

呢隻我只係用咗一支, 唔係因為佢唔好用, 而係佢價錢, 我覺得係有少少偏貴, 因為一支真係唔係可以用好耐, 大約都只係用到一個月多啲, 因為毎次用慨份量都唔少, 另外係, 呢隻BASE我冬天, 春天用都係效果幾好,但係一到夏天就唔多掂喇, 因為佢控油力唔係好強, 咁我都知道佢無標明可以控油, 但係用得BASE, 當然希望佢可以補濕到, 控油到, 到夏天, 油呢樣嘢係好大問題嫁呢~!!不過可以讚下慨係, 佢遮毛孔真係幾出色慨, 單單用一層已經見到毛孔係變得無咁明顯, 之後再上粉底或者BB CREAM都真係可以遮到8成毛孔, 要完全遮哂, 對我嚟講係無咩可能, 同埋的確係會令個底妝貼服咗, 同埋佢係有少少肉色, 所以如果個人懶慨時候, 唔想搞咁多嘢, 就可以單單用佢再掃一層碎粉就已經OK, 都可以做到輕微遮暇慨效果~!!

都已經連續用咗起碼超過三個月, 我本身皮膚係混合性, 都偏油, 一到夏天, 啲油, 毛孔同黑頭係可以殺得死人, 同埋啲暗粒總喜歡突然出現, 殺你一個措手不及呢, 我用GEL PLUS一心都係諗住針對黑頭呢個問題, 果然佢無令我失望, 我一直都覺得個鼻上面全部都係好深慨黑頭, 無咁易清除, 我去做皮膚分析時, 都話我皮膚有少少衰老, 同埋黑頭係好難就咁清除, 我用咗GEL PLUS大約用咗兩星期左右啦, 眼見啲黑頭係少咗, 但係我仲係覺得有黑頭, 未係完全清哂, 但係一去到再做皮膚分析就知道分別大喇, 深層慨黑頭係無哂,我眼所見到慨都只係表面黑頭, 而皮膚就變得幼嫩咗, 無咗之前衰老呢個問題, 可能真係幫助到皮膚更新, 而我自己皮膚都算係易敏感, 特別係轉天氣時, 敏感會更明顯, 不過暫時為止啦, 用咗咁耐, 皮膚都無因為用佢而引起敏感, 同埋而家我如果有一啲暗瘡起緊, 就會敷一層厚厚地咁係粒暗瘡上邊, 大約10分鐘左右就可以洗走佢, 連敷三日, 暗瘡會變得好快謝, 但係如果暗瘡已經損咗, 或者係手多多搞過粒暗瘡, 就一定唔好用佢喇, 因為一敷就大獲喇, 一定會留印, 咁到時仲難搞, 所以目前為止啦, 我覺得GEL PLUS都幫到我黑頭呢啲問題, 都值得買, 因為一支都真係可以用好耐~!!

專門用係毛孔位置, 不過不能單用, 一定要再上粉底, 或者BB CREAM, 不過遮毛孔能力十分明顯, 不算控油

真係好細緻, 好好用慨底霜, 可以遮毛孔等問題, 只係少少失望就係調色功能唔算明顯~!