cindywu

鑽石拉提，聽個名已經覺得好豪，但係鑽石點樣可以幫助肌膚達到拉提的效果，我真係聞所未聞。今次試用Geheimnis Diamond Secret鑽石拉提噴霧，唔單單可以令肌膚得以提升，還可以令我對鑽石的美容效用有進一步了解，真係一舉兩得～～ 首先上網科普咗下究竟哩支野點“鑽石”法，原來成分中不僅僅加入了恒常護膚會用到的蘆薈和仙人掌萃取物外，還加入了納米金和鑽石粉！難怪支噴霧個價格都唔太貼地，原來系每噴一下都將鑽石粉噴上臉！鑽石粉治療肌膚的能力在於改善肌膚素質，強效保濕，同時亦是產品成分的導入器，令產品到達真皮層，真正釋放護膚能量。 睇下產品包裝，雖然樣子嬌小，但係就好有內涵。蓋頂還有一粒閃“鑽”，令整個噴瓶睇上去大方高雅，拎出街真係好elegant。潔淨臉部後，塗上爽膚水，無需避開眼唇，距離半隻手嘅距離噴上臉部，輕易覆蓋全臉。噴頭好夠力，噴出來嘅噴霧足夠細，味道系淡到幾乎聞唔到嘅香味，感覺清爽但又不似水狀一樣稀薄。千奇唔好手多多卒塊臉，只需靜靜等待，令肌膚自然吸收噴霧即可。 聽大家講到好神奇，話鑽石拉提噴霧會起即時效果，馬上達到肌膚拉提的效果。試用後，我覺得功效不如其他人講的誇張，但卻的確有效。首先感到臉部（特別是額頭位置）肌膚有拉緊到，就好似平時做咗撕拉式面膜後的感覺，肌膚慢慢收緊，但係系未到肉眼可以明顯察覺的地步，我又覺得尚不至於。但是如果仔細觀察，可以看見臉頰位置最多肉的地方，的確有輕微的拉提，額頭亦更有光澤，肌膚更加緊緻。 如果要同包包臉say bye，鑽石拉提噴霧系達不到這個效果的，必須配合日常的臉部按摩及飲食配合才可真正瘦臉。但是對肌膚的幫助卻是絕對的，例如令肌膚緊緻、抵抗肌膚老化、提升肌膚彈性等，效用算是明顯。鑽石拉提噴霧的瞬間效果不俗，女仔最中意selfie，我覺得試用裝細細支，真係好適合隨身攜帶，影selfie前噴一噴，兩三分鐘後再影，真係皮膚都緊緻D，推薦！ 至於性價比，就一支噴霧來講，1,280HKD/120ml算是貴，但是如果長期使用能夠達到緊緻有彈性的功效，都不失為一個值得的投資。但是長遠功效，還待使用貨裝後再與大家分享。

很少給護膚品打高分，因為坊間再好的護膚品牌，儘管價錢再貴，用料再靚都唔一定夾到自己肌膚，但係SK-II的“改寫肌膚命運”，總是一次又一次地在我身上實現。已經不是第一次用SK-II的產品，但是通過Pitera體驗套裝3 steps一齊用確實系第一次。 『潔面乳』 我一直都認為洗面奶是廠家最呃錢的產品，其實成分都大同小異，卻可以因為品牌而印上昂貴的價格。今次用了SK-II的潔面乳，真是非常後悔，Sorry, SK-II我唔應該在用之前label你，因為事實系真的好用到一用冇回頭。 首先講下潔面乳的質感，系分子比較細的乳霜狀，淡香，沒有香精和濃厚的酒精味。加水後很容易推開，雖然起泡能力唔算太強但是在臉上搓開了就會有泡泡產生。話說本人一直不喜歡起泡的洗面乳，因為很容易令皮膚乾燥而引起痘痘。但是SK-II的潔面乳卻很好地解決了這個問題，柔和細密的泡泡，能徹底清潔臉部的油脂，卻不會有絲毫緊繃，洗淨後臉上也沒有泛紅過敏的現象。用完就算二十分鐘不搽任何護膚品都可以keep住冇油光不緊繃，我覺得保水度有9分。最令人驚喜的是用很少的分量就可以洗淨整張臉，比一般的潔面乳節省一半有多，真是為我的荷包著想！ 『神仙水』 SK-II所有的產品裡面，神仙水算是最家喻戶曉的吧！坊間一直對神仙水的味道有爭議，有人話臭不可忍，有人話酵素系甘味。本人一開始對神仙水的味道亦是稍有排斥，但系我覺得講到底都系習慣問題，用用下，又覺得冇咩野。神仙水的味道唔系花香味，都冇artificial的香精味道。滴一滴在手，很容易推開，質地輕盈似化妝水，但係記得，佢系一支水狀的精華！質地任何肌膚類型都容易handle。 徹底潔面，塗上爽膚水後，將神仙水倒在化妝棉上，輕輕印在臉上，吸收得非常快。神仙水的瞬間使用效果很明顯，可見兩頰明顯有白裡透紅的feel，雖然面上坑紋同色斑無法馬上減淡，但是膚色明顯更均勻，嫩白度和水潤度都有提升。 因為想看到更細緻的效果，我還試過將神仙水倒滿在化妝棉上，敷在面部、額頭和鼻翼。5-10分鐘後，皮膚將神仙水吸收得七七八八，撕走化妝棉，面色變得粉嫩。我覺得如果因為熬夜或者長期外出工作時敷神仙水來急救用會好有效。更令人感動的是，用後毛孔變得細緻，之後上妝，妝容更持久。 『R.N.A POWER』 在三個steps裡面，R.N.A POWER就好比是肌膚外部的一層保護膜，它不是普通的面霜，而是一瓶精華霜，比面霜更滋潤保濕，比精華液更飽滿滲透肌膚，令肌膚真正power up！ 它質感綿滑，味道淡香令人舒緩，在面部很容易推開，吸收快，就算在37度的盛夏，也不會有黏膩的感覺，令肌膚水潤度up，彈性up，光澤度up，達到潤而不笠的效果。記得不要忽略頸部肌膚，因為頸紋是很多女性重視的問題，不能偷懶啊！使用一周後，肌膚的改變算是顯著，雖然價格偏高，但是一用就愛上，貴得有道理。至於緊緻度和抑制減淡細紋方面，並非一朝一夕可以體現，但是相信持續使用，效果將更出眾。 『小結』 愛自己，當然要給肌膚最好的待遇！真心推薦SK-II的產品，特別是熟齡肌，改寫肌膚命運，真係要勤力同選擇最適合自己的產品！今次試用很滿意，SK-II真是驚喜不斷啊！比9分，剩低嘅1分，系希望以後SK-II會有更突破的創新，有比神仙水更令人impressive嘅產品～

哩個夏天真係好熱！肌膚一出街就又乾又出油，如不慎選擇錯的護膚品，真係好容易乾到出紋又或者油到可以反光當鏡照，肌膚要24小時不斷補水達致水油平衡，揀岩支Mr Right真係好緊要～ 今次試用嘅柚子水分C亮白保濕精華來自Skinfood哩個韓國通街賣嘅牌子，實在系品種多價錢平嘅最佳選擇，Skinfood每次都以食物同植物為主題，正式係將天然味道融入日常護膚程序。夏天最適合就系夠lite但係又夠補水嘅產品，今次柚子味聽到就覺得涼浸浸，唔知實物系未真係平靚正？ 首先睇下味道，系清爽嘅柚子味，還夾雜住一絲清甜，好岩夏天feel！而質地方面，系乳白色半透明嘅乳液狀，有些少爆水嘅效果，延展性非常好，雖然只是吱咗少少，但係已經夠曬用整張臉。 使用時首先徹底清潔臉部，並塗上爽膚水打底。取適量精華乳均勻塗抹全臉，再搓熱手心，稍微捂在臉部，靠手心的熱力讓臉部徹底吸收精華。 使用後發覺產品嘅水分含量甚高，肌膚吸收快，好快就在臉上形成一層保護膜，不會黏笠。可以睇到肌膚嘅光澤度有所提升，水潤性亦有所提高，短時間內的效果算系唔錯。但係因為夏天長時間在開有冷氣的室內，肌膚容易缺水，雖然沒有緊繃感，但使用後大概半小時便覺得開始變乾需要補充額外滋潤的精華及面霜，整體來說戶外使用效果理想，室內雖然補水但是不夠滋潤。 今次的保濕精華還含有brightening effect，但係試用裝太細包，使用一兩次難以體現亮白效果，唯有期待貨裝帶來驚喜了。今次試用總體效果尚可，如果配合全系列的爽膚水和乳液使用相信會給肌膚帶來更多改變。

Crabtree & Evelyn出名賣咩？大家應該都知道系唔同味道嘅潤手霜啦！不過今次試用哩支唔止系hand cream甘簡單，仲系一支hand therapy，聽個名已經知道要比普通hand cream更深層護理雙手。每次Christmas一定會在Crabtree & Evelyn放血，雖然D手霜品種多到眼花繚亂，但係甘耐以來我一直不離不棄的只有兩種香味，第一系Rose，第二就系今次哩支Gardeners啦！ 市面上hand cream實在太多，其實成分都不相伯仲，如果要跑出，其實最重要都系睇個味道有幾吸引。而哩次嘅Gardeners可謂絕對有驚喜。佢唔單止系一般嘅花香味，仲有種樹葉同泥土嘅清香，閉上眼放如置身花園，忍不住深呼吸一口。很佩服調香師嘅創新性，哩款手霜單單味道嚟講已經非常出眾，而且百用不厭呢！ 再講講手霜嘅效果，Crabtree & Evelyn手霜滋潤易吸收非常出名。親自試用，可以睇到產品本身是比較稠身的膏狀，延展性算好，容易推開，推開後就好似在肌膚上形成一層保護膜。因為手指關節位及指甲邊緣最容易磨損及生倒刺，因此塗抹過程中最好逐隻手指按摩，連指甲邊緣都塗上潤手霜，效果更加明顯。 使用後手指皮膚更加軟滑，指甲邊緣皮膚更加平整滋潤，手指間的連接位乾紋減淡，而手背的紋路較使用前不再顯眼，補水夠快，令人相當滿意！如果一定要雞蛋裡挑骨頭，我認為在炎炎夏日如果要在戶外使用哩支hand therapy有點油笠，而且容易因為有手汗而令雙手粘粘的，所以更適合放在office或家中，作為冷氣環境中雙手補充水分的最佳選擇。 我還試過在睡前在雙手上厚塗一層Crabtree & Evelyn hand therapy，用保鮮紙包住對手十分鐘，在水中稍微沖洗（不用洗得太乾淨，稍微沖沖就好），隔日對手好似剝咗雞蛋一樣白滑！大家不妨一試～～

酷熱警告訊號已經持續咗幾日，今個夏天真係又曬又熱，真係好想日日游水兼浸起海灘唔上岸～但係太陽太毒，一不小心就會曬黑同出色斑，唔通日日在屋企唔出街？No way啦，最好嘅方法，梗系曬太陽又唔怕出色斑同曬黑啦，今次收到Obagi左旋維他命C 15%嘅試用，睇下哩枝野今個夏天幫唔幫到我先～ Obagi哩個牌子唔講都唔知原來在美國已經紅咗十五年，在抗氧化同祛斑方面好有成效，主打系肌膚可以吸收的維他命C-即左旋維他命C，以高濃度、高滲透性、高穩定性同低刺激性幫助肌膚吸收。而且點解系15%以上？因為維他命C達到15%時，先可以幫助肌膚膠原蛋白的合成，達到美肌效果。甘即系話平時就算搽含有維他命C的產品又或者系瘋狂吃橙，都未必可以有效幫助肌膚吸收維他命C！哩個對我來講，真係好驚人的發現……因為屋企D維他命C產品，好似全部都冇15%甘高……>.< 產品質地：呈淡黃色液態油狀，流動性非常好，味道稍有刺激性，有少許橙味同酸味。 試用過程：先將臉洗乾淨，塗上爽膚水同肌底液，再將Obagi15%左旋維他命C精華素塗上臉。因為支精華嘅流動性好好，冇辦法直接滴在臉上，所以我先將手心搓熱，將精華素數滴在手心，搓勻後捂在臉上直至吸收，最後搽上面霜同防曬即可。 試用數日後，皮膚雖然冇明顯變白，但係原來膚色不均的問題真係有所改善，特別系T字位，水油平衡問題有所改善，毛孔稍有收細。臉部因為痘痘而殘留的色斑亦有減淡的跡象，就短期效果嚟講，我覺得相當不錯。如果對抗比較頑固的色斑，則需要長期使用才可觀察到效果。 Obagi 15%左旋維他命C精華素的優點在於可以溶解色斑，促進膠原蛋白生成，對預防肌膚老化和鬆弛有效果，但係弊端在於產品含有酒精、香精同丙二醇的成分，就護膚品嚟講，這幾種成分是容易造成過敏的源頭，刺激性亦比較高，因此我覺得易敏感者在購買前必須先試用，如無不良反應再購買。 Anyways，每種產品產品成分都有pros and cons，最重要系夾到自己皮膚，希望各位愛美sis今個夏天可以同色斑say bye bye啦！

對身體每日暴露在空氣中嘅部位，我地通常都會特別用心照料，好似臉部一樣，一日24小時360度無遮擋，所以從爽膚水到面霜缺一不可。其實手部其實同臉部一樣，都需要悉心照料先會有好滋潤白皙嘅好肌膚。 今次試用Perfect Portion嘅精純玫瑰護手霜，未用已like，因為本人對有玫瑰味的護膚品毫無招架之力，從爽膚水、噴霧、精華到面膜，幾乎所有玫瑰味的我都冇放過。 味道：誠如產品的成分，混合咗玫瑰、玫瑰草及廣藿香的野生淡雅清香，而且都算持久，聞咗已經好心曠神怡，好中意啊！ 質感：hand cream系比較厚身嘅乳霜狀，單睇質地覺得大熱天時搽咗會好sticky，但係搽完之後竟然乾爽得來又好滋潤，唔笠又夠香，都算系有驚喜！ 效果：其實搽hand cream都係因為成日在有冷氣嘅地方，對手又要打字又要做野，洗手洗得又多，有手紋真係難免。搽完Perfect Portion哩枝精純玫瑰護手霜之後，手部嘅細紋雖然沒有消失，但係明顯幼滑同淡色咗好多，特別系手指D關節位，搽咗有助一邊滋潤修護，一邊軟化角質減淡細紋。 枝hand cream有成100g甘大枝，仲可以用來做埋hand mask啊！晚上臨瞓之前先用護膚油在手部打薄底，再搽哩枝hand cream，輕手按摩至完全吸收，再戴上一對薄嘅全棉手套，第二日起床，對手好似剥咗雞蛋殼嘅雞蛋甘，靚曬！ 試用Perfect Portion嘅精純玫瑰護手霜效果好滿意，在香港哩個牌子唔太出名，但係同坊間熱賣嘅幾個牌子相比，效果有過之而無不及，不妨一試！

最近醫學美容的概念炒得火熱，日常護膚當然也少不了醫學品牌，從日前試用的La Roche-Posay，到今次試用的Filorga，每次都令人充滿期待。今次試用的Filorga來自法國巴黎，研究focus在醫學美容同抗衰老產品，令肌膚衰老、皺紋、保濕、鬆弛等問題得到改善。 首先睇睇產品本身，今次收到的是dark spot corrector serum，即系淡斑精華，岩曬我哩D因為生痘痘而形成色素沉澱的肌膚。味道方面，Filorga有一種淡香，香氣不讓人反感，而且非常持久，使用後兩小時內還可以隱約聞到，實在讓人驚訝。質地方面，淡斑精華呈白色乳液狀，比較水潤，延展性好非常容易推開至全臉，很適合春夏使用。至於冬天，則可能需要再塗一層較滋潤的護膚油或精華霜。 使用時首先徹底清潔面部肌膚，再搽toner，之後塗抹肌底液打底，再塗上淡斑精華，最後是面霜。我是混合性偏油的肌膚，平時水油不平衡，加上在最近炎夏日曬下局部肌膚顯得更加乾燥，肌膚對精華的吸收非常快，十來秒的按摩便把精華吸收得七七八八。肌膚不顯乾燥，滋潤的同時又不顯得油笠，即時效果令人滿意。 試用三日後，肌膚的痘印有稍微改善，雖然不是非常明顯，但是有消淡的跡象，相信長期使用效果會更加顯著，確實令人期待呢！

平時化妝日日都會搽primer，但系眼部肌膚比臉部更加脆弱，你又有冇搽primer呢？我真系冇……真系慚愧~~所以今次試用Urban Decay，真系比我試到新野。最近美容都好興講高科技，UrbanDecay就系其中之一，以太空時代聚合物技術製造，可填補皮膚表面的不平滑瑕疵，配方中嘅Optical blurring pigments更可擴散光線來模糊瑕疵，既可以化妝又可以護膚，唔驚化得多會產生眼紋同乾燥。 今次試用有四種色澤，分別係Original (自然)、Eden (啞色祼妝)、Minor Sin(香檳閃金)與Anti-Aging (潤澤色調)，滿足不同眼妝、色澤同年齡的需要。 首先睇下質地，都算係容易推開，加上塗完之後覺得眼周肌膚更加光滑，之後再上眼妝就話甘易啦！不過用手指好容易搞到d眼睫毛都系晒，係唯一嘅遺憾之處，如果可以配合貨裝嘅塗抹棒，應該會更加方便易用~ 再講色澤，自然色好快同肌膚顏色融為一體，塗完之後又冇皺褶又冇起cake，真系好驚喜！ Eden就好適合眼部肌膚比較薄嘅jm，因為可以好好地遮蓋紅血絲~~ Minor Sin就比較適合張揚嘅妝容，可惜唔岩我，因為我一向都比較低調哈~~~ Anti-aging在Original嘅基礎上增加亮澤度，令雙眼比較有神，反而係我最欣賞嘅一款，也是最適合我嘅一款！ 試用完畢，本來以為哩個牌子又系用gimmick野賣d我地唔明嘅高科技太空概念，不過用過就覺得刮目雙看，因為乜概念都好，就算用太空粒子甘勁嘅材料，到最後都系要睇效果。難怪甘多bloggers積極推薦哩隻眼部底霜，未就系因為真系好好用lor!

無論淡妝抑或濃妝，化妝已經成為每日不可缺少的流程。就算只塗護膚品，皮膚一整天暴露在日曬、電腦輻射與戶外粉塵污染下，徹底卸妝與清潔面部相信是各位愛美JM嘅常識吧！ FANCL的卸妝液熱賣早有耳聞，今次推出MCO納米卸妝液，sell的是以納米速淨因子，"以油溶油"，快捷徹底卸妝，在卸妝的同時保護肌膚，保持水分。 首先睇下質地，倒在手心流動性很好，雖然是卸妝油，但是感覺清爽，不似其他卸妝油一樣濃稠油笠，很適合油脂分泌旺盛的夏天使用。 首先看看粉底的卸妝情況，將FANCL MCO卸妝液塗在塗了粉底的手背，輕輕以打圈形式按摩，粉底很快就溶解並浮在表面，以清水徹底沖洗，粉底被輕鬆沖走，而且清潔的部位比其他位置呈現亮白的光澤，沒有油膩感，肌膚感覺清爽。 再看卸唇膏的情況，厚塗了一層唇膏，再塗上卸妝油，輕輕打圈，唇膏很快就完全溶解並浮在表面，清潔效果很不錯！ 最後是持久防水眼線筆，這是三個產品中最難卸乾淨的一個，雖然持續打圈，但是還有少量眼線殘留在肌膚紋理中。於是我稍為加重力道打圈，大概用了比粉底液和唇膏兩倍的時間才將眼線洗乾淨。不過我用的眼線筆是防水加long lasting，本身要徹底洗乾淨也需要一定時間。 總的來說，我認為今次試用非常滿意。市面上卸妝油和卸妝水品種繁多，有時真的花多眼亂。要選好一支適合自己的卸妝產品，其實對保護肌膚有很重要的作用。今次試用FANCL MCO卸妝油，卸妝後感覺清爽乾淨卻不緊繃，最重要是肌膚經過一天後的污垢徹底say bye bye，望住亮白有光澤的肌膚，試問有邊個女人會唔開心？今次還可以一支搞掂眼唇和面部，貪懶的JM實最中意！

今次試用La Roche-Posay UVidea XL Aqua Fresh Gel SPF50水凝防曬隔離液非常及時，正因夏日來臨，正是在太陽底下活動的好時候。用過許多不同牌子的隔離液，要不太黏膩，要不太厚身，怎樣都覺得有阻臉部肌膚的自由呼吸。 LRP水凝防曬隔離液呈乳白色，質地雖然不薄身，但勝在少量便可覆蓋整張臉，而且推開後迅速被肌膚吸收，不顯厚重，且不令皮膚油笠，使用後再上BB cream還是非常清爽。

夏天來臨，肌膚時而出油，時而乾燥，就算化妝亦不能令人回復神采。這時La Roche-Posay的每日高效BB霜，就像是肌膚救星一樣送上門。這次試用的是La Roche-Posay UVIDEA XL每日高效隔離系列中的BB霜，收到的是01號自然膚色。   BB cream是稍微厚身的乳霜狀，不是十分水潤但是延展性很好，在皮膚上很容易推開且只需少量即可覆蓋全臉。上完妝後的第一感覺就是非常薄透，肌膚零負擔，不油笠但也不緊繃，完全不泛油光。BB霜本身沒有香味或特別的化學氣味，是無添加的感覺；其次，塗上後原本不均的膚色，包括因為肌膚較薄而引起的泛紅，以及由於缺水而引起的暗黃，還有因熬夜而出現的黑眼圈，都馬上變得均勻，散發健康的亮澤。臉上的色斑不算太多，因此我覺得遮瑕度對我來說已經足夠。如需遮瑕，可在瑕疵處再輕印上少許BB霜，效果自然。 再說持久性，最近天氣比較潮濕，因為我習慣淡妝出門，因此沒有眼影暈染的問題，但是T字位有少許出油，所以我用溫泉噴霧稍為補妝便可。令人滿意的是，平時我用foundation或其他品牌的BB霜，在數小時後妝容便會泛黃，瑕疵位亦被打回原形，但是LRP這支BB cream並沒有這個弊病，使用後長時間皮膚保持白皙光澤，真是令人驚喜！ La Roche-Posay每日高效BB霜的試用總體令人滿意，我對LRP的出品更有信心。夏天即將來臨，以後無論系去沙灘、行街、甚至室內活動的防曬工作，就靠曬你啦！

夏天來臨，肌膚時而出油，時而乾燥，就算化妝亦不能令人回復神采。這時La Roche-Posay的每日高效BB霜，就像是肌膚救星一樣送上門。這次試用的是La Roche-Posay UVIDEA XL每日高效隔離系列中的BB霜，收到的是01號自然膚色。   BB cream是稍微厚身的乳霜狀，不是十分水潤但是延展性很好，在皮膚上很容易推開且只需少量即可覆蓋全臉。上完妝後的第一感覺就是非常薄透，肌膚零負擔，不油笠但也不緊繃，完全不泛油光。BB霜本身沒有香味或特別的化學氣味，是無添加的感覺；其次，塗上後原本不均的膚色，包括因為肌膚較薄而引起的泛紅，以及由於缺水而引起的暗黃，還有因熬夜而出現的黑眼圈，都馬上變得均勻，散發健康的亮澤。臉上的色斑不算太多，因此我覺得遮瑕度對我來說已經足夠。如需遮瑕，可在瑕疵處再輕印上少許BB霜，效果自然。 再說持久性，最近天氣比較潮濕，因為我習慣淡妝出門，因此沒有眼影暈染的問題，但是T字位有少許出油，所以我用溫泉噴霧稍為補妝便可。令人滿意的是，平時我用foundation或其他品牌的BB霜，在數小時後妝容便會泛黃，瑕疵位亦被打回原形，但是LRP這支BB cream並沒有這個弊病，使用後長時間皮膚保持白皙光澤，真是令人驚喜！ La Roche-Posay每日高效BB霜的試用總體令人滿意，我對LRP的出品更有信心。夏天即將來臨，以後無論系去沙灘、行街、甚至室內活動的防曬工作，就靠曬你啦！