粒子幼細，淡淡的天然麥香，加水後的粒子會變得較軟，感覺上就像用天然食材護膚一樣，有溫和的去角質效果，用後不會感覺繃緊乾燥。

我皮膚比較容易敏感，不太經常用磨砂，但今次用左呢個燕麥磨砂完全無敏感，而且用完皮膚無覺得好乾，皮膚變得好滑，呢個磨砂係值得回購的

將燕麥粉與水和合後, 會感到手心既糊狀物暖暖的~ 敷上面之後, 會聞到好香既燕麥味~ 香到好想食落肚!! 敷既過程好放鬆!! 一分鐘後, 如果已經有啲乾, 可以加水輕輕按摩~ 燕麥被洗掉後會感到面仔好清爽好乾淨, 同埋好滑溜呀!! XDD 不過要留意返, 如果敷耐左, 潔面後可能會有啲乾, 要搽返多啲保濕產品喇~

我本身係混合性肌膚，夏天T位會常出油。 今次好開心試用ERASE Cleansing Exfoliating and Brightening Powder，因為我之前從未試過粉狀產品，而且唔好以為叫ERASE就要大力用，其實燕麥飄霜既質地係粉狀，粒子幼細，加水後全燕麥粒子會變得很精細，敷上面一分鐘後，我會加少少水打圈按摩，全燕麥粒子在面上無刺激感，觸感輕柔，唔傷皮膚，而且燕麥味清新。 過水後肌膚無繃緊，溫和帶走污垢，觸感清爽幼滑，我覺得好適合夏天使用，潮濕天氣要時刻令肌膚清爽無壓力。 每星期建議使用兩次，以達致最佳效果！

今次試用呢個燕麥飄霜成份天然, 一上面已經聞到好天然舒服既燕麥味。只需輕敷一陣就可以溫和去角質, 就算乾肌都可以放心使用。做完之後感覺皮膚滑左細緻左, 膚色都白左少少, 搽之後既SKIN CARE都吸收得快左。

LUE by Jean Seo ERASE是一個清潔/去角質的粉末，仲可以讓肌膚增加亮澤。 主要成份是精磨燕麥(Avena Sativa Kernel Flour)，無脂奶粉 (Nonfat Dry Milk)，和一丁點碳酸鎂 (Magnesium Carbonate)。 能為肌膚平衡完美的pH值、清除暗啞、減淡細紋, 令皮膚光滑平滑， 就好似BB一樣咁柔軟咁滑。

燕麥飄霜燕麥味很香， 粉質幼細， 用後鼻哥嘅黑頭 粉刺消失， 面部不乾，面部 柔軟滑溜。

燕麥飄霜好香燕麥味，粉質又幼細，用後鼻子黑頭粉刺清除，面部清洗後，不會太乾，感覺面部好柔軟及滑溜。

通常我去親化妝品專櫃買嘢，啲 BA 都唔建議我用磨砂，因為佢哋話我皮膚易敏感就唔好用磨砂喎！ 有啲 BA 講嘅又係另一個相反。話我適合用磨砂唔好用 peeling。 自此之後，我決定信自己。 So far，唔同牌子嘅磨砂同 peeling 我都試唔少，得出嘅結論係兩隻都可以用，冇話絕對用得定唔用得。邊隻用完冇紅冇腫冇痛又有效果，就係適合自己用嘅產品。 最近試咗隻話係成份天然嘅木瓜酵素 peeling 粉，可惜用完冇效果得嚟，用完塊面仲勁乾！乾到我即刻敷保濕面膜都唔掂！ 其實，我一直都用緊 Kate Somerville 嘅磨砂。我唯一想搵另一隻產品代替佢嘅原因，其實係因為自己成日會將啲護膚品﹑洗面膏﹑洗頭水...... 入眼；係緊閉雙眼都會入眼咁神奇㗎！始終磨砂粒子細，入咗眼如果處理得唔好，真係可大可小！就係因為咁，所以我先諗住轉用其他產品。 今次試用嘅 LUÉ by Jean Seo-ERASE Cleansing Exfoliating and Brightening Powder (燕麥飄霜) ，淨係睇姓 Seo 就知係韓國人啦！上網睇吓資料，原來 Jean 係美籍韓裔嘅女士 (係，我直覺以為係男人 XD)。佢嘅創業故事都係幾典型嘅 American Dream︰同班朋友坐喺 food court 談論各自的理想，而各人亦在若干年後取得成功。 想當年，food court 我都坐唔少，但明顯我都只係 focus 咗喺啲嘢食度，講得最多嘅就係笑話 XD Anyways，Jean 嘅美容品牌 évolué，係連 Emma Watson 都有用的！雖然咁樣唔代表啲乜嘢，但就令我好好奇， 喺芸芸咁多大品牌之中，究竟 évolué 有啲咩嘢過人之處，可以吸引到 Emma Watson 嘅注意呢？ 點講都冇用，自己試用就最實際。 首先睇吓產品成份先： 1) non-fat milk powder 2) finely milled whole grain oats 3) magnesium carbonate Magnesium carbonate 就喺好多藥品，甚至乎天然食品入面都會有嘅 (粉狀嘅嘢通常都有，留意吓) ，所以都安全嘅。而呢支燕麥飄霜強調佢哋都係落咗少少啫~ 用法： 1) 洗乾淨塊面 2) 比例 2:1 開咗啲粉佢：2 tablespoon 就加 1 tablespoon 嘅水 (2 tablespoon 對我嚟講就多咗啲) 3) 搽上面等 1 分鐘 4) 打圈捽跟住就可以沖水 對我呢啲零耐性嘅人嚟講，1 分鐘呢點要加佢 10 分！ 用後感： 1) 用完塊面唔乾喎！ 2) 入咗眼都唔乸眼 3) 黑頭粉刺 out，鼻頭好乾淨呀！ 4) 有效去角質但又完全唔刺激皮膚 5) 望落塊面膚色較均勻同冇咁油 6) 摸落都好滑呀塊面~ 7) 聞落就係燕麥味，好似食咗碗燕麥早餐咁健康 XD 8) 真係可以日日用都唔傷皮膚 開頭覺得淨係奶同燕麥可以做到啲咩出樣？用完又估唔到個效果可以咁好！ 即係你話你自己屋企都有奶同燕麥啦，DIY 咪得咯！我見佢嗰套 3-step set (有呢支燕麥飄霜，一支 serum 同一支 spot control) 都係賣 $35 美金，仲 ship worldwide，我就寧願快快趣搞掂啲美容事，花多啲精神時間出去玩好過啦！ 總語就係，呢支燕麥飄霜真係做到平靚正之餘，亦係你可以用得安心嘅產品。我正式宣佈，你可以取代 Kate Somerville 支磨砂嘅位置啦！