Charissa Tsoi

今次我第一次試用b.glen既QuSome Moisture Gel Gream，一推開就好水潤，按兩下就已經比皮膚完全吸收，一啲都唔笠，而且冇香味，啱晒鼻敏感人士或好似我呢啲鐘意冇味護膚品既sis，加上用完摸落好滑～原來入面有獨家研發既Aqua Tide、Arisuchin等四種美容複合成分的水和絡合物「QuSome® Hydration Complex」可滲透至角質層深處，擺脫乾燥肌膚，同埋補足肌膚裡所不足的水分，並使因缺水而硬化的肌膚恢復絲滑水潤的如初狀態。

今次我第一次用b.glen既C serum，一睇，原來入面有7.5%既維他命c！一吱上手就暖暖地既感覺，真係好堅！按幾下已經比皮膚完全吸收，佢唔單只可以温和去除表面粗糙同角質，仲會緊實粗大毛孔，早晚用都可以架，不過朝早用記得要搽防曬呀！

今次我第一次試用b.glen既QuSome Lotion，一倒上手就知佢唔係啲好濃厚既lotion，聞落仲有淡淡既神仙水味道，好舒服！建議係洗面後，倒適量既lotion係手，再用手搽上面，按摩到完全吸收，可以用無名指按摩下眼、口、鼻，呢啲比較乾既地方！用後好似有個保護網咁保護住個面仔，全日保濕，好滋潤架！原來當中包有超微小的複合因子「QuSome® Activated Complex」，去包覆著嚴選的美容成分直達角質層深處并持續發揮抗衰老和重塑肌理的作用，令肌膚滋養柔和恢復緊緻彈性，還可使後續使用的精華液及水凝霜的效果更為顯著。所以呢個lotion好啱日日係冷氣房既我地用架，相信都好啱冬天用～

今次第一次試用b.glen礦泥潔面乳，顏色灰灰地，完全冇味，鼻敏感都唔使怕！佢唔似一般洗面乳咁多泡泡，每次只係少少泡，原來咁樣會使礦物禮吸附住臉部既污垢同皮脂！我每次用都會係面度按摩30秒，令佢可以幫我清除老化角質層、黑頭同多餘既皮脂。洗完之後完全唔會繃緊，反而仲補充左肌膚既水份，温和不刺激，而且摸落塊面仲滑左，仲幫我清理左個士多啤梨鼻添，適合唔同肌膚既人使用，特別係油性同敏感肌！

SKII既產品一向以滋潤而清爽同緊緻為主，今次最新出既眼霜都唔例外，質地滋潤得黎又唔笠，好易比皮吸收，完全唔會有「油眼」既問題，只要輕輕用無名指將眼霜按到眼周位置就可以，好快就會吸收晒，仲好清爽，用左幾日後眼部輪廓都更緊緻，而眼周既細紋都開始減淡，亦有一種飲飽水既感覺，完全唔乾，令雙眼睇落更大更有神～ 相信配合神仙水持續使用會將全面，包括眼周既位置凍齡，甚或可以睇落更年輕添～ 想眼霜滋潤得黎又清爽，仲可以減齡既話，就要試下SKII R.N.A. Power Eye Cream Radical New Age啦～

眼睫毛不但可以省卻左化妝既時間，而且素顏既時候睇落對眼仲大好多添～ 我之前都試過增長睫毛既產品，都係第一次試呢個品牌 - RevitaLash～呢隻激活美睫增生精華只要每晚訓前每邊睫毛既根部塗上一筆就得架啦，用法好簡單方便，短短用左幾日，睫毛已經有所增長，仲比之前濃密，雙眼睇落都比較精神，而且甩睫毛既情況亦有所改善，明顯睫毛比之前健康同強韌～

先前都有用過噴霧類既產品，但效果一般，好處只係方便同對得住價錢，今日再試用一啲噴霧類，希望可以對呢類型既產品改觀～ Geheimnis呢個牌子我都係第一次接觸，單單睇今次試用產品 - 鑽石拉提噴霧既價錢 - $1280/120ml，相信都係屬於貴婦品牌～包裝就十分有貴氣～ 用法方面，只要洗面爽膚後噴到面上及耳背，靜待吸收，然後再塗上面霜就可以，十分簡單方便，而且效果幾好，毛孔得到即時收細、皮膚變得水潤亮白，用左幾日都發現細紋減淡左，皮膚firm左，而且黑眼圈都得以改善，同時眼袋亦收細，唔使做facial都做到呢啲效果，真係好滿意、好意外！所以話～好多野都係貴得有原因既！

我相信"幾多歲開始正確既護膚，肌膚就會停留係幾多歲"呢句說話，所以我會比肌膚最好既呵護～ 今次試用PITERA體驗套裝更加令我對個句說話更深信無疑，短短用左幾日，肌膚不但比之前更細緻緊滑，䁨落仲比之前精神左添，今次我真真正正體會到SKII改寫肌膚命運既奇蹟！ Step 1會係淨肌護膚潔面乳，先將面整濕再擠適量潔面乳到掌心搓至起泡，然後再輕輕按摩面同頸就可以架啦，所起既泡泡好細滑，用後完全唔會繃緊，而且面上既污垢一洗就清除，感覺又保濕又洗得乾淨～ Step 2就係用護膚精華，即係好出名既神仙水，佢係透明既水狀液體，而且帶有一種自然既酵母味道，聞落好舒服好天然！加上獨特配方，可以溫和地清除老化角質，並幫助調節肌膚更新週期，從而改變肌膚，令肌膚晶瑩剔透！而且用途多多，我通常都會咁用： 1.洗完面，用完化妝水，我會配合化妝棉或者直接將神仙水輕輕拍上塊面，直至吸收。然後神仙水就會發揮作用，令你之後搽既護膚品更吸收！ 2.面膜前後使用，敷面膜前輕輕拍啲神仙水上面可以令皮膚更易吸收之後既面膜精華，而敷完面膜都可以拍神仙水上面，都可以令皮膚更易吸收剩底既面膜精華架，同時都會令之後搽既護膚品更易吸收！ 3.可以用化妝棉將神仙水濕敷上面，令肌膚更彈滑透白！暗倉印仲會快啲退添！ 最後就係step 3，用R.N.A.立體緊緻精華霜去完結護膚程序，佢既質感好柔滑，有淡淡既香味，由於好易推開既關係，每次只係用好少就已經搽晒成塊面，仲好快吸收晒，潤得黎又唔笠。用後皮膚會有光澤，改善左暗啞既問題，成個人睇落精神左！只係用左短短幾日配合按摩，細紋幼紋慢慢減淡，同時覺得塊面firm左冇咁腫！ 總括而言，呢套PITERA體驗套裝係每日護膚不可缺少既一部分，好好用！

Skinfood既產品睇字面解釋就係比皮膚既食物，當中都係含一啲比較天然既草木或者生果，加上價錢比較大眾化，所以俾我既印象都係比較唔錯既韓國品牌～ Skinfood柚子水份C亮白保濕精華既質地輕盈，乳白色既精華液好易推開，一推開就散發住陣陣既柚子香，感覺好清新，而且好快被皮膚吸收，一啲都唔笠，用後皮膚會好似飲飽水咁水潤白滑，短短一小包我就用左兩日左右，感覺上有少少少少少變白～只要係潔面爽膚之後用，加上掌心既熱度去為皮膚按摩，皮膚就會食到亮白保濕既柚子精華，好簡單易用！

唔係得頸部同皺紋先會出賣到年齡既秘密，手部都會，所以我地都要好好護理雙手～ Crabtree & Evelyn既hand therapy一向出名，今次終於可以一試，果然冇令我失望！Gardeners既質感係白色膏狀，輕輕推開就會聞到好大陣香味，再按摩一下，雙手就會得以滋潤，清爽不黏笠，仲好快吸收晒添！而且雙手會即時變得嫩滑，香味持久，但鼻敏感既sis就要注意香味方面既問題！其實只要係洗手後同沐浴後用，雙手就會keep住幼滑細嫩，仲會減少倒刺添，經常係冷氣地方同又想塗又怕笠既朋友一定要試下呀！

維他命C既水果、營養補充品就食得多啦！用係面度你又試過未呢？唔係普遍維他命C喎，而係最適合我地皮膚吸收既『左旋維他命C』~ Obagi既15%左旋維他命C精華素質地水狀易推開聞落好清新，好似生果既味道，只要潔面爽膚後將5-7滴精華素滴於掌手然後推開，雖然呢個時候睇落油笠笠咁，但當你輕輕按上面後就會發現好易吸收，完全冇油笠笠既，只有清爽無油光既感覺，肌膚亦變得通透亮澤、水潤白滑！日間用後記得要塗上防曬，晚間亦可使用吖~ 而佢同系列仲有一隻20%左旋維他命C精華素就濃度較就，比較適合夜晚使用，效果也不錯呀~當然配合使用為佳~

我地既年齡秘密除左可以係面部、眼部、頸部睇到出黎，原來亦可以係我地好容易忽略既位置睇到出黎 - 手部！ 我地兩手每日都做住唔同既工作，例如洗手、洗碗、打字等等，加上每日都長期係冷氣地方，令兩手變得又鞋又乾，甚至會令手紋變深或變多，所以我地要好好護理嬌嫩既手部，先可以令人唔會估到，甚至高估左我地既年齡！ 澳洲著名天然有機品牌Perfect Potion呢支Pure Rose Hand Cream就好啱想滋潤雙手但又怕笠既我啦！呢枝hand cream係白色膏狀既，份量唔需要多就已經夠塗晒兩隻手，一支其實都好抵用！輕輕按摩一下雙手就已經吸收得七七八八，一邊按摩就會有淡淡既香味，令人好放鬆，又唔會過香令人都望晒過黎~有時真係幾尷尬既~用後再仔細睇睇，發現手部有極少極少閃粉，要仔細睇先睇到，可以有輕微令手部睇落更嬌嫩既效果，又唔會好誇張，我好鐘意！再加上用後手部會即時變得更細嫩，又唔會油笠笠影響工作，長期用更可以令手部keep住年輕，所以我洗手後、休息時同睡前都會用架！你都快啲試下！

老化角質層既積聚、角質層過厚都會令皮膚睇落暗啞無光、粗糙枯黃、塗幾多幾好既護膚品都吸收唔到，但過份去角質層，令角質層過薄就會令皮膚欠去保護能力，甚至會變成敏感肌~所以定期同適當咁去角質層係好重要架~ Kate Somerville既速效柔亮更新面膜一直受不少荷里活巨星愛戴，而且聽聞效果十分顯著添~呢隻面膜係深綠色，入面有好多好似砂糖既磨砂粒粒，而隻味好香，聞住好舒服~每星期用一次就夠架啦~我就會洗面之後襯塊面仲係濕濕地既時候，加上 Kate Somerville既速效柔亮更新面膜係面上按摩30秒，記得份量唔需要多同要輕輕按摩並要避開眼周，如果按到乾可以再加少少水，之後就敷2分鐘，敏感肌可敷1分鐘，然後洗乾淨再完成護膚程序就可以架啦！ 用後皮膚唔會好繃緊，但亦唔會有好水潤既感覺，感覺啱啱好，加上肌膚立即變得細緻有光澤，趕走枯黃暗啞，感覺上之後塗既護膚品仲吸收左添~仲有啲白頭、黑頭都浮晒上黎，可以順便清潔埋~真係好正呀！但切記唔可以貪心，一星期用一次就夠架啦！

所謂預防勝於治療，色斑都係應該好好預防，好過出左先黎後悔～ 老實講我對Filorga呢個品牌冇咩認識，但今次試用佢既美肌亮彩精華，我對呢個品牌留下唔錯既印象～呢隻精華既質地比較水潤，好易推開又唔笠，只要用好小量就夠塗晒全面，所以兩小包試用裝我都用左四五日呀～用落仲有淡淡既香味，令人好relax～ 用後肌膚睇落白左，比之前更有光澤，而且感覺上膚色不均既問題都有所改善～相信長期使用，會有唔錯既效果，就能預防色斑既產生，當然平時既防曬功夫要做到足啦～仲可以有提亮同均勻膚色既效果，令肌膚透白無瑕！

眼妝可謂妝容裏最重要既部分，好既眼妝往往就能令人留下深刻既第一印象～可惜眼周肌膚卻會出汗出油，令眼妝唔持久，last得唔耐不突止，仲會熔晒，影響晒成個妝，就算其他parts化得幾好都冇用啦~ 所以就有眼影底霜既出現，係化眼妝前塗薄薄一層，可以用手指輕輕印開或者用化妝掃blend開，然後再塗眼影、畫眼線，眼妝就可以全日防水防汗，唔會溶之餘，眼妝仲可以大大提高持久度同顯色度，就算眼周出油出汗都唔怕會影響妝容同形象啦~而我今次就試用左Urban Decay既眼影底霜，一共有四款，就住唔同既需要可以用唔同既底霜~要注意既就係 - 佢地都係比較快乾，所以用既時候要快手快腳同記得好好控制份量呀~ 1. Original 較接近膚色，較適合不同膚色既人使用，blend開後接近無色，但感覺上比較乾，控油效果明顯不錯，適合眼周比較油既人人使用~ 2. Eden Blend開後比較白，遮瑕度明顯比較好，但感覺上比較乾，同original差不多，控油效果不錯，比較適合眼周較油又比較白既人用~用上眼影後，眼影最為顯色~ 3. Minor sin 為帶閃粉既香檳色，就咁當做眼影用都亮麗奪目，用上眼影後，眼影為第二顯色~ 4. Anti-aging 比較保濕既底霜，並帶有閃粉，用上眼影後，眼妝睇落比較柔和，係我最鐘意既一款~ 由於用左眼影底霜之後，眼妝都會變得防水防油，全日都持久不脫色，效果十分理想！！！（而且價錢合理～物超所值～）仲有就係卸妝既時候都可能要花較多時間處理或者用較高效既卸妝產品~切記要輕柔啲處理細嫩既眼周肌膚呀~

卸妝必要卸得徹底，肌膚就可以免受殘餘彩妝產品既侵害，更能大大提升續後護膚品既功效，令護膚品吸收得更好，亦能減少化妝品對肌膚的負面影響，長遠黎講，一支好既卸妝產品可以令肌膚保持細嫩白滑、水潤年輕。 Fancl MCO納米卸妝液為一支油性卸妝液，佢可以減卻左卸妝水、化妝棉同肌膚之間既磨擦、拉扯，只需乾手乾面用卸妝油輕輕按摩肌膚就可以簡單徹底地卸除『妝備』(防水產品亦可輕易卸除，但可能需要按摩耐少少)，然後再加水乳化、洗淨便可，簡單方便快捷，用後肌膚回復嫩滑年輕，完全不會拉扯細嫩的肌膚，更能藉此補濕，肌膚用後完全冇繃緊既感覺，難怪佢一直係Fancl既皇牌產品～ 小貼士～只要用卸妝油後再用潔面產品，就可以免卻大家對卸妝油既憂慮－油性產品而令肌膚生粉刺、暗倉等問題～

一年365日都要用到防曬，所以揀一隻適合自己又夾到天氣既防曬係好重要架～依家有唔少BB cream都有埋防曬，所以護膚後只需一個step就可以做齊防曬、修護同遮瑕，當中都省卻左好多個steps架～ La Roche-Posay係法國有名既品牌，連敏感肌都啱用架～佢既每日高效BB乳霜（SPF50 PPD34 PA++++）可以全面防卸UVA同UVB，質地水潤，容易推開，用後好似有一層保護膜咁包住細嫩既肌膚，感覺上比較rich，適合係冷氣房既OL或者要出入冷氣地方既sis～今次試既係01色 - 亮白，雖然我既肌膚比較白，但用後仍有提亮、遮瑕等既效果，遮瑕效果相比其他bb cream黎講算唔錯，睇落比較自然，容易打造無瑕粉嫩肌～ 至於用法，就係完成護膚程序後使用，用後可再加碎粉或者其他化妝steps，簡單一個step就可以防曬、防護UVA同UVB、打造無瑕底妝，可以防止曬黑，更有效抵抗肌膚因被曬而老化，所以記得每日化妝之餘都要做好防曬功夫啦～

一年365日都要用到防曬，所以揀一隻適合自己又夾到天氣既防曬係好重要架～ La Roche-Posay係法國有名既品牌，連敏感肌都啱用架～佢既水凝防曬隔離液（SPF50 PA++++）可以全面防卸UVA同UVB，質地水潤輕盈，容易推開，用後肌膚清爽冇負擔，完全唔黏笠，可能係水包油劑型既關係，用後肌膚睇落有少少提亮既效果，暗啞感不再～ 至於用法，作為防曬就係完成護膚程序後使用，而作為隔離霜就係妝前使用，簡單一個step就可以防曬、防護UVA同UVB，除左可以防止曬黑，更有效抵抗肌膚因被曬而老化，所以記得每日都要用防曬啦～

由於我面頰比較敏感，所以我首選一啲天然既面膜，以減少因敏感引起既不適同尷尬～ Synergie Skin MasquErase 幹細胞激生面膜就係專為敏感肌既sis而設既，佢係cream mask既一種，亦可以當sleeping mask，質地比較rich，但都易推開，塗上面之後好似有塊薄膜包住塊面咁，而且好香甜，有一種可可味（唔知係唔係我太肚餓既關係呢～），一星期用1-2次左右～ 簡單講下我平時既用法先： 1.當cream mask用 洗面爽膚後塗上精華，再厚塗一層，敷30分鐘至8個鐘之後就用化妝棉抹左佢或者洗面，再塗上面霜 2.當sleeping mask用 洗面爽膚後塗上精華，再薄敷一層，然後就可以訓教，第二日起身就洗乾淨 3.做cream mask同sleeping mask 洗面爽膚後塗上精華，再厚敷30分鐘至8個鐘，再用化妝棉輕輕印下塊面，留返薄薄一層，然後就訓教，第二日起身用水洗乾淨～ 用後肌膚會變得潤澤白滑，皮膚好似有層無形既薄膜包住，感覺到皮膚真係水潤有彈性，敏感既地方會有所舒緩，減少紅腫同發炎，所以肌膚睇落會白左！持續使用，細紋幼紋會有所減淡，令肌膚回復年輕細緻，真正做到抗氧化～

肌膚唔穩定總令人好煩惱，選擇護膚品既時候都有令人無所適從既感覺，春夏季本應用比較清爽既護膚品，但肌膚不穩既關係，肌膚會突然出現泛紅、乾燥等既狀況，所以就需要再預備舒緩泛紅、乾燥肌膚既護膚品！ Peter Thomas Roth既青瓜舒緩保濕面膜就可以做到舒緩紅腫、深層保濕，令肌膚回復到最佳既狀態，而且性質好温和，各種肌膚都啱用，而且可以當eye mask用，完全唔會刺激眼周肌膚架~質地為gel狀，塗上面既感覺好冰涼，而且好易推開，皮膚亦易於吸收，完全冇好笠好焗既感覺，好啱春夏天用~ 我鐘意將Peter Thomas Roth青瓜舒緩保濕面膜厚敷，敷埋眼周既位置，一星期厚敷2-3次就已經足夠~首先潔面爽膚並塗上精華打底，然後將gel mask均勻地厚塗於面上，包括眼下既位置，再靜待十分鐘，然後可以先刮走多餘既面膜再用冷水洗乾淨，或者可以直接用冷水洗乾淨，最後就係完成餘下既護膚程序~用後會發現肌膚既泛紅情況有所改善，變得更亮白彈滑，皮膚乾燥甩皮既情況亦有明顯既改善，而且眼部既浮腫情況有所改善，令成個人睇落更精神，上妝更貼服自然~ 另外，將Peter Thomas Roth青瓜舒緩保濕面膜於晚上完成護膚程序後薄敷，可當作睡眠面膜，令肌膚成晚都keep住保濕鎮靜，翌日既妝容都會更貼服自然，肌膚都會更柔軟亮澤~ Peter Thomas Roth青瓜舒緩保濕面膜真係一個多用途既面膜，曬後或激光美容後使用更可以舒緩肌膚、消除紅腫同鎮靜肌膚添~十個讚！！