Charissa Tsoi

老化角質層既積聚、角質層過厚都會令皮膚睇落暗啞無光、粗糙枯黃、塗幾多幾好既護膚品都吸收唔到，但過份去角質層，令角質層過薄就會令皮膚欠去保護能力，甚至會變成敏感肌~所以定期同適當咁去角質層係好重要架~ Kate Somerville既速效柔亮更新面膜一直受不少荷里活巨星愛戴，而且聽聞效果十分顯著添~呢隻面膜係深綠色，入面有好多好似砂糖既磨砂粒粒，而隻味好香，聞住好舒服~每星期用一次就夠架啦~我就會洗面之後襯塊面仲係濕濕地既時候，加上 Kate Somerville既速效柔亮更新面膜係面上按摩30秒，記得份量唔需要多同要輕輕按摩並要避開眼周，如果按到乾可以再加少少水，之後就敷2分鐘，敏感肌可敷1分鐘，然後洗乾淨再完成護膚程序就可以架啦！ 用後皮膚唔會好繃緊，但亦唔會有好水潤既感覺，感覺啱啱好，加上肌膚立即變得細緻有光澤，趕走枯黃暗啞，感覺上之後塗既護膚品仲吸收左添~仲有啲白頭、黑頭都浮晒上黎，可以順便清潔埋~真係好正呀！但切記唔可以貪心，一星期用一次就夠架啦！

所謂預防勝於治療，色斑都係應該好好預防，好過出左先黎後悔～ 老實講我對Filorga呢個品牌冇咩認識，但今次試用佢既美肌亮彩精華，我對呢個品牌留下唔錯既印象～呢隻精華既質地比較水潤，好易推開又唔笠，只要用好小量就夠塗晒全面，所以兩小包試用裝我都用左四五日呀～用落仲有淡淡既香味，令人好relax～ 用後肌膚睇落白左，比之前更有光澤，而且感覺上膚色不均既問題都有所改善～相信長期使用，會有唔錯既效果，就能預防色斑既產生，當然平時既防曬功夫要做到足啦～仲可以有提亮同均勻膚色既效果，令肌膚透白無瑕！

眼妝可謂妝容裏最重要既部分，好既眼妝往往就能令人留下深刻既第一印象～可惜眼周肌膚卻會出汗出油，令眼妝唔持久，last得唔耐不突止，仲會熔晒，影響晒成個妝，就算其他parts化得幾好都冇用啦~ 所以就有眼影底霜既出現，係化眼妝前塗薄薄一層，可以用手指輕輕印開或者用化妝掃blend開，然後再塗眼影、畫眼線，眼妝就可以全日防水防汗，唔會溶之餘，眼妝仲可以大大提高持久度同顯色度，就算眼周出油出汗都唔怕會影響妝容同形象啦~而我今次就試用左Urban Decay既眼影底霜，一共有四款，就住唔同既需要可以用唔同既底霜~要注意既就係 - 佢地都係比較快乾，所以用既時候要快手快腳同記得好好控制份量呀~ 1. Original 較接近膚色，較適合不同膚色既人使用，blend開後接近無色，但感覺上比較乾，控油效果明顯不錯，適合眼周比較油既人人使用~ 2. Eden Blend開後比較白，遮瑕度明顯比較好，但感覺上比較乾，同original差不多，控油效果不錯，比較適合眼周較油又比較白既人用~用上眼影後，眼影最為顯色~ 3. Minor sin 為帶閃粉既香檳色，就咁當做眼影用都亮麗奪目，用上眼影後，眼影為第二顯色~ 4. Anti-aging 比較保濕既底霜，並帶有閃粉，用上眼影後，眼妝睇落比較柔和，係我最鐘意既一款~ 由於用左眼影底霜之後，眼妝都會變得防水防油，全日都持久不脫色，效果十分理想！！！（而且價錢合理～物超所值～）仲有就係卸妝既時候都可能要花較多時間處理或者用較高效既卸妝產品~切記要輕柔啲處理細嫩既眼周肌膚呀~

卸妝必要卸得徹底，肌膚就可以免受殘餘彩妝產品既侵害，更能大大提升續後護膚品既功效，令護膚品吸收得更好，亦能減少化妝品對肌膚的負面影響，長遠黎講，一支好既卸妝產品可以令肌膚保持細嫩白滑、水潤年輕。 Fancl MCO納米卸妝液為一支油性卸妝液，佢可以減卻左卸妝水、化妝棉同肌膚之間既磨擦、拉扯，只需乾手乾面用卸妝油輕輕按摩肌膚就可以簡單徹底地卸除『妝備』(防水產品亦可輕易卸除，但可能需要按摩耐少少)，然後再加水乳化、洗淨便可，簡單方便快捷，用後肌膚回復嫩滑年輕，完全不會拉扯細嫩的肌膚，更能藉此補濕，肌膚用後完全冇繃緊既感覺，難怪佢一直係Fancl既皇牌產品～ 小貼士～只要用卸妝油後再用潔面產品，就可以免卻大家對卸妝油既憂慮－油性產品而令肌膚生粉刺、暗倉等問題～

一年365日都要用到防曬，所以揀一隻適合自己又夾到天氣既防曬係好重要架～依家有唔少BB cream都有埋防曬，所以護膚後只需一個step就可以做齊防曬、修護同遮瑕，當中都省卻左好多個steps架～ La Roche-Posay係法國有名既品牌，連敏感肌都啱用架～佢既每日高效BB乳霜（SPF50 PPD34 PA++++）可以全面防卸UVA同UVB，質地水潤，容易推開，用後好似有一層保護膜咁包住細嫩既肌膚，感覺上比較rich，適合係冷氣房既OL或者要出入冷氣地方既sis～今次試既係01色 - 亮白，雖然我既肌膚比較白，但用後仍有提亮、遮瑕等既效果，遮瑕效果相比其他bb cream黎講算唔錯，睇落比較自然，容易打造無瑕粉嫩肌～ 至於用法，就係完成護膚程序後使用，用後可再加碎粉或者其他化妝steps，簡單一個step就可以防曬、防護UVA同UVB、打造無瑕底妝，可以防止曬黑，更有效抵抗肌膚因被曬而老化，所以記得每日化妝之餘都要做好防曬功夫啦～

一年365日都要用到防曬，所以揀一隻適合自己又夾到天氣既防曬係好重要架～ La Roche-Posay係法國有名既品牌，連敏感肌都啱用架～佢既水凝防曬隔離液（SPF50 PA++++）可以全面防卸UVA同UVB，質地水潤輕盈，容易推開，用後肌膚清爽冇負擔，完全唔黏笠，可能係水包油劑型既關係，用後肌膚睇落有少少提亮既效果，暗啞感不再～ 至於用法，作為防曬就係完成護膚程序後使用，而作為隔離霜就係妝前使用，簡單一個step就可以防曬、防護UVA同UVB，除左可以防止曬黑，更有效抵抗肌膚因被曬而老化，所以記得每日都要用防曬啦～

由於我面頰比較敏感，所以我首選一啲天然既面膜，以減少因敏感引起既不適同尷尬～ Synergie Skin MasquErase 幹細胞激生面膜就係專為敏感肌既sis而設既，佢係cream mask既一種，亦可以當sleeping mask，質地比較rich，但都易推開，塗上面之後好似有塊薄膜包住塊面咁，而且好香甜，有一種可可味（唔知係唔係我太肚餓既關係呢～），一星期用1-2次左右～ 簡單講下我平時既用法先： 1.當cream mask用 洗面爽膚後塗上精華，再厚塗一層，敷30分鐘至8個鐘之後就用化妝棉抹左佢或者洗面，再塗上面霜 2.當sleeping mask用 洗面爽膚後塗上精華，再薄敷一層，然後就可以訓教，第二日起身就洗乾淨 3.做cream mask同sleeping mask 洗面爽膚後塗上精華，再厚敷30分鐘至8個鐘，再用化妝棉輕輕印下塊面，留返薄薄一層，然後就訓教，第二日起身用水洗乾淨～ 用後肌膚會變得潤澤白滑，皮膚好似有層無形既薄膜包住，感覺到皮膚真係水潤有彈性，敏感既地方會有所舒緩，減少紅腫同發炎，所以肌膚睇落會白左！持續使用，細紋幼紋會有所減淡，令肌膚回復年輕細緻，真正做到抗氧化～

肌膚唔穩定總令人好煩惱，選擇護膚品既時候都有令人無所適從既感覺，春夏季本應用比較清爽既護膚品，但肌膚不穩既關係，肌膚會突然出現泛紅、乾燥等既狀況，所以就需要再預備舒緩泛紅、乾燥肌膚既護膚品！ Peter Thomas Roth既青瓜舒緩保濕面膜就可以做到舒緩紅腫、深層保濕，令肌膚回復到最佳既狀態，而且性質好温和，各種肌膚都啱用，而且可以當eye mask用，完全唔會刺激眼周肌膚架~質地為gel狀，塗上面既感覺好冰涼，而且好易推開，皮膚亦易於吸收，完全冇好笠好焗既感覺，好啱春夏天用~ 我鐘意將Peter Thomas Roth青瓜舒緩保濕面膜厚敷，敷埋眼周既位置，一星期厚敷2-3次就已經足夠~首先潔面爽膚並塗上精華打底，然後將gel mask均勻地厚塗於面上，包括眼下既位置，再靜待十分鐘，然後可以先刮走多餘既面膜再用冷水洗乾淨，或者可以直接用冷水洗乾淨，最後就係完成餘下既護膚程序~用後會發現肌膚既泛紅情況有所改善，變得更亮白彈滑，皮膚乾燥甩皮既情況亦有明顯既改善，而且眼部既浮腫情況有所改善，令成個人睇落更精神，上妝更貼服自然~ 另外，將Peter Thomas Roth青瓜舒緩保濕面膜於晚上完成護膚程序後薄敷，可當作睡眠面膜，令肌膚成晚都keep住保濕鎮靜，翌日既妝容都會更貼服自然，肌膚都會更柔軟亮澤~ Peter Thomas Roth青瓜舒緩保濕面膜真係一個多用途既面膜，曬後或激光美容後使用更可以舒緩肌膚、消除紅腫同鎮靜肌膚添~十個讚！！

都市既女性就好似有三頭六臂咁，每日係職場上已經身經百戰，返到屋企更要處理家頭細務、相夫教子，仲有一項重要任務－護膚！揀護膚品、化妝品既時間更加要花時間了解佢地既成份，較少化學成分、甚至全天然為佳，又要做下功課睇下人地既comment，更重要既係格價！但一日得２４小時，點做得切咁多野呢？特別每日都好忙好攰，有時見到要搽咁多枝護膚品先訓得，真係想有一枝護膚品可以代替咁多個steps，可以一take過！ Fracora既胎盤素全效面霜就係一個唔錯既選擇啦~一枝代替左化妝水、精華液、保濕液、保濕霜、保濕面膜同隔離霜！即係日頭洗完面就可以塗呢隻面霜，再塗防曬就完成基本既護膚步驟啦~而夜晚洗面後再塗上呢隻面霜就可以訓架啦，超級方便！佢既質地係gel狀，既易推開又易吸收，感覺十分透薄自在，一啲都唔笠，早晚塗都啱，而且夜晚塗厚少少仲可以當埋sleeping mask，翌日肌膚即時水潤飽滿、細緻彈滑，仲會firm左添~真真正正係一枝全效既面霜~

角質層既積聚不單單會阻礙護膚品既吸收，仲會令肌膚睇落粗糙、暗啞無光，所以定期去角質層係好重要架，NeoStrata既Gel Plus可能係一個唔錯既選擇~ 一打開支Gel Plus已經聞到少少酸味，倒出黎發現佢既質地原來比較水，摸落好滑溜，每次用既分量唔多，一支10ml既sample已經可以用到2-3次，一星期用1-2次，所以真係好抵用~ 潔面後，先用附送既頭巾整理好頭髮，再將適量既Gel Plus倒係杯仔度，用附送既面膜掃將Gel Plus掃上面，塗近鼻既時候會聞到一陣酒精味，仲會有少少刺痛既感覺，等15mins就可以用水洗左佢再做返平時既護膚程序就可以啦~用法簡單，同一般水洗式面膜相約~ 用後皮膚既時變得亮白有光澤，摸落更柔軟更平滑，細紋亦有所減淡~可惜用一兩次未見黑頭粉刺問題有改善，仲生左幾粒小暗倉添~相信要再用多一排先知可唔可以改善到黑頭粉刺既問題~

Caudaile既皇后水就聽得多啦，唔知其他產品既效果又如何呢？ 今次好榮幸可以試到caudaile既葡萄蔓極緻完美精華~佢質地比較稀，只需少量就可以搽晒成塊面，十分容易推開，而且皮膚亦好快就吸收晒，一年四季都適用，完全唔會增加皮膚既負荷，用後唔黏笠~陣味仲好香好清新，令人有煥然一新既感覺，好舒服好正~ 用左短短幾日，皮膚就變得亮白有光澤，臉上既暗倉印亦隨之而減淡，相信呢隻精華對淡斑都有一定既幫助~加上佢可以做到即時提升皮膚光澤，所以我會用呢支精華做妝前打底或者想效果好啲就早晚都用，咁樣肌膚就可以持續性咁亮白有光澤啦~仲有，孕婦都啱用架，孕婦一向最怕美白既產品，怕有水銀，依家有左caudaile既精華就冇有怕，可以keep住美白，做個亮白既媽咪啦~

防曬係每日護膚唔可以或缺既程序，所以揀一隻好既防曬係好重要架～ Orbis既產品大多係無油既，今次真係好高興可以接觸到Orbis UV Cut Sunscreen On Face Beauty，包括清爽乳液同滋潤乳霜～雖然兩者既質感唔相同，但搽左上面都有均勻膚色、輕微提亮同美白既效果，而且仲係無香料，相信鼻敏感既sis都好鐘意～ 清爽乳液型係比較稀既乳液，搽左上面好易吸上，亦十分易推開，一啲都唔笠，好啱夏天使用～ 而滋潤乳霜型就係膏狀，不過都好易推開，推開後感覺到一層簿簿既膜包住塊面，但摸落一啲都唔笠，加上遮瑕度較高，肌膚睇落更透白無瑕，我自己都比較鐘意呢一隻^_^，冬天用就最啱啦～