candyy

今次試用SkinCeuticals C E FERULIC精華，真的滿有驚喜。平時用精華素，最快都要用上十多天才明顯見效。但今次用了一星期，皮膚已明顯白淨很多，本來的暗啞問題，已完全解決了。起初試用時，怕精華含有維他命C,會令皮膚變紅和有拮拮地的感覺。但試用一星期後，完全沒有這些問題。產品性質溫和，但又有顯著的效果，值得推薦!

抗疫期間減少外出，很多時候都是留在家中上網和煲劇，日日對住電腦多左，怕會令色斑變多。幸好此時可試用laneige這款抗藍光淡斑面霜，可幫我有多一層防護。 使用後，覺得這面霜質地細滑，又能改善皮膚的暗啞，驅走黃氣。特別喜歡它有淡淡橙香的氣味，給我愉悅的感覺，用後可令心情變好。

其中一樣最難處理的皮膚問題，一定是黑眼圈。自己由小到大都受此問題困擾，用過很多眼霜和眼部精華，都無法幫到我，所以早就放棄用護膚品減淡黑眼圈。意想不到今次試用Bicelle Advanced C Eye Serum，可幫我解決多年的煩惱。這款精華，質地很水潤，是薄身的精華，一塗上便迅速吸收。只需半泵份量，已夠大範圍塗上，所以一支很耐用。使用一星期後，已漸漸減淡到我紫紫紅紅的黑眼圈，相信持續再用一段時間，會有更明顯的效果。

平時維他命C精華就試得多，但一支集齊A,C,E三款精華真係第一次用。無想到有咁方便既護膚品，一支就可美白抗氧，又同時可改善彈性。試用後，驚喜地發現質地非常易吸收，幾乎是一塗上面就完全滲透，不會有半分黏膩。現在正值潮濕季節，很怕用一些滋潤度高的精華，所以這支ACE精華，真的非常合我心意。至於效果方面，只需短短幾天，已見到效果，膚色比之前亮白，而且面頰又更緊緻，特別是咀角的笑紋，已冇之前咁明顯，真係好幫到我。

現在正值轉季時間，好易會出現皮膚過敏。要減少敏感出現，就一定要為皮膚打好底，先會有更好的抗禦力。這時候，最好就是用Bicelle Hydra B5 Gel為肌膚做好保濕功夫。當中獨有的Tri-Hydra三角醫學補濕系統，可深入細胞抗氧，水潤和再生，令肌膚飲飽水之餘，也可促進彈性。親身用過後，覺得可令乾燥皮膚回復水份，連毛孔缺水而變得粗大都可改善。薄薄塗上一層再化妝，整個妝容更貼更持久，一試便愛上。

Thann有好多個不同系列，而我自己最鍾意，就係伊甸園系列。有好濃郁的花香，用左呢款沐浴按摩油，感覺自己置身於花園中，而且有浪漫既感覺。Thann既按摩油。一向有品質保證，香味自然不俗氣，按摩油親膚性強易吸收，是我會介紹給朋友的保養品。

鍾意呢款包裝係噴霧，使用時更方便。唔會倒到一手按摩油，一手又要扭蓋咁麻煩，不怕整到成支按摩油黏立立。而且呢支油既質地，潤得來又易吸收，輕輕噴兩下，已夠大範圍按摩，而且用完後，皮膚都更滑，更細緻。

花露水膏真係好用又方便，小小一支放係手袋唔會重，又可驅蚊，又可當香水用。平時如果去行山，郊外地方，一定用呢支。比起普通蚊怕水香好多，而且小朋友都可塗，好推介。

有段時間易出暗瘡，就日日敷呢款暗瘡面膜。有保濕感之餘又可消炎抗菌，唔會好似用某d暗瘡水咁會乾同甩皮，係幾好用。不同就要勤一點日日敷先會好得快。

呢款係平價好用之選，用後效果自然又貼面，不會有很潤的感覺，仲要有少少控油效果。有時係屋企附近買下野，唔想化咁厚妝，就會用呢支打完，已有調節膚色效果，再掃幾下碎粉就落得街，好方便。

很久之前已聽過以EGF作為成份的護膚品，但一直未試過，今次有幸試用，真的覺得滿有驚喜。小小一支表皮生長因安瓶精華，其實已足夠全面連頸塗上，不只可當精華用，也可混合面霜或面膜，也可作導入精華用。使用一次後，已立即覺得皮膚平滑左，也有更緊緻的效果。睡前用上一次後，到第二朝很床，肌膚仍很滑溜，而且更易上妝，效果真的很顯著。

上星期去完Disneyland,曬左幾個鐘，皮膚變差左，又黑左小小，好彩家中有盒Dermastir維他命C安瓶精華。其實呢盒精華有齊2款不同的安瓶，包括維他命C和EGF。曬黑左既我，用左3次維他命C安瓶精華，已幫我的膚色白淨返，去暗黃一流。呢款精華不但快見效，而且本身有輕微敏感既我都啱用，完全沒有任何發紅或拮拮地既問題，真係好正!

有一次去買了幾支防曬乳,美容顧問就送了一塊比我試,應該是滿額贈的禮物.用後覺得幾驚喜.貪心的我,把這面膜敷了20分鐘,用後覺得全面好濕潤.肌膚有飲飽水的感覺.而且一上粉底就覺比平時貼服很多,特別是眼位置塗上遮瑕膏特別貼服,真的很好用.

我的雀斑問題比較嚴重,所以就選了VCE20這支.不過用後,覺得皮膚唔係咁適應.有輕微拮拮地,同埋皮膚會紅紅的.可能濃度太高不適合我.所以大家用時,都要小心選擇.

加少少水就可起出細密既泡泡,用後覺得洗得幾乾淨.最重要是用後一點繃緊的感覺也沒有,屬於帶有保濕感的洗面產品.不過一支的份量不太多,用了6星期左右已用完1支,如果價格稍為便宜一點會更吸引我.

呢款胭脂蜜粉,效果好自然,是淡淡的粉紅色.如果平時喜歡淡妝,或只用下BB CREAM便出街,我都習慣再掃幾下呢款胭脂蜜粉,簡簡單單就可打造出做完運動般的好氣息.

化妝袋一定唔可以缺少呢支光影液,自己覺得比起光影粉,呢支就更方便,因為光影液用手直接塗上便可.最重要係份量唔使多,鼻樑,下巴和顴骨等位置印兩印,已經可輕易提升輪廓,很易用.

好耐之前已經鍾意用BENEFIT既胭脂水,起初係覺得有少少難控制,但用耐左之後,發覺用手指印開胭脂水就會好自然,而且上粉餅前塗上,仲有白裡透紅既效果,覺得真係好好用.而且每次只用好少份量,一支真係好抵玩!

呢支精華好特別，是筆型掃設計。每次用時，我會於易出紋的地方重點塗上。如額頭，頸和笑紋位。用後1個月，覺得頸紋冇之前咁深，作為預防出紋和減淡紋理都有效。

買美白精華時送左支美白化妝水，雖然是旅行裝，但都用到幾星期。用完後感覺幾唔錯，有中度保濕感，又令肌膚更亮白，去暗啞的效果不俗。