candyy

呢個粉底係我去買護膚品時，專櫃姐姐比我試用。其實質地都幾好，夠保濕，好貼面，皮膚比較乾時都上到粉。而且遮瑕效果好好，黑色圈，紅印可完全遮到，雀斑都遮到7成。但顏色選擇比較少，未必人人都買到啱自己顏色。

用過好多唔同既化妝水，但始終覺得雪花秀既化妝水最好用，保濕度高，是有點厚身的化妝水。但塗上面後可完全吸收，不會覺得塊面好似有層野唔舒服。用完呢支後，我覺得面油少左，而且暗瘡問題都有改變，應該係有少少抗炎功效。韓方護膚品中，雪花秀係我既心水推介。

這支新版滋陰乳液，比舊的更保濕，冇之前咁潤，但就易d吸收。試過有一陣懶用乳液直接塗面霜，塊面真係乾d,所以都係唔可以懶。有左呢款乳液，再搭配面霜一齊用，即使冬天塊面都唔會乾，keep到一整日水潤。

已經用左4支雪花秀潤燥精華，一直都覺得好好用。精華有陣陣中藥味，但不會難接受。按上面好快滲透，不一年四季都啱用。用完之後可幫助之後既乳液，化妝水更快吸收。用左咁耐呢支精華，覺得有調節肌膚效果，可減少我的敏感發作。

係香港可以買到好多韓國出既護膚品，但就唔係好多品牌啱我，其中覺得又平又好用，就係BANILA CO卸妝膏。鍾意佢清潔得好乾淨，又唔會好似卸妝油咁，泵出來好易整到成手同個樽都好油，用呢款卸妝膏，真係可以乾手淨腳。因為佢放上面塗開先會慢慢變成油，連防水眼妝都清潔得乾淨，真係好好用。

上年生bb，因為開刀唔方便落床，所以買定左呢款卸妝潔面棉入院。其實係醫院都冇咩化妝，都係用防曬乳液同遮瑕膏，所以用呢款卸妝潔面棉抹面都夠乾淨，之後再用濕毛巾抹多次面就ok。個人覺得幾方便。特別係係醫院or坐長途機，唔方便洗面，就一定要有一包旁身。

呢款精華係lancome皇牌產品，試過之後真係覺得好正。精華易吸收，好薄身，塗上面後好舒服。用左幾次已覺得皮膚更滑，更細緻。

起初買呢盒脤影,係比佢既包裝吸引.不過用落覺得效果都唔錯,好睇又好用.鍾意呢款眼影好易用,只用手指沾上眼影膏印兩印便可,幾乎不需任何技巧,而且效果又持久.返工懶得補妝,用呢盒就曼方便.

每日朝早起身雙眼都好腫,特別係經期時更嚴重.好彩身邊朋友推介我試呢款眼部緊緻精華,用了1星期已覺眼腫問題有改善,特別是一早起身,即使無化妝都見得人.

試過有一排肥左好多,都擔心胸部會有下垂問題,所以就開始用CLARINS挺胸緊緻乳霜.每次沐浴後都會塗上,順便按摩胸部.使用後大概1個月覺得有緊緻提升效果.我覺得除左支乳霜有效外,按摩都幾重要.

冬天時用過呢盒粉餅,覺得都幾貼面,效果唔錯.最重要係遮瑕方面比較出色,用完後可遮到我面上的暗瘡印.至於黑眼圈,因為我的黑眼圈比較深,所以要另外用眼部遮瑕液.

好鍾呢款胭脂,效果持久,可KEEP到一日.而且顯色度佳,掃兩下顏色已很出.加上它一盒有3種深淺不一的顏色,可打造更好的立體感.覺得價錢方面略貴左一點,其他方面都滿意.