crystal88

前日收到Organic Argan Oil 試用裝,今次PACKING 幾精美係玻璃樽,方便唧及容易收藏. 剛好天氣開始轉凍,肌膚開始起乾紋,就立即試用. 同埋,這個產品最吸引我地方,註明係organic,試用它已經100%放心,唔駛擔心會傷害我的肌膚. 細看之下,見到全身都可以試用包括頭髮,臉,身體.為了馬上試到效果,唧咗一滴油係手背,慢慢推開好快被吸收,睇到d 手背乾紋少咗同埋滑d. 至於臉部,我局部搽係暗蒼印位置,睇吓會唔會容易淡化d印,不過試咗一日,未有突出效果.另外,我頭髮都係屬於乾旱一族,長期電染下,頭髮時常打結及開义. 尋晚,吹乾了頭髮後,唧了幾滴係掌心,之後搽係髮尾地方,雖然初初"笠笠"地,之後隔咗10分鐘,髮尾開始吸收,變得好順滑.第二朝起身,梳頭終於冇打結情況出現,都開心唔駛甩咁多頭髮. 雖然試用了兩日,但是感覺不錯,真的可以滋潤肌膚及頭髮,好適合來臨冬天時節!!

我本身頭髮都有乾旱及髮尾打結,洗完頭更會甩頭髮情況出現,令我好頭痛! 剛好今次試用了「KÉRASTASE 躍動順滑系列」SULFATE FREE 躍動順滑浴髮乳及 躍動順滑髮膜& 吹燙順滑修護乳,三個STEP 護髮系列. 今次浴髮乳洗頭髮比較少泡,不似平時用開牌子咁多泡沬,所以我會花多些時間按摩頭髮,洗完後都有乾乾地感覺,之後就用滑髮膜,我重點放多D髮膜於髮尾打結地方.大約等咗10分鐘左右,再洗頭.洗完後頭髮好乾爽又唔會打結. 當我吹乾一半頭髮時,再用最尾STEP修護乳於髮尾+頭頂成日"樹"起毛毛,用梳子梳直頭髮. 當我完全吹乾頭髮後,就發現今次甩頭髮比以往減少了一半,同埋比較有光澤及每條頭髮都乾爽及油滑雖然試用了三天而言,但都感覺不錯.

一直都有用開Biotherm產品,今次有機會可以試用全新產品-Biotherm Blue Therapy Accelerated Serum 升級版藍鑽緊緻速效修復精華,雖然得三包試用裝,但是用後覺得真心不錯! 拆開包裝後,就發現精華素好水狀帶有少少閃粉,味道清香,唧出來好快被皮膚吸收,搽完後皮膚好白滑及閃亮, 同埋好鎖水保濕,好乾爽感覺. 搽完後2-3分鐘,好明顯隻手白滑及閃亮. 原本臉上有些細紋及毛孔比較大,用後皮膚感覺比較有彈性,毛孔收細咗少少,細紋都撫平許多,最重要不會有笠黏黏,真心覺得效果不錯. 因為只是試用了三天而言,本人都會購買這枝精華素繼續使用,希望改善皮膚暗啞細紋問題.