sandi

我自己本身用開平價嘅 SHISEIDO TISS 卸妝油，但係就要另外再買一支卸妝油，專卸眼同唇妝。 今次試用咗 FANCL 呢支 MCO 納米卸妝液，覺得一分錢的確係一分貨。 喺我嘅化妝品入面，有兩種產品係難卸啲嘅，佢哋就係 NARS skin tint 粉底液同埋 Majolica Majorca 嘅防水睫毛液。效果如圖所顯示，FANCL 都能夠好輕易咁洗一次就卸晒佢哋！ 我用後發現 FANCL 呢隻卸妝液嘅優點如下： 1) 有效清除不脱色化妝品，就算係眼同唇妝都可以，唔使再額外買一支眼唇專用卸妝油=慳錢+慳時間。 2) 質地比較水狀，比油狀容易推開。所以份量比我平時用嘅卸妝油要少，就能夠卸晒全面嘅妝=慳錢。 3) 用後皮膚感覺清爽，膚質較乾嘅我，用咗皮膚都冇繃緊嘅感覺，都幾適合夏天用。 4) 我本身特別係塊面嘅皮膚比較敏感，用後冇不適嘅癥狀出現，適合敏感肌使用。果然同佢品牌｢無添加｣嘅理念如出一轍。 又要講缺點嘅話，我個人就認為冬天乾燥嘅日子就未必適用，因為始終佢比較適合夏天追求乾爽嘅日子用。 120ml，$208，值得擁有！

打唔到字，評語請看圖。 最後溫馨提示，呢隻產品不適宜搽喺眼部皮膚，大家用任何產品前都記住睇使用說明啦！

爛面嘅日子就係試產品嘅好日子 (但我真心唔想成日爛面喎 >

爛面嘅日子就係試產品嘅好日子 (但我真心唔想成日爛面喎 >

爛面嘅日子就係試產品嘅好日子 (但我真心唔想成日爛面喎 >

其實就算唔係夏天，每日搽防曬都可以話係生活嘅一部份啦！特別係夏天，又熱又勁出汗，防曬產品唔好真係會令你一啲都唔想搽。所以，我揀防曬嘅準則第一係搽完唔會｢立｣痴痴，同埋就係唔會覺得啲皮膚抖唔到氣咁。 第一次用 La Roche-Posay 嘅產品，佢兩個準則都滿足到我嘅要求，我係滿意了！前排皮膚敏感啱啱先叫好返晒，只係落街食吓嘢行吓超市就唔想化妝，想畀多啲時間皮膚休息吓，所以我就用 La Roche-Posay 呢隻水凝防曬隔離液打個底；正所謂妝可以唔化，但絕對不能唔搽防曬！但由於唔化妝真係望落個人冇咁精神嘅關係，我最後都上咗有 bb 功能嘅碎粉薄薄一層，梳埋個頭咁就出得街啦！ 最後提提大家： 1) spf 50 夠 last 到 8-9 小時嘅防曬功效 2) 出過汗都記住要補防曬呀！唔好諗住 last 到 8-9 小時就搽一次就算；你抹汗嗰陣乜都畀你抹走晒啦！ 3) 最好出門口前半小時搽防曬先出街。如果你即搽即出街，就未必發揮到防曬嘅功效 做足防曬就唔怕同陽光玩遊戲啦！ Happy Summer, everyone!

呢隻 mask 來得正好！今個星期初因為天氣轉變嘅關係，我塊面兩頰搞到又紅又出粒粒 :( 雖然唔算係好嚴重嘅敏感，但係用化妝棉抹爽膚水上面之後，兩頰就會即刻再紅啲嘅程度。 呢隻 mask 有幾個賣點，等我逐一評論吓： 1. 迅速軟化肌膚：呢點佢係成功嘅！敷完你掂到塊面係又淋又滑，唔錯！比我自己用緊嗰隻 mask 用完皮膚要軟熟得多。 2. 消除紅腫﹑鎮靜舒緩：開頭諗住連續用5日再寫 review，不過用完第一次之後，塊面滑到第二日全日，所以我就隔日敷，敷完第二次塊面已經係 after 張圖咁啦！兩張相都冇執過，係 before 張相喺夜晚影，所以面色影出嚟黃啲， after 張相就啱啱下晝影。但你睇啲紅同粒粒冇晒啦！當然我本身敏感問題唔算話好嚴重，但係我平時呢個情況塊面最少要紅成個星期，啲粒粒仲要耐啲先會好。而家敷咗兩次呢隻 mask 就好得七七八八 (今日應該要敷第三次，面頰仲有少少刺痛但冇紅)，效果真係好滿意！ 3. 深層保濕：我本身膚質偏乾，所以我就唔覺得呢隻 mask 用完話好潤。不過如果夏天用，我又覺得幾適合，因為夏天最怕用完啲護膚品塊面會｢立｣痴痴。呢幾日濕度都維持喺 90-100%，我用完隻 mask 塊面都唔｢立｣，反而我又幾滿意。又或者咁講，我兩次都係薄敷，可能厚敷敷完又會覺得潤啲？今次因為趕住寫 review，未能試埋厚敷﹑冷敷等等。 所以保濕呢點我有保留先，但就好肯定夏天用幾啱用！ 總結就係，我第一次試用 PETERTHOMASROTH 嘅 mask，效果比我預期要好得多！我會長期放一盒喺屋企急救用！始終敏感肌出嘅問題比較多，有盒幫到手嘅 mask 看吓門口真係安心好多！