sandi

自我介紹 年近 40，皮膚由內至外都乾，冇日日都隔日敷 mask 都無補於事。啲皮膚都好情緒化﹑好脆弱，少少嘢都會敏感一大餐。幼紋﹑乾紋﹑色斑唔會少，但求老得慢啲﹑老得靚啲，咁就心滿意足啦！第 1 次接觸 YVES ROCHER (下稱 YR) 嘅產品。 2/27 Day 1 皮膚問題：額頭細紋，鼻頭﹑面頰毛孔尤其粗大，鼻頭泛油，皮膚乾燥，嘴角四周爆瘡，色斑，暗粒，鬆弛。 第 1 次使用 精華吸收得好快，基本上一推開咗就已經吸收晒！好鍾意！日霜就「立」少少，不過畀多少少時間佢吸收；基本上，換完衫，化妝之前就已經吸收晒！以我皮膚缺水嘅程度，日霜可以再滋潤多啲都唔怕。不過春天咁潮濕嘅天氣嚟講，呢隻質地爽得嚟夠潤，幾好。 最鍾意佢唔 artificial 嘅香氣！法國嘢通常都勁香，YR 冇，香得嚟好 natural！ 搽完皮膚即係帶有亮澤感，鼻頭同面頰毛孔有即時收細，代表產品夠滋潤。平時上完妝前底霜，上埋粉底，都仲要畀少少遮瑕膏先可以遮到鼻哥啲毛孔，今日竟然唔使落遮瑕膏！ 平時呢，放工返到屋企，就會見到鼻頭已經出晒油，啲粉都花晒。今日返到屋企，見到個鼻啲妝仲完好，感動到呢！證明 YR 嘅精華同日霜真正滋潤到我嘅皮膚，而且佢嘅滋潤並唔係得三分鐘熱度，係足夠我夜晚再護膚前嘅需要！ 有好嘢，梗係要捉埋阿媽試啦！呢個人用死一隻牌子就唔會轉，之前我叫佢用第二隻牌子佢都唔睬我。今日我用完一次之後，佢睇到我用完嘅效果，竟然肯即刻攞咗 YR 盒日霜嚟用。而事實就係，YR 呢盒潤過佢而家用緊嗰盒 (我都用過) 好多咯！ 第 2 次使用 下爬四周本來摸落都鞋手，因為之前爆瘡都係啱啱先謝晒。夜晚搽第二次，摸落已經滑晒！好神呀！的確，唔打好皮膚嘅基礎，又點對抗日益嚴重嘅污染問題呢？ 自己平時有用肌底液，而家 skip 咗冇用皮膚都仲潤過之前。即係話，用 YR 就首先可以慳咗買肌膚液嘅錢先！哈哈~ 2/28 Day 2 肌膚觸感比昨日柔軟，好有彈性。 額頭明顯滑咗好多，啲紋淡咗好多。 呢兩日頭 3 次都要搽兩層精華同日霜，搽完雙頰都有啲乸，我知我真係好乾。不過夜晚搽第 4 次就已經可以搽返一層就夠潤啦！ 肌膚穩定性提高唔少！由之前狂爆瘡，到呢兩日，日日朱古力+薯片+辣嘢都完全冇事，我就知我之前嘅皮膚問題，都係因為皮膚乾﹑唔關熱唔熱氣事啦！ 3/2 Day 4 因為支爽膚水用晒，就換咗支新嘅，同之前用緊嗰支唔同牌子。冇諗過，塊面咁就敏感了 :( 出咗好多粒粒 >< 但係，咁又 remind 咗我，YR 啲嘢其實都幾適合我用喎！用咗幾日都冇皮膚敏感。 3/3 Day 5 夜晚沖完涼護膚，臨瞓前去刷牙，發現塊面啲敏感粒粒冇再紅腫！嘩！完全冇諗過會有咁嘅效果！ 3/5 Day 7 事實勝於雄辯，效果你自己睇相吧！ 整體嚟講，皮膚滋潤度﹑飽滿度﹑光澤度﹑毛孔細緻度都有顯著嘅改善。如果我唔係中途搞出個皮膚敏感，相信出嚟嘅效果會更加明顯，皮膚細緻度都會加好多分。 精華同日霜都適合香港潮濕天氣時使用。之前日日濕度 80% 以上，有日仲 94% 㖭！但係呢兩隻產品用喺塊面度，都唔會話好「立」，唔會增加皮膚嘅負擔。 總結 第一次用會覺得佢哋唔係好夠滋潤，但隨住使用嘅次數越多，我覺得產品有幫到我嘅肌膚補水。所以，我認為 YR 呢款精華同日霜都足夠我春夏嘅肌膚需要。到冬天時，再測試過吧！ 點解我畀呢支精華 5 分，日霜係 4 分呢？因為我實在係十分拜服於佢嘅速間吸收度！佢真係嘭嘭聲瞬間吸收晒，令我唔使等就可以搽日霜，所以畀 5 分佢。不過，始終日霜嘅質地同精華唔同，並唔代表日霜唔好啊！ 我有信心，由我而家開始用，直至我真真正正去到 40 歲，都 keep 住用 YR 嘅產品嘅話，相信我一定可以無愧地自稱為美魔女！哈哈~

自我介紹 年近 40，皮膚由內至外都乾，冇日日都隔日敷 mask 都無補於事。啲皮膚都好情緒化﹑好脆弱，少少嘢都會敏感一大餐。幼紋﹑乾紋﹑色斑唔會少，但求老得慢啲﹑老得靚啲，咁就心滿意足啦！第 1 次接觸 YVES ROCHER (下稱 YR) 嘅產品。 2/27 Day 1 皮膚問題：額頭細紋，鼻頭﹑面頰毛孔尤其粗大，鼻頭泛油，皮膚乾燥，嘴角四周爆瘡，色斑，暗粒，鬆弛。 第 1 次使用 精華吸收得好快，基本上一推開咗就已經吸收晒！好鍾意！日霜就「立」少少，不過畀多少少時間佢吸收；基本上，換完衫，化妝之前就已經吸收晒！以我皮膚缺水嘅程度，日霜可以再滋潤多啲都唔怕。不過春天咁潮濕嘅天氣嚟講，呢隻質地爽得嚟夠潤，幾好。 最鍾意佢唔 artificial 嘅香氣！法國嘢通常都勁香，YR 冇，香得嚟好 natural！ 搽完皮膚即係帶有亮澤感，鼻頭同面頰毛孔有即時收細，代表產品夠滋潤。平時上完妝前底霜，上埋粉底，都仲要畀少少遮瑕膏先可以遮到鼻哥啲毛孔，今日竟然唔使落遮瑕膏！ 平時呢，放工返到屋企，就會見到鼻頭已經出晒油，啲粉都花晒。今日返到屋企，見到個鼻啲妝仲完好，感動到呢！證明 YR 嘅精華同日霜真正滋潤到我嘅皮膚，而且佢嘅滋潤並唔係得三分鐘熱度，係足夠我夜晚再護膚前嘅需要！ 有好嘢，梗係要捉埋阿媽試啦！呢個人用死一隻牌子就唔會轉，之前我叫佢用第二隻牌子佢都唔睬我。今日我用完一次之後，佢睇到我用完嘅效果，竟然肯即刻攞咗 YR 盒日霜嚟用。而事實就係，YR 呢盒潤過佢而家用緊嗰盒 (我都用過) 好多咯！ 第 2 次使用 下爬四周本來摸落都鞋手，因為之前爆瘡都係啱啱先謝晒。夜晚搽第二次，摸落已經滑晒！好神呀！的確，唔打好皮膚嘅基礎，又點對抗日益嚴重嘅污染問題呢？ 自己平時有用肌底液，而家 skip 咗冇用皮膚都仲潤過之前。即係話，用 YR 就首先可以慳咗買肌膚液嘅錢先！哈哈~ 2/28 Day 2 肌膚觸感比昨日柔軟，好有彈性。 額頭明顯滑咗好多，啲紋淡咗好多。 呢兩日頭 3 次都要搽兩層精華同日霜，搽完雙頰都有啲乸，我知我真係好乾。不過夜晚搽第 4 次就已經可以搽返一層就夠潤啦！ 肌膚穩定性提高唔少！由之前狂爆瘡，到呢兩日，日日朱古力+薯片+辣嘢都完全冇事，我就知我之前嘅皮膚問題，都係因為皮膚乾﹑唔關熱唔熱氣事啦！ 3/2 Day 4 因為支爽膚水用晒，就換咗支新嘅，同之前用緊嗰支唔同牌子。冇諗過，塊面咁就敏感了 :( 出咗好多粒粒 >< 但係，咁又 remind 咗我，YR 啲嘢其實都幾適合我用喎！用咗幾日都冇皮膚敏感。 3/3 Day 5 夜晚沖完涼護膚，臨瞓前去刷牙，發現塊面啲敏感粒粒冇再紅腫！嘩！完全冇諗過會有咁嘅效果！ 3/5 Day 7 事實勝於雄辯，效果你自己睇相吧！ 整體嚟講，皮膚滋潤度﹑飽滿度﹑光澤度﹑毛孔細緻度都有顯著嘅改善。如果我唔係中途搞出個皮膚敏感，相信出嚟嘅效果會更加明顯，皮膚細緻度都會加好多分。 精華同日霜都適合香港潮濕天氣時使用。之前日日濕度 80% 以上，有日仲 94% 㖭！但係呢兩隻產品用喺塊面度，都唔會話好「立」，唔會增加皮膚嘅負擔。 總結 第一次用會覺得佢哋唔係好夠滋潤，但隨住使用嘅次數越多，我覺得產品有幫到我嘅肌膚補水。所以，我認為 YR 呢款精華同日霜都足夠我春夏嘅肌膚需要。到冬天時，再測試過吧！ 我有信心，由我而家開始用，直至我真真正正去到 40 歲，都 keep 住用 YR 嘅產品嘅話，相信我一定可以無愧地自稱為美魔女！哈哈~

自我介紹 年近 40，皮膚由內至外都乾，冇日日都隔日敷 mask 都無補於事。啲皮膚都好情緒化﹑好脆弱，少少嘢都會敏感一大餐。幼紋﹑乾紋﹑色斑唔會少，但求老得慢啲﹑老得靚啲，咁就心滿意足啦！第 1 次接觸 YVES ROCHER (下稱 YR) 嘅產品。 2/27 Day 1 眼部問題：眼紋，黑眼圈，眼腫，眼底有油脂粒。 產品本身： 1) 3 粒珠珠嘅設計幾舒服喎！之前用過支眼精華係一粒大珠珠，感覺 3 粒珠珠按摩得比較到位。今日碌眼蓋位有啲痛，睇吓連碌 7 日會唔會有改善？！ 2) 鍾意佢唔 artificial 嘅香氣！法國嘢通常都勁香，YR 冇，香得嚟好 natural！ 用咗 2 次後感： 1) 眼精華好有驚喜！我本身兩邊眼嘅內眼角都有條好深嘅眼紋，用咗只係 2 次，條紋已經冇咁明顯！ 2) 眼腫嘅問題都大有改善！呢隻眼精華，真係用晒個樽都唔會 dum！留返嗰 3 粒珠珠嚟按吓對眼都好！ 希望改善到： 1) 黑眼圈。我個黑眼圈同人唔同㗎！人哋就喺眼肚嗰啲位深色㗎嘛！我就喺眼蓋位。之前去做 facial，畀個美容師話以為係眼影，點知抹極都抹唔甩！ 2) ‎眼底油脂粒。唔敢抱太大期望，因為我知呢樣嘢都幾麻煩的。 2/28 Day 2 今日碌對眼都冇再痛啦！睇嚟同去做 body massage 嘅道理係一樣吧？！不通則痛。所以，今日已經忍唔住影咗張相畀大家睇吓。咁你就知道，只係用咗 4 次已經有咁嘅效果，實在不禁懷疑自己之前到底係用緊啲乜？ 你可能會質疑合埋眼﹑Day 1 嗰張相，係咪我用力合埋，所以啲紋先至咁深咋？我自己知係冇嘅，係就咁合埋㗎咋！如果我真係有用力，我眼角對出嘅鼻樑位都會打摺的。 所以，我都搵張開眼相嚟做個對比。兩隻眼嘅內眼角位真係靚咗好多！同埋雙眼皮位都清晰咗。我再講多次，我搽咗 2 日 4 次咋！ 3/5 Day 7 事實勝於雄辯，效果你自己睇相吧！ 內眼角嗰兩條勁深嘅紋都冇咗！係冇咗！！！整體望落都唔乾，啲細紋都冇晒！ 左眼底嗰 3 粒特別大粒嘅油脂粒都變得冇咁顯眼啦！唔落力睇，基本上都睇佢唔到！ 對眼冇咁腫，有神好多！感覺望落都大咗！雙眼皮明顯咗，冇幾層眼皮嘅情況出現啦！ 黑眼圈呢，我自己目測係冇之前咁深色嘅，可惜影相影唔到個差異。因為喺日光同燈光之下影會有色差，咁就比較唔到；是日比起 7 日前冇咁好陽光我都控制唔到呢 :( she.com 喺上面對呢隻產品嘅描述，我係完全冇異議﹑絕對認同，真係講得一啲都冇錯呀！不過唯一我想講講嘅就係，唔使用一個月，我對眼都已經達標呢！ 以 YR 呢個價錢，比起我之前用嗰隻親民好多！完全唔使諗啦，效果咁好，價錢又合理，唔轉會都對唔住自己對眼啦係咪！

去咗日本兩星期，大家都知日本嘅空氣濕度係比香港嘅低。怪就只怪自己帶晒啲 masks 過去，竟然一件都冇用過又帶晒返嚟 -___- 琴日返香港諗住會濕啲，但一落機對手啲皮膚就赤赤痛！睇吓濕度，嘩！40% 咋！唔怪之得啦！ Unpack 晒啲嘢又執返好晒間屋，終於得閒搞吓啲皮膚。即刻喺我堆信度搵返 she 寄嚟嘅 Atelocollagen 膠原抗衰老面膜試用先。實在，成兩星期冇乜點打理啲皮膚，又唔夠瞓，成個人真係殘到唔見得人 :( 過幾日就聖誕啦，我絕對需要急救吓哈哈~ 用法： 一盒兩片嘅 masks﹐冇咩氣味，入兩 plump 水入去，攪匀，敷面 30-40 分鐘就得㗎啦！事前最好當然係去吓角質先啦 (敏感肌可豁免)。 功效： 據官網講，可以對付幼紋﹑眼袋﹑暗瘡同粗大毛孔。嘴唇都可以搽㗎！唔好忘記~ Before & After︰ 今次大特寫個鼻畀大家睇，啲毛孔大到呢~~~ 又因為我試呢個 mask 之前淨係睇咗一個賣家條片講點用，冇搵官網睇，所以我淨係開咗一片 mask 嚟用。結果呢，就冇人哋所講嘅 feel 到塊面有即時緊緻嘅效果 (我仲以為會好似 Zombie Mask 效果咁誇張) ，但面頰同個鼻哥，你自己睇啦！ 因為今次唔喺香港已經遲咗交報告，所以先交試用咗一次又唔係跟足做法嘅試用報告先。下次跟返官網嘅做法，再同大家 update 吓啦！

自從上次打完風，海洋回吐成地垃圾畀人類，同埋飲用水有微塑膠呢兩單之後，我承諾要減廢同埋更加注意使用嘅產品有冇微塑膠成份。每人都為地球出一分力，不為過。 咁你又識唔識睇產品嘅標籤成份？Aqua﹑Glycerin 呢啲就當然冇問題啦！但係 Cetyl Ethylhexanoate 呢？真係 R 爆頭啦！ 上網逐個逐個成份查當然冇問題啦，不過我最近就發現咗個幾好嘅網站，可以不費吹灰之力就輕輕鬆鬆了解晒成件產品嘅成份。有冇興趣先？有就登入去： www.skincarisma.com 收到 VERSO 嘅 REVIVING EYE MASK 就上 Skincarisma check 吓先。係冇資料嘅 :( 唔緊要，我喺 VERSO 網頁將呢個 eye mask 嘅成份全部 copy 晒去 Skincarisma 度，得咗！順便 upload 埋啲資料畀佢，加咗 10 分 :D 詳情就唔多講啦，教大家睇 EWG Rating 1-3 分都係安全嘅。CIR Findings 就 A 同 B 都冇問題。當然你可能會問 EWG Rating 同 CIR Findings 有幾信得過？我只可以話只供參考啦！叫做有個指標咁咯~ VERSO 呢個 eye mask 嘅成份有最少 74% 係安全嘅，咁最危險嘅成份係咩呢？就係排最尾嘅 parfum 香料。至於 Phenoxyethanol 就有啲爭議性。 呢對眼膜係主打保濕同抗衰老嘅功能。睇返 Skincarisma 嘅分析，的確可以搵到好到保濕嘅成份，但就冇指明邊隻成份係有抗衰老嘅功效。 而睇完 Skincarisma 嘅分析，亦都證實咗 VERSO 宣稱 'all masks are formulated without Sulfates, Synthetic dyes, Phthalates, GMOs, or Triclosan. ' VERSO 呢間瑞典公司其實都幾新，係成立於 2013 年㗎咋！佢哋話要 'makes high quality products with a low ingredient count. ' 即係 less is more 啲 friend 啦！ 簡單介紹吓我對眼先。我同大部份香港人都一樣，夜瞓 + 雙眼長期睇手機電腦，對眼真係全塊面嚟講最弱嗰 part。去親做 facial，啲美容師都會話：「嘩！你對眼好攰喎！」 有相為證。疲勞 + 年紀大，又無可避免地要睇 mon，雙眼袋同黑眼圈係長伴左右的。 敷完 20 分鐘嘅 VERSO REVIVING EYE MASK，眼袋冇咁明顯，好似飲飽水咁。眼四圍嘅乾紋都冇之前咁多！至於產品聲稱有長達 30 小時嘅滋潤，都係成立嘅！30 小時後，我個眼袋都係 keep 到得一層咋 XD (其實到而家寫文章嘅時候都仲 keep 到，兩日lu！) 冇咗個雙層孖寶，個人即刻望落冇咁攰，亦冇咁老！哦！原來呢個就係抗衰老效果~ 用嘅時候對眼膜其實都幾易走位，所以最好就係乖乖哋，咩都唔好做，呢 20 分鐘就閉目養吓神就最好啦！佢個眼膜嘅質地係 hydrogel，聲稱能更有效地將 Retinol 8 及其他成份滲透皮膚咁話。 而至於 Retinol 8 係咩呢？佢係 'stabilized Vitamin A complex'，話係幫你 'boosting the skin's natural production of collagen. ' 但係 Retinol 8 對照返成份表係邊度嚟嘅呢？咁就真係要再研究吓先清楚啦！ 結語就係：VERSO REVIVING EYE MASK 係唔錯嘅！期待冬天更乾燥嘅天氣之下用，會唔會都能夠滿足到肌膚嘅需要？！

每次收到未曾接觸過嘅品牌產品，都充滿期待！因為未知嘅世界，永遠都係精彩刺激的。 今次試用嘅係 AMPLEUR 煥白亮膚系列入面嘅三重激白亮肌精華 II｡ 最近因為比較忙，我竟然一反常態，未做任何資料搜集 (只知佢係精華)，單憑佢好一個『日本製造』，我就憑個勇字搽上面了。 試用 7 日後，我發覺面上肌膚最明顯嘅分別就係，摸上手嘅觸感好柔軟！真係好對唔住，呢一點我實在係冇辦法喺相片度示範到畀你睇 XD 另外呢，我發覺塊面充滿光澤同埋冇咁暗啞，望落又真係白淨咗、firm 咗。所以最近連化妝都輕手咗~ 最抵死嘅係，有時偶爾望鏡，我會不禁問自己：化咗妝？定未落妝？其實當時嘅我係素顏㗎！ 呢隻精華嘅質地，望落驚㗎！因為夏天都係怕『立』啦！好彩嘅係，佢一啲都唔『立』，我相信係同佢好快被皮膚吸引呢個因素有關。 通常喺我預備要搽日/晚霜之前，啲精華已經吸收晒，真係快得好緊要！我自己而家本身用緊嘅精華係做唔到嘅 :( 這意味住平時我搽嘅精華，大概都只停留咗喺皮膚嘅表面，而滲透唔到入去。即係搽咗同冇搽應該可能分別唔大。 到昨晚，為著要寫呢篇試用文，我終於的起心肝上網睇吓究竟我用嘅 AMPLEUR 係咩來歷！ 原來 AMPLEUR 呢個品牌係由日本皮膚科醫生高瀬聡子( Dr. Akiko Takase) 於 2003 年研發嘅。我即刻諗起台灣嘅代表：DR. WU！ 講返 AMPLEUR 嘅產品先，佢哋嘅品質係達日本醫藥法界別嘅。換言之，即係話代表佢有一定程度嘅安全性同受到嚴格嘅監管。 由於時間嘅關係，最後我想 highlight 返產品嘅成份。因為我一睇就覺得同平時見到嘅好唔同 (包裝上有寫晒全部成份，但係係寫日文，唔識睇 XD 淨係識睇到一個係 jojoba~)︰ 1. 長心卡帕藻萃取物 2. 單胞菌發酵萃取 3. 海藻萃取 4. 對茶二酚誘導體 5. 2 種維他命 C 誘導體 (水溶性 • 油溶性) 6. 透明質酸誘導 相信呢一堆嘅誘導體對產品被皮膚吸收呢點居功不少！ 如果想了解多啲 AMPLEUR 嘅產品，請登入以下嘅網頁睇睇啦 (我知 HQ110 重點煥白去斑精華，喺日本攞嘅獎係更多！我一定會買嚟試！)︰ 補充資料： 品牌簡介及理念 tion=about-us 產品介紹 tion=product-detail&product_id=337 發現咗好嘅護膚品，皮膚又好咗，心情大好！

通常我去親化妝品專櫃買嘢，啲 BA 都唔建議我用磨砂，因為佢哋話我皮膚易敏感就唔好用磨砂喎！ 有啲 BA 講嘅又係另一個相反。話我適合用磨砂唔好用 peeling。 自此之後，我決定信自己。 So far，唔同牌子嘅磨砂同 peeling 我都試唔少，得出嘅結論係兩隻都可以用，冇話絕對用得定唔用得。邊隻用完冇紅冇腫冇痛又有效果，就係適合自己用嘅產品。 最近試咗隻話係成份天然嘅木瓜酵素 peeling 粉，可惜用完冇效果得嚟，用完塊面仲勁乾！乾到我即刻敷保濕面膜都唔掂！ 其實，我一直都用緊 Kate Somerville 嘅磨砂。我唯一想搵另一隻產品代替佢嘅原因，其實係因為自己成日會將啲護膚品﹑洗面膏﹑洗頭水...... 入眼；係緊閉雙眼都會入眼咁神奇㗎！始終磨砂粒子細，入咗眼如果處理得唔好，真係可大可小！就係因為咁，所以我先諗住轉用其他產品。 今次試用嘅 LUÉ by Jean Seo-ERASE Cleansing Exfoliating and Brightening Powder (燕麥飄霜) ，淨係睇姓 Seo 就知係韓國人啦！上網睇吓資料，原來 Jean 係美籍韓裔嘅女士 (係，我直覺以為係男人 XD)。佢嘅創業故事都係幾典型嘅 American Dream︰同班朋友坐喺 food court 談論各自的理想，而各人亦在若干年後取得成功。 想當年，food court 我都坐唔少，但明顯我都只係 focus 咗喺啲嘢食度，講得最多嘅就係笑話 XD Anyways，Jean 嘅美容品牌 évolué，係連 Emma Watson 都有用的！雖然咁樣唔代表啲乜嘢，但就令我好好奇， 喺芸芸咁多大品牌之中，究竟 évolué 有啲咩嘢過人之處，可以吸引到 Emma Watson 嘅注意呢？ 點講都冇用，自己試用就最實際。 首先睇吓產品成份先： 1) non-fat milk powder 2) finely milled whole grain oats 3) magnesium carbonate Magnesium carbonate 就喺好多藥品，甚至乎天然食品入面都會有嘅 (粉狀嘅嘢通常都有，留意吓) ，所以都安全嘅。而呢支燕麥飄霜強調佢哋都係落咗少少啫~ 用法： 1) 洗乾淨塊面 2) 比例 2:1 開咗啲粉佢：2 tablespoon 就加 1 tablespoon 嘅水 (2 tablespoon 對我嚟講就多咗啲) 3) 搽上面等 1 分鐘 4) 打圈捽跟住就可以沖水 對我呢啲零耐性嘅人嚟講，1 分鐘呢點要加佢 10 分！ 用後感： 1) 用完塊面唔乾喎！ 2) 入咗眼都唔乸眼 3) 黑頭粉刺 out，鼻頭好乾淨呀！ 4) 有效去角質但又完全唔刺激皮膚 5) 望落塊面膚色較均勻同冇咁油 6) 摸落都好滑呀塊面~ 7) 聞落就係燕麥味，好似食咗碗燕麥早餐咁健康 XD 8) 真係可以日日用都唔傷皮膚 開頭覺得淨係奶同燕麥可以做到啲咩出樣？用完又估唔到個效果可以咁好！ 即係你話你自己屋企都有奶同燕麥啦，DIY 咪得咯！我見佢嗰套 3-step set (有呢支燕麥飄霜，一支 serum 同一支 spot control) 都係賣 $35 美金，仲 ship worldwide，我就寧願快快趣搞掂啲美容事，花多啲精神時間出去玩好過啦！ 總語就係，呢支燕麥飄霜真係做到平靚正之餘，亦係你可以用得安心嘅產品。我正式宣佈，你可以取代 Kate Somerville 支磨砂嘅位置啦！

最近皮膚好咗好多呀！真係好耐都冇試過啲皮膚唔乾嘅感覺。搞咗啲咩嚟？就係用咗堅果油啦！打返好個底，再連續 5 日試用 TOPICREM，睇吓喺冇咗堅果油嘅助力下，啲皮膚會唔會變返差先。 事實證明，5 日後啲皮膚係冇變差到嘅！頭一兩日搽完 TOPICREM，鼻四圍嘅皮膚乸到紅晒，仲有啲痛痛哋㗎！好彩之後繼續用都冇再紅同痛啦！相信都係因為自己呢個位嘅皮膚太乾先會咁，皮膚得到滋潤之後，所以繼續用都冇事~ 呢幾日冇用堅果油，塊面都 keep 到夠滋潤，好正！尤其是係鼻哥啲凹凸洞平滑咗好多，呢個係幾意外嘅發現。 不過呢，我始終都係乾底，TOPICREM 呢隻 light cream 我自己就覺得係幾適合夏天用嘅，鍾意佢搽完啲皮膚唔『立』。但係，我諗我會用 rich 嗰款會更加適合自己嘅需要。所以我自己嘅心水配搭就係，日頭用 light，夜晚用 rich。 如果 TOPICREM 呢隻 cream 有埋防曬就真係 perfect，到時我會畀 10 分你呀！期待呢日嘅來臨~ TOPICREM，加油！

其實自己一直都係用開精華油嘅，不過自己用開嗰隻皮膚就唔係好吸收到，搽完塊面都係油立立咁停留咗喺皮膚表面。開頭會諗，油嘛，係咁㗎啦！ 到之後試過唔同牌子嘅精華油，有比較後先知原來問題係出喺自己塊面度。因為我試過用塊面吸收唔到嘅呢支精華油滴落手試吓，隻手係吸收得好快！所以日後再買護膚品之前，我都堅持一定要有試用裝攞返屋企，試過用喺塊面，有效果我先會買嚟用。我都估唔到搽喺手同搽喺面嘅分別，原來係可以大成咁嘅！ 好可悲地，因為當初大量入貨，所以就算呢支精華液唔係幾啱使都好，我仍然都仲用緊嘅 :( 仲有 last 一支，捱埋佢就可以同佢永久 say bye 啦！(或者我應該將佢同 hand cream 一齊用，唔好再虐待塊面啦唔該！) 究竟我塊面到底有幾乾呢？一上妝就知塊面到底有幾乾！ 每次化妝我都好怕呢幾個位，因為佢哋係長期乾爆唔貼粉嘅： 1. 鼻哥--完全上唔到粉底，因為佢唔單止唔貼粉，仲有少少甩皮，毛孔又大到卡粉 :( 2. 兩邊嘴角 3. 額頭--長期都有啲乾紋，雖然唔深，但化咗妝都遮唔到㗎 :( 好啦，用咗 NOVEXPERT 呢隻維他命 C 賦活精華 5 日之後，到底塊面又畀咗啲咩反應我呢？ 目測： 1. 鼻哥同面頰啲毛孔冇之前咁深 2. 鼻哥冇甩皮啦~ 3. 額頭啲乾紋都淡咗 4. 成塊面望落有光澤咗好多，同之前用開嗰支精華液唔吸收嗰種油光滿面完全係兩碼子嘅事！ 5. 其實用完第一次，第二日瞓醒已經 feel 到塊面冇咁繃緊㗎啦！ 就咁睇嚟講，整體表現係滿意嘅！ 既然要上妝先最清楚塊面到底滋潤咗幾多，所以都要報告一吓試用完 5 日之後，化妝有冇貼妝咗 (唔，試用頭 4 日都冇化妝): 1. 鼻哥-凹凸洞都仲會卡粉，不過已經冇之前誇張到直頭見到啲粉底填滿晒個窿 2. 兩邊嘴角-冇浮粉，過關！ 3. 額頭-終於搽完粉底遮到啲乾紋啦~ 或者你會話用 pore refining 嘅產品或者用 primer 打好個底就可以化到個靚妝啦！其實呢啲我都有做嘅，但之前皮膚實在係太乾，基本上係搽咩 primer 都幫唔到手。 果然，想化個靚妝，還是要從根源著手：有好嘅膚質勝過一切！ 最後，NOVEXPERT 呢支精華能夠解決到我皮膚乾嘅問題之外，仲有兩個我加佢分嘅位： 1. 陣味好糖果味 2. 因為佢吸收得好快，搽咗真係唔『立』喎塊面！好啱夏天用。 如果冬天用都夠滋潤嘅話，相信 NOVEXPERT 呢支精華我會一年四季咁 keep 住用！到時再拭目以待吧！

4月3日(一) 朝早啱啱用晒支法國牌子嘅面霜，夜晚就可以試用今日收到嘅 acwell NO4 深層極緻保濕舒緩水凝霜啦！ 今日鼻頭同面都各生咗一粒瘡 :( 額頭嘅乾紋同鼻頭嘅凹凸洞都同平時一樣咁顯眼。 滿心期待開 acwell 嚟用啦~ 質地：好乾爽，好適合春夏使用，用後完全唔覺得「立痴痴」。 氣味：以為冇香味嘅㖭，原來有嘅，不過我形容唔到係咩味。 吸收度：幾容易吸收。 其他：用後塊面光澤感大增。 補充： 1. 第一次用就唔覺得好滋潤。 2. 搽完只係半個鐘，望一望塊鏡，兩粒瘡竟然冇咁紅啦！Amazing! 4月4日(二) 放假嘅日子，瞓到好晏先起身 XD 第一時間望吓塊鏡先！面上邊嗰粒瘡已經謝晒！係 • 謝 • 晒！鼻頭嗰粒都冇咁紅腫啦~ 既然放假，就花啲時間上網搵吓呢個牌子嘅資料先。 Highlights (以官方資料為準) ： http://www.acwell.asia/hk/load.php?link_id=194391): 1. acwell 係韓國 GIVERNY 旗下嘅肌膚舒緩調理系列，產品專門針對敏感肌膚使用。 GIVERNY 係賣彩妝嘅牌子，舊年佢嘅方型氣墊粉餅都幾大熱！ 2. 產品根據南韓醫學寶典《東醫寶鑑》配方研發。 《東醫寶鑑》唔查唔知原來好猛料！佢係由朝鮮宣祖 (朝鮮國第14代皇帝，1597-1608 年在任) 嘅御醫許浚所編撰，1613 年初刊。《東》喺 2009 年更被推薦列入聯合國教科文組織嘅世界記憶遺產名錄。我哋中國嘅表表者《本草網目》同《黃帝內經》都有入選 (2011) 㗎！ 3. 產品並不含： a. 苯甲酸酯 (paraben，防腐劑) b. 礦物油 (石油產品，黏度高，所以 acwell 呢隻 cream 唔「立」係有原因的) c. 琉酸鹽 (sulfate，可能刺激皮膚或引起過敏反應) d. 人工色素 (可能含重金屬或其他致癌成份) 強調產品無油﹑無添加及無色素。 4. 適合敏感肌及孕婦使用。 5. 功效：補水鎖水﹑抗菌﹑消炎﹑即時鎮靜舒緩敏感﹑痕癢及泛紅﹑從底部修復肌膚﹑強化肌膚抵抗力﹑減少敏感情況出現﹑抗氧化。 6. 成份 (參考官方 Facebook 資料) ： a. PURITOX (升麻﹑葛根﹑芍藥﹑甘草)︰ 升麻-增強肌膚抵禦力，減少痕癢﹑泛紅等情況，使肌膚健康穩定 葛根-養顏滋潤肌膚，長期使用有助減淡黃褐斑及暗瘡印等功效 芍藥-改善內在分泌紊亂引起的泛黃﹑暗瘡問題，提高肌膚免疫，抑制臉上暗瘡或過敏不適問題，延緩皮膚衰老 甘草-性質溫和能減退臉上泛紅問題，並具有美白和抗衰老功效 b. 角鯊烷 (Squalane) ：極佳滲透能力﹑為體內細胞提供重要氧份﹑加速新細胞再生 c. 海藻糖提取物：保濕劑﹑穩定劑作用 d. 積雪草：激活膠原合成﹑撫平細紋﹑抗敏抗炎 e. 馬齒莧蘺萃取物：消炎抑菌 睇完成份，唔怪之得佢陣味同平時用開嘅護膚品好唔同啦！同埋我終於明白，點解我啲瘡可以謝得咁快~ 唯一一點我有啲質疑嘅係吸收問題。所以今日用第二次嘅時候，我冇落精華油，直接用完爽膚水就用 acwell。果然，咁樣就真係吸收得好快！我嘅疑問亦都隨之而解開啦！ 今日冇落精華油真係好唔慣，覺得 acwell 更加唔夠滋潤。滋潤度仍然係一個疑問。 4月5日(三) 今日用埋最後早晚各一次。 用完 4 次嘅總結係： 1. 額頭啲乾紋同鼻頭啲凹凸洞變得不再明顯！平時化咗妝都見到佢哋喺度篤眼篤鼻，而家冇化妝就咁睇，已經唔係好覺眼，除非你真係哄到好埋先見到有少少。 證明 acwell 呢隻 cream 唔係唔潤，係潤得嚟潤喺肌底，而皮膚表面唔會「立痴痴」，春夏最啱用。 原來過去我搽嘅 cream 都係停留喺面嗰層嘅多！而家我先確切咁體會到，肌底如果夠保濕，表嗰層皮膚嘅膚質係可以差咁遠！ 做人同皮膚一樣，都要由個底靚返上面，咁先可以真真正正稱得上係靚！「acwell 更著重肌膚內在美」呢點，我超級 buy！ 而家面嗰層摸落嘅質感雖然同以前好唔同，但其實都滑嘅~ 同埋一上妝就知面嗰層其實係潤過之前：冇卡粉﹑乾紋出現。 2. 其實 4 月 4 日我都有啲新瘡仔出咗，不過搽完呢隻 cream，第二日佢哋就消失晒！相信長期用，塊面都可以 keep 到唔會生大瘡咁核突~ 我鼻頭嗰粒就遲咗啦，救唔到 :( 不過都見到佢比平時快熟咗，咁又真係快謝咗。 3. 仔細望吓塊面，其實係睇到啲膚質細緻咗好多！特別係面頰嗰啲毛孔，見到佢收細返晒！ 4. 自己平日冇乜留意，影完相先見到原來額頭有一堆暗粒。而家啲暗粒冇晒，額頭滑返晒！ 4月6日(四) 今日用返精華油同開咗另一隻牌子嘅面霜。發覺同一支精華油，今日再用返，竟然吸收好咗！即係話，acwell 隻面霜堅係幫我改善到膚質！愛死你！ 4月8日(六) 冇用 acwell 第三日，額頭乾紋﹑鼻頭凹凸洞同面頰粗大毛孔都仲未返出嚟 say hi 喎！最怕嗰啲一唔用，皮膚仲差過之前嗰啲護膚品 ( 唔知落咗咩) ！ 皮膚而家唯一最大分別就係，t-zone 出油開始多返，亦即係話，個底又開始乾啦 >< 天呀！ 4月9日(日) 打回原形。 結語： 一件產品再好，都總係有佢嘅缺點。有睇開我其他 posts 嘅你，都知我唔會一味讚好的。 但係 acwell 呢隻 cream，我今次真係搵唔到缺點咁無敵 (仲要畀我發現有銷售點喺我屋企 10 分鐘路程！YOU WIN~) ！絕對配得上「神一般的產品」嘅美譽 (我第一次畀咋~) ！ 2017 春夏，acwell NO4 深層極緻保濕舒緩水凝霜，別無他選。

第一次聽 Avene 呢個牌子，其實係好多年前，我同有個勁濕疹嘅朋友吹水講起，佢話試過好多護膚品用完都爛面，就係唯獨是用 Avene 冇事。因為我塊面都偏敏感，所以之後我都有用 Avene 嘅產品 (朋輩的影響力XD )。 今次試用嘅係 Avene 極敏感肌系列入面嘅高效抗敏保濕面膜。 時間唔遲唔早，真係來得剛剛好！ 因為呢排雖然空氣濕度勁高 (回南天/洗衫的煩惱) ，但係塊面嘅滋潤度係並唔會因此而提升㗎！ 又正正因為呢啲轉季天，令我本身容易敏感又乾爆嘅面起咗唔少粒粒 :( 輕輕介紹返呢隻面膜先，佢係主打「鎮靜舒緩」嘅效果。 另外再數數佢嘅優點 (官方資料簡化版) ： 1. 不含任何防腐抗菌物質 2. 用醫學無菌專利技術製成，100% 安全可靠 3. 嚴選有益成份及最多只有 7 種成份 4. 5 分鐘極速滲透吸收 睇完之後，就完全明白點解 Avene 連我個濕疹 friend 都可以用得安心又放心啦！ 開場白同講書呢部份就完啦，咁嚟實戰部份啦喎！ 用法及流程： 1. 洗乾淨塊面，再印返乾佢。 2. 搽 5-7ml 嘅份量上面。 3. 等 5 分鐘。 4. 洗面。 5. 噴補濕噴霧。 6. 搽面霜。 7. 完成。 今次試用嘅呢支試用裝本身就係 5ml，所以一次過用晒佢就啱啦！試過一次就明白 5ml 大約有幾多。亦都發現咗一點，原來我平時敷 gel mask 實在係太過薄敷！ 今後要豪啲，唔係就盞嘥咗啲 mask 嘅同時，又得唔到效果咁就嘥埋時間去敷啦！ 洗完面塊面 feel 到好乾，集中喺左邊面﹑額頭同鼻頭有幾粒瘡仔。另外，下爬同虎紋位摸落係乾到「鞋」手嘅。 係時候要立刻擠啲 mask 出嚟救面啦！嘩！Cream 嚟㗎？其實我係第一次敷呢種 cream mask，都真係好擔心佢會好厚，同埋好「立痴痴」(好憎！) 。 所以，心中即時有少少質疑「極速滲透吸收」呢個 point，究竟有冇違反商品說明條例 XD 好彩，一搽上面並唔係我諗嘅嗰種感覺！其實佢都好水，同埋好易推開嘅！絕對唔好畀佢嘅外表呃咗！ 均勻咁搽啲 cream 上面，我會喺啲瘡位﹑勁乾同勁易敏感嘅面頰位搽厚啲。 睇一睇圖，我啱啱搽完 cream，啲色係好白。過咗短短三分鐘，啲 cream 望落透明咗好多。不過佢唔係乾咗，摸落去都仲係濕濕哋咁嘅狀態，感覺皮膚都真係好極速滲透吸收到，真係冇呃我喎哈哈！ 喺等待嘅時候，feel 到下爬呢啲乾爆位有少少「吉吉哋」，唔係好強烈。其他地方好似啲瘡位都冇話會痛。 5 分鐘真係過得特別快！平時敷開嘅 mask，最短嗰隻都要 10 分鐘，所以 5 分鐘對我呢啲完全冇耐性嘅人，係一個加分位嚟㗎！ 效果如何呢？眼見啲粒粒有少少退咗紅，同埋膚質睇落有彈性咗。摸落「鞋」手嘅地方就冇咁「鞋」。 去到呢個 moment，其實係有少少失望嘅。感覺同我心目中嘅觀念好脗合：呢類型嘅產品效果係會比較溫和。講得白啲，即係效果唔係 WOW! 一聲咁咯。 不過，好戲的確係在後頭！ 第二朝瞓醒，一望塊鏡，我發現啲瘡仔謝晒！係 • 謝 • 晒！鼻頭嗰粒直頭冇咗！的確做到佢講嘅鎮靜舒緩呢一點！ 仲有就係，呢隻 mask 真係有提供到必需﹑有益嘅養份畀塊面，所以喺敷完 mask 嘅第三日，我塊面已經靚晒，冇瘡印，望落都仲係好有彈性﹑好飽滿咁！AMAZING! 最後，有少少吐嘈嘅地方 (不過不足以要扣分) ： 1. 對我嚟講就覺得唔夠潤。所以，我會建議洗完面，噴補濕噴霧之後，都係搽多層保濕精華會好啲。 2. 我會主力用佢嚟做防敏 mask 多過做保濕 mask。 3. 無香味呢個點係優點，但對我嚟講，我係有啲掙扎嘅！因為我鍾意有香味~ 不過算啦，無香味冇咁易令皮膚敏感，我接受！

第一次聽 Avene 呢個牌子，其實係好多年前，我同有個勁濕疹嘅朋友吹水講起，佢話試過好多護膚品用完都爛面，就係唯獨是用 Avene 冇事。因為我塊面都偏敏感，所以之後我都有用 Avene 嘅產品 (朋輩的影響力XD )。 今次試用嘅係 Avene 極敏感肌系列入面嘅高效抗敏保濕面膜。 時間唔遲唔早，真係來得剛剛好！ 因為呢排雖然空氣濕度勁高 (回南天/洗衫的煩惱) ，但係塊面嘅滋潤度係並唔會因此而提升㗎！ 又正正因為呢啲轉季天，令我本身容易敏感又乾爆嘅面起咗唔少粒粒 :( 輕輕介紹返呢隻面膜先，佢係主打「鎮靜舒緩」嘅效果。 另外再數數佢嘅優點 (官方資料簡化版) ： 1. 不含任何防腐抗菌物質 2. 用醫學無菌專利技術製成，100% 安全可靠 3. 嚴選有益成份及最多只有 7 種成份 4. 5 分鐘極速滲透吸收 睇完之後，就完全明白點解 Avene 連我個濕疹 friend 都可以用得安心又放心啦！ 開場白同講書呢部份就完啦，咁嚟實戰部份啦喎！ 用法及流程： 1. 洗乾淨塊面，再印返乾佢。 2. 搽 5-7ml 嘅份量上面。 3. 等 5 分鐘。 4. 洗面。 5. 噴補濕噴霧。 6. 搽面霜。 7. 完成。 今次試用嘅呢支試用裝本身就係 5ml，所以一次過用晒佢就啱啦！試過一次就明白 5ml 大約有幾多。亦都發現咗一點，原來我平時敷 gel mask 實在係太過薄敷！ 今後要豪啲，唔係就盞嘥咗啲 mask 嘅同時，又得唔到效果咁就嘥埋時間去敷啦！ 洗完面塊面 feel 到好乾，集中喺左邊面﹑額頭同鼻頭有幾粒瘡仔。另外，下爬同虎紋位摸落係乾到「鞋」手嘅。 係時候要立刻擠啲 mask 出嚟救面啦！嘩！Cream 嚟㗎？其實我係第一次敷呢種 cream mask，都真係好擔心佢會好厚，同埋好「立痴痴」(好憎！) 。 所以，心中即時有少少質疑「極速滲透吸收」呢個 point，究竟有冇違反商品說明條例 XD 好彩，一搽上面並唔係我諗嘅嗰種感覺！其實佢都好水，同埋好易推開嘅！絕對唔好畀佢嘅外表呃咗！ 均勻咁搽啲 cream 上面，我會喺啲瘡位﹑勁乾同勁易敏感嘅面頰位搽厚啲。 睇一睇圖，我啱啱搽完 cream，啲色係好白。過咗短短三分鐘，啲 cream 望落透明咗好多。不過佢唔係乾咗，摸落去都仲係濕濕哋咁嘅狀態，感覺皮膚都真係好極速滲透吸收到，真係冇呃我喎哈哈！ 喺等待嘅時候，feel 到下爬呢啲乾爆位有少少「吉吉哋」，唔係好強烈。其他地方好似啲瘡位都冇話會痛。 5 分鐘真係過得特別快！平時敷開嘅 mask，最短嗰隻都要 10 分鐘，所以 5 分鐘對我呢啲完全冇耐性嘅人，係一個加分位嚟㗎！ 效果如何呢？眼見啲粒粒有少少退咗紅，同埋膚質睇落有彈性咗。摸落「鞋」手嘅地方就冇咁「鞋」。 去到呢個 moment，其實係有少少失望嘅。感覺同我心目中嘅觀念好脗合：呢類型嘅產品效果係會比較溫和。講得白啲，即係效果唔係 WOW! 一聲咁咯。 不過，好戲的確係在後頭！ 第二朝瞓醒，一望塊鏡，我發現啲瘡仔謝晒！係 • 謝 • 晒！鼻頭嗰粒直頭冇咗！的確做到佢講嘅鎮靜舒緩呢一點！ 仲有就係，呢隻 mask 真係有提供到必需﹑有益嘅養份畀塊面，所以喺敷完 mask 嘅第三日，我塊面已經靚晒，冇瘡印，望落都仲係好有彈性﹑好飽滿咁！AMAZING! 最後，有少少吐嘈嘅地方 (不過不足以要扣分) ： 1. 對我嚟講就覺得唔夠潤。所以，我會建議洗完面，噴補濕噴霧之後，都係搽多層保濕精華會好啲。 2. 我會主力用佢嚟做防敏 mask 多過做保濕 mask。 3. 無香味呢個點係優點，但對我嚟講，我係有啲掙扎嘅！因為我鍾意有香味~ 不過算啦，無香味冇咁易令皮膚敏感，我接受！