alice123alice

呢支晚間深層水分面膜好抵用，佢質地好潤但係唔笠，少少已經夠全面薄薄搽一層，第二朝起身洗完面之後仲係好水嫩，皮膚好似飲飽水咁

呢支活性炭深層清潔面膜比起一般泥mask薄身少少，唔知係咪我搽得比較薄，好快就已經乾晒，過水之後皮膚柔軟左，同埋下巴嘅油脂粒都少咗，清潔效果唔錯

呢支粉底掃嘅抓粉能力好好，配合返bareMinerals嘅粉餅嚟使用，效果好貼服，而且佢伸縮嘅設計，方便帶出街使用，毛質十分柔軟，一啲都唔拮面

呢支卸妝油的確係卸得好乾淨，只要泵三下按摩全面，之後再加水乳化，再用水沖洗全面，就可以卸得乾淨，不過乳化過程要比啲耐性，如果唔係好似洗唔走啲油咁

呢個粉餅嘅粉質好幼細，有少少閃，上面會變咗好有光澤感，粉感都唔算明顯，遮瑕度就唔算太高，出嚟嘅妝感偏自然有光澤

我嘅第一支專櫃品牌唇膏，佢搽上咀好水潤又好顯色，好有光澤感，就算食完野抹咗咀，冇咗光澤感但係顏色依然喺度，非常持久

我嗰支係黑色眼線筆，顏色非常濃黑，畫出嚟嘅線條好流暢順滑，質地有少少似眼線膠筆，如果用黎畫眼睫毛根部會有啲gel住眼睫毛

武士刀眉筆好出名，真係好易用好方便，佢批成斜角嘅筆頭可以好容易就畫出一根筋嘅眉毛，平面個面可以輕輕畫上眉頭，質地夠硬好容易畫到想要嘅眉形

呢支粉底液嘅遮瑕都唔錯，都算幾貼面，好潤澤，滋潤度好足夠，不過我係油性皮膚，就覺得潤左少少，會容易出油，要做好控油同埋定妝先好用

糖果色系的指甲油十分討好, 包裝好可愛, 少女感十足, 指甲油內的掃容易搽得均勻, 顏色夠實色, 我買的粉紅色搽上手好靚, 如果皮膚白啲更襯

因為買卸妝水送左一小支所以先試用到，一試就想買，真係好易卸到防水妝，以前用開嘅要敷好耐仲要重覆幾次先抹得乾淨，呢支乾淨好多，仲唔洗重覆咁多次

真係好快速就卸到妝，便宜又好用，卸淡妝完全冇問題，如果真係要用佢卸埋眼線睫毛膏唇膏的話就要敷耐少少先抹，以卸妝水黎講已經好好