alice123alice

呢支紅水好出名，一試就知果然係名不虛傳，一般妝容卸妝卸得好乾淨，平日只化淡妝用佢卸就得，唔洗反覆擦先卸到，對皮膚都好啲

個按摩頭冰冰涼涼，用黎按摩眼部好舒服，可以即時舒緩眼部疲勞，但滋潤效果一般，眼霜顏色係肉色，有反光粒子，搽嘅時候有淡化眼圈，但長期效果唔多明顯

細細盒方便收藏或者帶出街，用手指上就可以，而且點好少分量就夠顯色，又平又抵用。顏色自然，霜狀質感好似融入皮膚，白裡透紅

粉底顏色選擇足夠，可以揀到適合自己嘅顏色，霜狀質感好柔滑易推，遮遐度適中，冬天用的話都唔會乾，夏天用就有少少容易脫妝

啫喱gel狀質地，好易推開，好清爽，怕笠嘅人應該會鐘意呢個質感，對油性肌膚黎講都夠保濕，唔乾，好啱夏天用，夜晚唔夠潤可用精華打底先

一試愛上的防曬產品，因為皮膚易出油所以唔喜歡厚重cream 狀防曬，高防曬係數嘅產品通常都好乾，呢款係我喜愛嘅質地，而且唔乾，好鍾意！

呢支潔面泡泡起出黎嘅泡泡非常綿密，有埋起泡網幫手起泡好簡單，不過就算唔用都一樣得，用泡泡按摩塊面好舒服，洗得乾淨唔崩緊

一盒入面有cream狀base同粉狀胭脂，有埋掃同鏡，出街或者旅行都方便，先搽cream狀打底，再上粉狀胭脂，令胭脂更貼服上色持久，顏色自然，平日常用之選

香味聞起黎幾舒服，啲清潔力都OK ，入面會有一個小膠刮，方便你唔使用手指撩出嚟，貼心又衛生，因為我手細，呢個比起卸妝油方便，唔會喺手指罅漏出嚟

呢款CC cream查咗會令塊面白淨啲，但冇遮瑕效果，而且質地有少少笠，油性肌膚唔係咁建議使用，嗰種光澤感有啲似出油，同埋白得唔係咁自然

首先係俾佢嘅雲石紋吸引到，而且盒裏面仲有埋胭脂掃同埋鏡，好方便，我買嘅顏色大部份係黃色，仲有啲橙紅色，上面效果好有健康氣息

之前染咗淺色髮色，同眉毛顏色差太遠，所以買淺啡色遮蓋原本嘅顏色，上色效果唔錯，容易搽勻每條眉毛，眉毛太長嘅時候都可以gel一gel，望落精神啲