alice123alice

質地好幼滑，用咗之後塊面好似柔焦左咁，有兩種顏色選擇，少少嘅膚色令肌膚顏色均勻左，而且又唔笠，化淡妝嘅話好適合用

兩隻色都買晒好鍾意啊，用來做胭脂嘅話感覺好粉嫩，粉紅色比較可愛，而紅色就望落紅潤好氣色啲，用黎搽嘴質感就比較啞緻柔滑

MJ嘅眉筆可以自由組合自己鍾意用嘅眉部產品，方面唔同喜好同埋習慣嘅人。我揀咗斜角嘅眉筆，比較易描繪眉型，同埋我鍾意佢嘅質地係比較硬，冇咁易重手畫得深色咗

顏色好靚，好有光澤感，以唇彩黎講都幾實色嘅，上咗咀之後可以令嘴唇更加飽滿，唇紋都會唔覺眼，係有少少黏，都可以接受

好易畫易用嘅眼線眼影筆，我買果兩支都有啲珍珠色，所以多數會用來做眼影，或者推開做冇咁實色嘅眼線。 36號色我通常會用黎打亮眼頭，睇落好自然有神。 想用個海綿頭推開就要快手啲，一慢咗就已經唔係好推得開架啦

Pupa嘅化妝品質素一向都好高，呢個系列眼影嘅質地非常幼滑，好閃亮，非常顯色， 沾少少就已經好上色，顏色亦都好靚好高貴

顏色好實色，搽上去冇色差，而且個掃都好用好易搽，呢隻祼粉色同埋咖啡色望上去好有氣質，太靚喇，忍唔住買晒兩支返嚟

顏色好靚好易襯，睇落好高貴，而且好易搽，好鍾意用，呢隻寶藍色閃閃發亮，好似寶石咁靚，而粉紅色搽咗上手亦都好高貴有氣質

呢隻指甲油嘅顏色好靚，閃片嘅數量夠多，可以確保每掃一下都係有閃片，佢個掃頭同平時嘅甲油掃頭唔同，係特別幼細，方便俾人畫細緻嘅圖案

呢盒胭脂有掃同埋鏡，顏色方面有四隻色，最淺色仲可以打埋光影，出街或者去旅行嘅時候用好方便，不過要留意番佢嘅閃粉比較大粒，有飛粉問題

我用緊嘅係01號色，呢隻色好自然，搽上面之後好似白裏透紅咁樣，仲有好微細嘅金色閃粉，個樣睇落會精神好多，而且價錢唔貴，好抵用

呢款面膜真係好保濕好貼面，但係佢嘅味道就麻麻哋，唔係咁好聞，我覺得真係有少少藥丸味，但效果係好嘅，夜晚敷完第二朝皮膚都仲係好水潤