alice123alice

一開始時喺手嘅時候覺得個感覺都幾舒服，但查落塊面嘅時候就覺得好似有膜咁，唔覺得保濕，好似只係查咗啲嘢係皮膚面層

呢個睡眠面膜太笠，完全唔知點樣喺瞓覺嘅時候用，黐笠笠咁，同埋好似焗住啲皮膚咁，最後當要過水嘅mask咁用先至夾硬用埋晒佢

呢款定妝粉嘅粉質好幼細，就算用返佢原裝個粉撲而唔係特登用掃上，妝感都係好貼薄，唔會覺得塊面好厚粉，睇落皮膚好滑咁，而且控油效果都好好

可以修飾毛孔，令皮膚望落去變滑溜嘅底霜，但因為佢係冇顏色嘅，所以就冇調色功能，亦都唔覺得特別控油，除咗修飾毛孔之外好似冇乜特別效果

因為經常用電話，眼睛亦好自然向下望，眼紋已經出現咗好耐喇！ 早晚都用呢隻眼霜，真係見到眼紋有減淡到，皺紋出現左要減淡真係唔易㗎，減到少少已經好犀利喇，黑眼圈就唔覺有改善到嘅，但係呢個效果都好唔錯

因為我畫眉嘅技巧麻麻地, 所以多數都係添少少色就算, 唔會花好多時間畫好工整嘅眉型, Gimme Brow 可以好快就均勻上色, 效果自然, 出錯率低, 啱晒手殘嘅我

質地有少少似 The POREfessional, 都係搽完上面感覺滑滑地, 有啲填平毛孔嘅效果, 用咗 Big Easy 比平時遲少少先出油, 遮瑕度都算ok, 但唔算好持久, 天氣熱都有脫妝嘅情況

用完皮膚真係柔軟咗，尤其是第一次用或者隔一排再用，感覺明顯啲。 原本個刷頭啲毛比較硬，轉咗尊貴絲柔輪廓刷頭舒服啲但去角質冇咁明顯。 同埋之前保養期內因爲換唔到轉速而換過一次機，到而家用咗幾年so far都冇問題。

化妝前先用呢個底霜, 可以令個妝更貼服, 同埋可以預先打亮肌膚，防曬度數夠高，而且又有保濕效果，顏色都好自然，可以保護皮膚免受環境傷害

含有8種珍貴植物精油，好易推開，好滋潤但係唔笠，有油份喺入面令皮膚好有光澤，又柔軟，好適合冬天或者晚上開冷氣嘅時候用

質地介乎化妝水同精華之間, 好快吸收晒, 皮膚即時保濕柔軟咗, 而且有淡淡紅茶香, 用落好舒服, 持續用皮膚keep住好細緻嫩滑

好香紅茶味，氣味討好，臨瞓前薄薄搽一層都夠，夠潤但唔會太笠，第二朝起身洗返走就可以，用完感覺到皮膚變得好水嫩