Yumi hui

依隻潤唇膏有少少橄欖油味，聞落有少系假，但係都幾好聞。搽完之後有少少指甲油果種光澤喺度，有小小反光既效果都幾好睇。

個人幾鍾意依支唇彩既色但唔多鍾意佢搽落去既感覺，有D立立地咁，好似搽漆油上塊唇咁。但出黎既效果同持久力都唔錯。

依隻遮瑕膏真係堅好用囉。用完之後面色好均勻，唔會有D深色左或者淺色左。皮膚暗啞位都光澤左，真係好好用。

依set修眉組合好岩我用，可以隨時隱地補眉，改善眼眉既輪廓，令眉形更加突出同更加有線條感。係值得回購既產品。

我個人真係好鍾意依支唇膏，有光射埋黎既時候會有D反光既效果，令到成塊咀唇好似識發光咁。重有佢本身陣香草味都好香。

依隻眼影盤有6隻色，基本上所有場面都可以用到依盒野。我個人幾鍾意隻桃紅色，幾青春少艾既感覺。用落個人都好似後生左咁。

lancome係我本身一直都有用開既牌子，依隻底霜已經係我第2支。佢幫我調整膚色，同時提升我個妝既持久力。個人大力推薦。

chanel眼影，個人除左隻淺藍色之外都好鍾意。其他色都好搶眼但隻淺藍色好似over左。上色力幾好，搽1層已經有色。不過價錢方面就有少少貴。

畫眉粉，2隻色一隻棕啡色，一隻胡桃啡，2隻都幾易handle，價錢又唔太貴，適合想學化妝既人買一盒黎用下，但化開妝既人可以有其他選擇。

guerlain四色眼影，坦白講隻眼唔係幾易上，但用黎化淡妝其實唔錯。個人幾鍾意用粉紅同灰色搭配，幾有層次咁。

依隻產品持久力好強，出街用佢無試過補妝。隻色用落自然得黎又搶眼，個人幾鍾意佢。不過佢其實幾油，皮膚偏油既人可能唔係太岩用。

MAC胭脂，持久力唔錯，隻胭脂朝早用完夜晚重keep到8成色。不過個人覺得隻色有少少濃，第1次用果陣掌握唔好俾人笑係咪化死人妝。