ching930118

粉質幼細，唔會好厚重，用嚟定妝覺得塊面好滑，持久度亦唔錯，用佢定妝，個妝可以維持大半日都唔掉。

遮瑕度唔錯，質地都好柔滑，易推開，但搽完覺得厚身，唔算透薄，如果搽多1至2層遮暗瘡，會覺得個妝有種厚重感。

效果唔錯，第一次用已經覺得好用，佢嘅潔淨力非常強，可以徹底清潔面部深層污垢，難應付嘅黑頭都清得好徹底，用咗3星期，皮膚明顯乾淨咗好多。

真心推介呢隻粉底，佢質地好透薄，遮瑕度都幾理想，搽完唔會好厚身，感覺輕柔，好舒服，而且顏色自然，唔會好白，非常好用！

精華嘅質地好透薄，易推開，搽完好快吸收，感覺好舒服，佢都算保濕，冬天用都適合。用咗兩星期覺得毛孔細咗，膚色有提亮。

用咗兩個星期，黑眼圈淡咗，眼紋都減少咗，雙眼望落更有神。佢質地好柔滑，易推開，搽完好快吸收。

質地好柔滑，用完唔會覺得笠同繃緊，好舒服，出暗瘡用完的確好快消。但保濕度就一般，本身係乾性皮膚，覺得夏天用比較好，如果冬天用皮膚好快乾，要再搽保濕霜。

佢有竹炭成分，覺得幾特別所以買嚟試下，感覺唔錯，個掃好好用，好柔軟，而且易控制份量，感覺唔錯。加上佢有抗菌功效，用得安心。

顏色好靚好吸引，但搽上嘴唇顯色度唔高，而且好快掉色，持久度唔高。但質地好柔滑，好易推開，顏色亦百搭，好易襯妝容。

防曬乳我就成日用，但防曬粉都係第一次接觸，感覺好似爽身粉一樣，粉感好幼滑，除咗面部，身體都可以搽，份量好易控制，成分天然，唔會刺激皮膚。

唔易化開，好持久，本身都驚會好難控制，但效果幾好，好易上手，而且試過搽完去游水都唔掉色，非常驚喜，好好用，會再回購！

遮瑕度一般，冇想像中咁好，想遮暗瘡，就算搽幾層都覺得遮得唔徹底，持久度一般，2至3小時就要補妝。至於質地方面，覺得比較厚，唔算透薄，整體一般。