ching930118

佢係精華油，質地太油膩，搽完好笠，唔會快吸收，但保濕效果的確唔錯，冬天用會比較適合，夏天會太焗。

粉狀好幼，好透薄，搽上塊面覺得好滑，但佢嘅遮暇度就一般，如果想遮暗瘡，搽多幾層，都已經有厚粉嘅感覺，而佢嘅透亮效果反而令我覺得唔自然。

佢保濕功效唔錯，冬天用都冇問題，至於美白效果就唔顯著，用咗兩盒，覺得皮膚都冇變白，但幾欣賞佢嘅保濕功效，而且佢可以抗敏，就算敏感肌都適合。

佢質地好透薄，搽完好快吸收，但因為太透薄，唔覺得保濕，可能乾性皮膚就唔適合。佢聲稱有美白效果，但本人用咗差不多一個月，都唔覺得皮膚有白。

乾性皮膚有時真係好難買到啱嘅保濕面霜，但今次我買啱咗！我覺得呢款乳霜真係非常潤，冬天用好適合，本身皮膚一到冬天，甚至夏天都會脫皮，但用完佢，脫皮情況大大改善，真心推介！

平時買磨砂產品，最怕就係買到啲粒子好粗嘅，因為怕傷害皮膚，令皮膚愈用愈薄，但呢隻磨砂唔會，佢係啫喱狀，用喺面上覺得有種涼涼嘅感覺，好清爽舒服，會再回購！

呢款卸妝啫喱真係可以徹底卸走妝容，特別係有次化咗smokey eyes, 用咗佢卸妝覺得出乎意料地好用。

本身皮膚好乾，而近冬天個嘴唇就更易脫皮，試用完呢款產品覺得個嘴唇好保濕滋潤，真係好持久，就算食完嘢都唔使再搽，但質地太笠，有少少繃緊。

質地呈啫喱狀，搽完好清爽，唔油膩，好快吸收，但覺得比較適合夏天用，因為用完會有種冰涼感。

呢款眼霜的確好保濕，用完又唔笠唔繃緊，質地好透薄，但論去眼紋，就唔覺得有效，用咗差唔多三個星期，都唔覺得眼紋有減少。

潔淨力強，徹底清走皮膚深層污垢，用咗一星期，黑頭少咗好多，面色冇咁暗啞，皮膚好似再生咁，睇落好健康。

佢好保濕，質地水潤透薄，搽完好吸收，皮膚唔會有繃緊嘅感覺，覺得好舒服，而且冬天用都唔會覺得唔夠潤。