CurryYIN

我覺得佢嘅設計真係好獨特，同埋好方便，Laneige呢隻水潤緊緻修復日夜眼霜，用二合一嘅設計，既慳到化妝台啲位，又唔會整唔見其中一枝眼霜，好方便！！

Laneige呢隻牌子雖然未用過，但係自從我用咗第一次，呢枝潤澤精華亮色唇膏之後，我真係對呢隻牌子勁有好感。因為佢枝唇膏真係好滋潤，唔洗搽一層潤唇，都已經可以有全日都好滋潤嘅效果，成個人都好舒服！

Anna Sui啲化妝品不嬲都好用！呢隻Lip Rough D － Dazzle，璀璨薔薇唇膏，真係又華麗，又好用。首先，佢上咗嘴，過咗幾個鐘之後，一樣係咁滋潤，好保濕。加上價錢大眾，所以成為眾多女性喜愛呢枝唇膏嘅原因！

今次呢隻唔同上次果隻色咁淡，呢枝MAC嘅Mattle Lipstick係做出豐唇嘅效果。有時畫啲歐美妝果陣，咁啱又揾唔到枝唇筆，但係呢枝唇膏一搽就做到豐唇嘅效果啦！

今次試嘅呢枝MAC Mattle Lipstick令人喜愛色，個人就覺得隻色好靚！不過上色能力還好，我覺得搽咗層潤唇嘅底先會好啲，一嚟個嘴會冇咁乾，二嚟個色上啲唔會瓊住一舊舊，會靚啲！

我覺得Dior呢隻誘惑唇膏，令到女人可以盡情散發女人味！佢啲色都係暗啞系，但係絕對唔會令人忽視咗你嘅唇妝，因為用完真係有種「烈艷紅唇」嘅feel。

我覺得bareMinerals呢隻礦物3D豐唇液質唇膏唇膏，出嚟嘅效果太厚，同埋陣味太濃，加上一上完，因為太厚所以好容易會甩色，同埋好容易化開，個人覺得唔係咁好用。

La Biosthetique呢隻防敏滋潤面霜，真係好快就令到我塊面重拾年輕肌膚嘅光彩，肌齡即刻年輕哂。因為用完之後，塊面紅腫嘅情況冇咗，而家滋潤嘅效果都好好，好滿意！

我塊面屬於啲敏感肌膚型，成日都好容易出一點點啲紅點，講真真係連我自己都覺得核突。而呢隻La Biosthetique嘅鎖水舒緩抗敏面膜，除咗幫我塊面保濕同鎖緊啲水分之外，仲順便幫我舒緩敏感嘅情況，真係好方便！

我覺得Lush呢隻快樂星球香水，真係好令到我懷疑細個學生時代，同舊朋友嘅友誼，同埋果種純真嘅友情，冇而家嘅勾心鬥角。有時壓力大果陣，聞下都好減壓，成個人都會開心咗！

個人就覺得眼部，呢啲特別敏感同薄嘅皮膚，應該有枝專門for呢啲部位嘅護膚產品。RMK呢枝速效眼眼保濕啫喱棒就做到好快保濕眼部皮膚嘅效果，而家價錢便宜！

買咗嚟送比姑母，佢真係好中意呢枝Chopard Gardens of Paradise香水！佢陣味真係好有古代阿拉伯嘅feel，好似入咗古代阿拉伯嘅世界咁，一聞就好似見到成個畫面！