CurryYIN

Clinique啲護膚產品係好嘅，但係我覺得佢今次呢隻水嫩補濕晚間面膜失咗手TAT。我個人就覺得佢唔係好做到保濕嘅效果，搽咗好似冇搽咁，第二朝起身都唔覺得自己塊面有鎖到水，變水潤。

一直都知Clinique啲護理產品功效好好，自己都有用開，而眼部呢啲咁容易顯露肌齡嘅部位，當然要做足護理嘅功夫啦。呢隻眼部護理水凝霜真係抗到黑眼圈同眼袋！！真心好用！推薦！

不含油分嘅Clinique深層特效水嫩補濕霜真係吸引到我即刻去買！！首先，佢入面啲補濕霜真係好pink pink，好少女！仲有佢真係做到長達24小時嘅保濕效果！

SABON呢隻杏仁潤手霜，個設計真係好吸引人，好有古代啲外國貴族feel！！我覺得佢入面啲成分都幾天然，唔會有果陣人工科學香薰味。雖然價錢比其他普通潤手霜貴，但係都ok好用。

Clinique呢枝滋潤幻變唇膏筆啲色真係好靚，令到人忍唔住會買多枝唔同顏色嘅。佢嘅筆頭好纖細，畫唇外部啲邊邊位好岩用，但係如果係用嚟填滿嘅話就會有啲唔方便，好容易會填多咗同厚咗。

Kanebo今次推出嘅限量版眼影真係好靚！佢啲色閃得嚟，又好適合冬天啲party！一入場已經做咗全場焦點，大氣又不失優雅！價錢有少少貴，不過效果咁好，所以係底㗎！！

Canmake呢隻晚間粉底真係好靚靚！個外型設計好獨特，好吸睛！不過啲粉係晚間搽都係第一次聽，之後又買咗嚟試下，個人覺得還好啦，都係習慣搽乳霜多啲。

Lip Hop呢枝花漾粉紅色潤唇筆真係好方便！細細枝好容易帶出街，個蓋又唔會容易甩。同埋我好中意佢黑色嘅外型設計，成件事即刻變得勁cool，好chill！！

其實我覺得Lip Hop呢隻幻變粉紅色真係好正！個人覺得成件事真係勁青春，同埋佢黑色身體嘅造型設計，好有時尚感，就算係黑色撞紅色都同會太突兀，反而好match！

Lip Hop呢隻水感爽防曬精華水凝乳真係太好用啦！！我覺得用完之後，成塊面好似上咗層保護膜咁，將高強度呢紫外線隔絕係出面。用完塊面都唔會痴苙苙，好smooth好有水感！

一直都知蘆薈可以保濕同埋舒緩曬傷嘅情況，而Lip Hop呢隻蘆薈面部及身體保濕啫喱居然有90幾%都係用天然蘆薈做，講真呢樣同真係好吸引，加上用完之後，曬傷咗果啲都冇再痛啦！

為咗令讀幼稚園嘅細表妹有搽潤唇膏嘅習慣，就買咗Lip Hop呢隻有公仔款嘅潤唇膏比佢。佢一見到有白雪公主同貝兒公主已經勁開心，之後佢搽上嘴都唔會有敏感嘅情況，好適合細蚊仔！