CurryYIN

個重點係佢刷頭！！真係fit到唔同指甲形狀，我啲指甲比較圓，側邊啲位其實都幾難搽，好多指甲油啲刷頭成日都要搽搽下指甲搽到埋側邊啲肉肉，其實都幾麻煩，但呢隻個刷頭好快就掃到平時好難搽果啲位。我用完見好用又比我個friend試下啦，佢啲指甲係又長又尖果款，佢都係可以好快咁搽幾下就搽完。個人覺得呢款真係好快乾，唔洗再驚hi花新搽好嘅靚靚指甲。刷頭，快乾度做得好好，希望可以推出多啲顏色！

首先係比佢個造型吸引到，事關真係未見過啲咁得意嘅指甲油。用落個刷頭唔會開叉，啲油都唔會瓊住哂。顏色還好，呢隻色太莊重，有啲難襯衫，要襯啲誇啲華麗啲嘅套裝。總括嚟講用落唔錯，不過希望會keep住推出啲年輕有活力嘅顏色♡

今次買左隻淺啲嘅鮮黃色，呢隻款好易上到色，搽一兩次已經有飽滿嘅效果。夏天用鮮黃色做底真係好青春好靚，加左啲白線做襯托，底果層都冇刮花等等嘅問題。試過自己係屋企挽gel甲，用呢隻顏色做底真係效果好好，因為搽一次就夠，唔會太厚，真心好用！！天下沒有醜女人，只有懶女人！！你值得擁有一枝靚嘅指甲油！！

用嚟浸浴真係有好多泡泡，好粉粉，成件事少女心心爆棚！！有普通沐浴效果，沖完涼會散發士多啤梨味，陣味甜甜地好好聞，總括嚟講好用唔錯。

呢款輕躍水嫩沐浴乳有少少保濕乳液嘅成分，有時做嘢做到太攰，沖完個涼就可以令皮膚鎖住啲水分真係好好。沖完涼出到街都仲feel到水嫩嫩嘅感覺，真係好似可以滑到滴出水咁！！既方便價錢又親民，會繼續購買！！！

一直都知Dove嘅柔嫩效果做得好好，自己都用過幾次，但係係呢到買仲平過出面實體店！真心覺得Dove嘅潤澤柔嫩效果係咁多沐浴露入面做得好但係價錢又實惠，無論係乾燥肌定油性肌都適合，真心推薦！！！

味道就係好聞！！用完好似成個人都變得貴氣咗，有唔同嘅花香不停輪流交替地滲入鼻入面，清新得黎又帶點性感。用落好舒服，皮膚唔會出現敏感情況，唔會起紅點或者痕癢果啲。姊妹們仲等緊啲咩？而家沖完涼就自己散發體香，唔洗再浪費時間去揀適合自己嘅香水。快啲一齊做個吸引人嘅女人啦！！！

本身有用開呢隻牌子啲唇膜㗎啦，今次就試咗隻玫瑰味。上次試左隻青蘋果味，用完個嘴唇聞落好清新，而今次嘅玫瑰味相信係好多姊妹嘅心頭之好，因為玫瑰真係又高貴又性感(´∀｀)♡ 質量好，效果好，價錢便宜，唔洗HKD＄10就有一塊。真心推薦！！！

終於比我揾到呢款唇膜啦！！！之前睇人化妝成日都見到呢啲唇膜，好多姐姐都會敷左呢塊嘢先化妝，敷完又真係見到好似個嘴會靚左咁。今次自己買咗番嚟試下，其實佢同我地平時敷面膜嘅原理差唔多，都係保濕抗皺紋果啲，只係唇膜就敷係嘴唇到。今次呢隻係青葡萄味，香香地冇化學劑果啲味。佢除左有效改善我嘅唇紋問題之外，價錢仲好底！！計番都係唔夠HKD＄10就有一塊，真係超超超物有所值！！！做開面部保濕護理，更加唔可以漏左保濕我地嘅靚靚小嘴。冇人唔準我地變靚，要靚就比少少錢出嚟保護我地女人嘅本錢啦！

我個人中意淺色多啲，因為淺色番學都搽得，事關其實我個唇好容易會因為天氣乾燥所以變得好暗啞色，都幾核突。淺粉色嘅美華麗光感潤唇膏係可以改善我嘴嘅皮膚唇紋等問題嘅同時，帶少少色感出嚟。望落去又自然，真心推薦！！

我自認自己隻手唔係啲纖纖玉手，因為成日都要做家務，就算帶左手套啲手指而家都會有"鞋"嘅感覺。同男朋友拖手同見面握手都特別驚，好驚人地會因為我對手所以對我印象差。果陣朋友介紹呢隻比我，我都係抱住試下嘅心態，但係而家用咗2個星期左右已經明顯感覺到自己隻手滑左，少左甩死皮，手部皮膚健康咗好多。而家真係好開心，因為呢款亞爾女神柔滑潤手霜真係改善到我嘅手部肌膚。個價錢仲要咁底，真心推薦比各位姊妹！！！

唔好話我收埋收埋唔大家啦，買睫毛膏就係要呢種有密集梳齒嘅，因為呢種刷頭先做到眼睫毛根根分明嘅效果，啲眼睫毛先唔會痴住哂！！呢隻增量豐盈睫毛液唔會太濕或者太乾，質量好到沒話說。用嘅時候Z字往上刷，配合密集梳齒刷頭，就可以輕鬆打造自然濃密大眼睛。以後都唔洗買假眼睫毛，唔洗擔心假眼睫毛太假。天下沒有醜女人，只有懶女人！！扮靚靚仲未算遲，只要你肯踏出第一步去試，做靚女不是夢！！